الموضوع: سؤال إجبارى ( أيهما تختار و لماذا ؟ )

المشاركة الأصلية كتبت بواسطة anaconda_0054

انا مثلا بفضل ال 10000 ودا بسبب المسافات الطويله اللي بمشيها يعني ال 1000 و ال 5000 مينفعش معايا خالص

وبعدين التوكيل نفسه بيشتغل الصيانه كل 5 او 10 الاف اكيد هما عارفين ان ده مش هيرجع بضرر علي العربيه

تاني حاجه والاهم يعني :ان الزيت مش لازم يتغير علي المسافه بتعته خصوصا في الحر الشديد اللي بقا في مصر ده

يعني ممكن تغير 10000 في التوكيل تمشي عليه 7000 مثلا وتنزله بره وتحط 3000 لحد لما تروح التوكيل في الصيانه اللي بعدها وكدا يعني انا بعمل كده خصوصا في الايام دي لان الحراراه العاليه اللي احنا فيها دي الزيت مش هيستحمل


وفي النهايه هي وجهات نظر

والله وجهة نظر محترمة و تستاهل الأحترام و الأخذ فى الأعتبار .............. جزاك الله خيرا حبيبى

المشاركة الأصلية كتبت بواسطة normal

أنا بقى بفكر فيها من حيث التكلفه
جهد وماده
يعنى أيه الى يخلينى أغير كل 3000 مثلاً وأهلك نفسى كل شويه فى الموضوع دا
مع أنى ممكن أغير كل 10 وأوفر على نفسى مجهود وكمان أرخص من 3x3000
أنا لو فى زيت كل 30 ألف هحطه وأنسى عربيتى

رايك صح وسط المشاغل و الواحد ما بيصدق يروح البيت - مفيش وقت للصيانه اساسا للعربيه -هفضل كل شويه اروح اغير زيت:b4_556:

جميل لحد كده كله رأيه زيوت المسافات الطويلة بس لسه عايزين نسمع أراء باقى الخبراء .

I'm Waiting

تغيير الزيت حسب الاستخدام في ناس اغلب مشيها جوا البلد وبياخد ال 5000 كم مثلا في فتره كبيره ممكن توصل ل 5 شهور ده الافضل ليه انه يغير زيت 5000 كم انما في ناس اغلب مشاويرها سفر طبعا ده لازم يستخدم زيت 10000 كم مش كل يومين هيغير زيت ويفضل متابعه الصيانه الدوريه في التوكيل او اي مركز خدمه كل 10000كم

والله أنا حاسس إن التوكيل بيحسبها من ناحيته بي يعنى الزيت 10000 أغلى من 1000 و 3000 و 5000 فعلشان كده زيت ال 10000 عنده Recommended

لذلك أنا أرى إننا نقارن على أساس إحتياجاتنا إحنا و على حسب مشاويرنا إحنا

وسيبك من التوكيل لأن بصراحة محدش هايخاف على مصلحتنا غيرنا و لو فيه حد هيخاف علينا فأكيد أكيد أكيد مش هيكون الوكيل و أعتقد إحنا إتلسعنا من الوكيل كتيييييييير و ياما لسه هنشوف منه