الموضوع: رجرجة شديدة جدا جدا في العربية تكون اية ؟

المشاركة الأصلية كتبت بواسطة mohamed2002

شكرا لردكواهتمامك ,حضرتك انا لما جبت الفلانشة الجديد وركبتها العربية مشيت تممام لمدة اسبوعين تقريبا فازاي نقدر نحكم ان مفيش مشكلة في الكردان ؟؟

لو فيه مشكلة فى الكردان ماكنتش مشيت تمام بعد تركيب الفلانشة. العيب فى صناعة الفلانشة عن تجربة. وبعدين انت اشتريتها مضروبة فعلا لانى افتكر ان انا كنت جايبها جديدة ايطالى كانت 60 جنيه تقريبا.

المشاركة الأصلية كتبت بواسطة yaskhl

لو فيه مشكلة فى الكردان ماكنتش مشيت تمام بعد تركيب الفلانشة. العيب فى صناعة الفلانشة عن تجربة. وبعدين انت اشتريتها مضروبة فعلا لانى افتكر ان انا كنت جايبها جديدة ايطالى كانت 60 جنيه تقريبا.

ِشكرا لردك وكلام حضرتك نفس كلام الميكانيكي حوديها له بكرة وحرد عليك
بس دلوقت اجيب كاوتش
1 استعمال خارج
2 تركي
3 ايطالي
4 روسي (جبتها وباظت)
5 التايلاندي شكلها محترم وباين عليها نضيفة

1- استيراد.
2- ايطالى وبيبقى محفور عليه او على البرشام الصاج اللى بيتفك من عليها.

دور على الايطالى الاول و تكون بيريللى
و هتلاقى الكاوتش بتاع الفلنشه مكتوب عليه البيانات صب كاوتش مش طباعة حبر
لو ملاقتش شوف حد بيفهم كويس يستنضف لك واحده استيراد
و بعد ما تخلص موضوع الفلنشه ( لو فيه بوش فى الكورونا او صلايب بايظه بتبان بالأيد) نجرب و نشوف لو الكردان عاوز حاجه تانيه
ما تفتحش فى اكثر من موضوع فى نفس الوقت

المشاركة الأصلية كتبت بواسطة yaskhl

1- استيراد.
2- ايطالى وبيبقى محفور عليه او على البرشام الصاج اللى بيتفك من عليها.

شكرا لردك بس علي فكره الاصناف اللي في السوق عليها البرشام الصاج

المشاركة الأصلية كتبت بواسطة l0new0lf

دور على الايطالى الاول و تكون بيريللى
و هتلاقى الكاوتش بتاع الفلنشه مكتوب عليه البيانات صب كاوتش مش طباعة حبر
لو ملاقتش شوف حد بيفهم كويس يستنضف لك واحده استيراد
و بعد ما تخلص موضوع الفلنشه ( لو فيه بوش فى الكورونا او صلايب بايظه بتبان بالأيد) نجرب و نشوف لو الكردان عاوز حاجه تانيه
ما تفتحش فى اكثر من موضوع فى نفس الوقت

شكرا لردك وحروح للميكانيكي النهاردة وحعمل بنصيحتك

تم شراء فلانشة ايطالي ب 65 جنية وجاري التركيب

تم التركيب والميكانيكي قالي ان الكردان سليم ,لكن كريس النص كان معوووج وتم استعداله ,هوة دة السبب في انقطاع الكاوتشه
تم تربيط العفشة وتصليح فرامل اليد وتظبيط فرامل العربية وتركيب الفلانشةوخد 60 جنية مصنعية