الموضوع: 5 أسئلة إجبارى أثناء إجراءات التجنيد

المشاركة الأصلية كتبت بواسطة far!d

مصر الفرعونية كانت اقوى دوله في العالم مع الف مليون اله يعبد
مصر الفرعونيه كانت اغنى دول العالم مع وجود العبوديه و الالوهيه و السخره
مصر الفرعونيه كانت اكثر مجتمعات الارض علما و ثقافه مع وجود كل المظاهر السابقه
جيشها من صنع التاريخ فلا تدمرونه بالاقوال الهدامه
كلامي ليس تشجيع او اثبات ان المظاهر السيئه المذكوره سر النجاح ولكن
الجيش لما يبقى قوي الدوله بتاخد فرصها في انها تنهض بحريه بلاخوف خارجي
بصوا على أمريكا بلد الحريات المزعومة المصدره لشعار الديموقراطيه ولا تملك منه الا كلمات تصدرها للعالم و لكن جيشها من يحميها وليس ديموقراطيتها

استاذى مع احترامى لرائيك الا انه جانبه الصواب
مصر الفرعونية كانت اقل الحضارات القديمة احتلالا لامم اخرى و لكن حضارتها بنيت على الثقافة و العلم و الكتابة و ليس القوة المسلحة و هناك امثلة اخرى لحضارات كانت اقوى كثيرا من المصريين عسكريا بل و احتلت مصر نفسها و لمنها لم تترك ما تركه المصريين من علوم
حتى فى العصور الوسطى اقوى قوة مسلحة ظهرت على الارض كانت الفايكنج فى شمال اوروبا و هما الى بنوا لندن كقاعدة عسكرية و هما كمان الى اطلقوا على روسيا اسمهم الحالى و انشاءوا العديد من المدن الاوروبية حضرتك تعرف ان هما لا يوجد لهم اى اثر حاليا لا تراث و لا ثقافة لانهم اعتمدوا على العسكرية و اهملوا كل حاجة تانية
نيجى بقى للعصر الحديث
كوريا الشمالية واحد من اقوى جيوش العالم ليه بقى مبنوش دولتهم لكى تنهض بلا خوف خارجى
ليه دول معندهاش جيش زى سويسرا واحدة من ارقى دول العالم و اغناها
العملية ليس لها علاقة بقوة الجيش ام عدم قوته بل بعطاء الشعوب و مدى مساهمتها فى العلم و الثقافة
امريكا بقت امريكا علشان مساهمتها فى العلم و الثقافة و سيطرتها الثقافية على العالم بالسينما و الثقافة و اللغة و العملة و العلم و الاختراعات مش علشان هى اقوى جيش فى العالم
طبها علشان نوصل لده محتاجين ادارة قوية. من حد فاهم علشان يدير البشر فى منظمومة متكاملة مش مجرد انه قائد عسكرى محنك يعنى انه يمتلك اى قدرة على ادارة شعب

المشاركة الأصلية كتبت بواسطة far!d

سيدي mfe
رايك و ردك ينم على تهذيبك و اشكرك عليه جدا
انا قولت فعلا الكلام بتاعي بس في نقطه شكلها مش واضحه كويس
ان القوات المسلحه هي سر تقدم الدوله مش عشان هي و بس ولكن بتيح للفرصه الدوله النهوض بلا خوف لو كانت لديهم نيه النهوض و قائد ينهض بها
فعلا كوريا لديها جيش قوي ولكن زعمائها راضين بالشعب كده مش عايزينه ينفتح على باقي العالم بالثقافه
ولكن تخيل امريكا بلا جيش هل ستصمد أمام العدو اللدود روسيا؟
تخيل سويسرا بدون معاهده الحياد و حمايه اروبا لها؟ هل شفعت لها الثقافه و التقدم لها اما جيوش النازيه؟

طبعاان اشكر سيادتك و الاختلاف فى الراى يتيح فرصة لتبادل الافكار
المهم انا هوضح لسيادتك وجهة نظرى
انا هبدء اسال نفسى سؤال هل الجيوش القوية تصنع امم قوية ام ان الامم القوية تصنع جيوش قوية
و انا برضه هجاوب على السؤال الجيوش القوية لا تصنع امم قوية و التاريخ جاوب على السؤال ده من زمان و لكن الامم القوية تصنع جيوش قوية او لا بارادة شعبها
هتلر اجتاح اوروبا كلها بالكامل ماعدا سويسرا لانه رغم كل شئ احترم حياد سويسرا طب لو حب يحتلها من ٣٩ الى ٤٢ كان فيه حاجة تمنعه لا مكنش فيه الا رغبة الشعب السويسرى من ٢٠٠ سنة انه يبقى محايد تماما فى حروب الاقوياء
طب السؤال هل ممكن الجيش المصرى يصنع امة قوية حقول برضه لا مهما كانت قوته. بس الامة المصرية القوية هى الى هتعمل جيش قوى و القوة متطلباتها كتير اولها العلم و الثقافة و العمل و مقولتش التدين رغم انه فى راى اول شئ علشان تجارب الدول الاخرى مكنتش معتمدة على التدين
شوف انا شوفت يعنى ايه تقدم و حضارة بجد و شعب قوى بجد زى المانيا و سويسرا و دول لو عايزين يكونوا اقوى جيوش فى العالم هيتم ده فى سنة او اتنين بالكتير و شفت دول قوية جدا عسكريا لكن بجد مفيش اى انتماء للوطن و الجيش قوى علشان معظم الموارد بتوجه للجيش و للضباط و طبقة المنتفعين و الحكام طبعا علشان لا يساء بى الظن. انا مبكلمش على مصر. انا بتكلم عن روسيا و الروس حضرتك رغم قوة الجيش تلاقيهم فى كل حتة فى العالم حتى فى افريقيا يا بيشتغلوا. فى الملاهى الليلية يا اما فى الفنادق يا اما فى التهريب و ليه اصحاب روس يتمنوا يقبضوا ٥٠٠ دولار فى الشهر رغم تعليمهم العالى جدا و حضرتك تروح موسكو تلاقى الحاجة غالية جدا جدا جدا فالناس بجد معندهمش اى انتماء حضرتك عارف الروس كانوا بيجوا الغردقة و شارم ليه قبل الثورة الاجابة بسيطة علشان بيدفعوا ٣٠٠ دولار فى رحلة ١٠ ايام و بياكلوا و بيشربوا بيهم فى مصر بما يعادل اضعاف قيمتهم فى روسيا لان الاكل هناك غالى جدا