تفكير في شراء لانسر شارك 2014

**MegaBlackMoe** · 09-05-2014 08:23 PM

السلام عليكم
أنا بفكر جديا في شراء لانسر شارك 2014 وأنا حاليا معايا لانسر بومة 2006 بس ماشية 196000 ومن خلال تجربتي للانسر أقدر أقول إنها عربية بجد محترمة بس كنت عايز أسأل على كذا حاجة في الشارك:

1- مميزات وعيوب الشارك
2- الفرق بين الفئة الأولى والفئة التانية
3- اسعار قطع الغيار وأحسن مكان للصيانة سواء توكيل أو مركز صيانة
4- أماكن بيعها من المعارض

وشكرا مقدما

**ahmedmohamed7** · 09-05-2014 09:42 PM

متاااااااابع

**mac os** · 09-05-2014 09:56 PM

الشارك عربيه محترمه جدا ثابته جدا موتور ممتاز ملهاش مشاكل ميكانيكيه لكن اصحابها معظمهم بيشتكوا من العزل بتاع العربيه مش كويس قوى والشنطه صغيره والتوكيل سيئ واهم عيب قطع الغيار من اعلى الاسعار فى الفئه دى هى صحييح بتعيش كتير لكن غاليه جدا جدا

**kokowasfy** · 09-05-2014 10:04 PM

عربية محترمة اتكل على اللة و مش هتندم

**MegaBlackMoe** · 10-05-2014 05:11 AM

طيب بالنسبة الفرق بين الفءة الاولى و التانية؟

**Yasser Zaky** · 10-05-2014 09:37 AM

الفرق بين الفئة الأولى والتانية :-
١- واحد ايرباج للراكب جوار السائق
٢- abs للفرامل
٣- جنوط للاربع عجلا ت فقط ( الاستبن بدون جنط)
٤- كل اللي فات موجود في الفئة التانية ومش موجود في الأولى بس أعجب فرق أن الفئة الأولى فيها سبويلر والتانية لأ

عن نفسي شوفت أن الفرق ما يستهلش ١٠ الاف جنية فرق سعر

**Mohammmed** · 10-05-2014 10:42 AM

عييها ان عزلها وحش مقارنة بفئتها

**محمد سمير حسين** · 10-05-2014 11:56 AM

المشاركة الأصلية كتبت بواسطة Yasser Zaky

الفرق بين الفئة الأولى والتانية :-
١- واحد ايرباج للراكب جوار السائق
٢- abs للفرامل
٣- جنوط للاربع عجلا ت فقط ( الاستبن بدون جنط)
٤- كل اللي فات موجود في الفئة التانية ومش موجود في الأولى بس أعجب فرق أن الفئة الأولى فيها سبويلر والتانية لأ

عن نفسي شوفت أن الفرق ما يستهلش ١٠ الاف جنية فرق سعر

استاذ ياسر اهلا بيك بس معلش رايي ان الabs والجنوط والاير باج بصراحة يستاهلو 10 الاف ولوحد حاول يركبهم برة هيتكلف اكتر غير ان ال abs مش هينفع يركب وعلي فكرة الفئة الاولي والتانية زي بعض من غير اسبويلر ده بالنسبة لتوكيل دايموند بالنسبة للخليجي انا معرفش بصراحة لكن الشارك عامة بسم الله ما شاء الله عليها عربية فعلا

**HaNo_ELBeh** · 11-05-2014 11:13 AM

المشاركة الأصلية كتبت بواسطة MegaBlackMoe

السلام عليكم
أنا بفكر جديا في شراء لانسر شارك 2014 وأنا حاليا معايا لانسر بومة 2006 بس ماشية 196000 ومن خلال تجربتي للانسر أقدر أقول إنها عربية بجد محترمة بس كنت عايز أسأل على كذا حاجة في الشارك:

1- مميزات وعيوب الشارك
2- الفرق بين الفئة الأولى والفئة التانية
3- اسعار قطع الغيار وأحسن مكان للصيانة سواء توكيل أو مركز صيانة
4- أماكن بيعها من المعارض

وشكرا مقدما

اولا ربنا يوفقك للصالح انشاء الله

اما بالنسبه للعربيه انا كنت بقارن بين البوما والشارك تانى فئه لما كنت بشترى
وهقول لحضرتك بعض الملاحظات
الشارك
مميزاتها 1- عربيه واسعه داخليا
2-تقفيل كويس بنسبه 70 %
3-فرش داخلى كويس جدااا
4-موتور مايفيك قوى جدا و ممتاز
5-عفشه تم تعديلها بالكامل فى الموديلات الجديده
يعنى حضرتك تقدر تجرى برحتك على الطريق العربيه امان وثابته مع السرعات العاليه
6-كاوتش مقاس عريض ويابانى 100*100
7-اضاءه ممتازه فى الليل وكاشف للطريق كويس جدا
8-العربيع اعتماديه جدا جدا
9-فتيس ممتاز
10- العربيه ضخمه وتحسسك بالفخامه
عيوب الشارك
1- شنطه ضيقه
2- العزل بالنسبه للموتور والصوت الخارجى بنسبه 50%
3-بالنسبه للفئه الاول مافيش اوبشنز كتير ولا وسائل امان كتسر
اما للفئه التانيه تزيد ايرباج واحد و ال abs
الاختلاف كله فى الفئه التالته

التــــــــــوكيل وهو دايموند
شوف حضرتك فى ناس مختلفه على التوكيل فى ناس بتقول انه محترم وتم تغير المهندسين والاهتمام بقى احسن بالعملاء
وفى ناس بيبقى عندها مشاكل شخصيه مع التوكيل يفضل يشتم فيهم وان مافيش حد بيفهم
انا رايى الشخصى لو حضرتك عجباك العربيه اتكل على الله

طبعا احسن مكان للصيانه هو توكيل العربيه
دايموند ابو رواش كويسين

ولو حضرتك مش عايز تستنى تحجز وتستلم يبقى خليك مع
معرض الطارق فى مول العرب
او معرض الحــــاوى فى شارع الطيران مدينه نصر
الاتنين محتــــــــــرمين جدا جدا جدا
انا لسه شايفها عند الحاوى بس اوفر برايس طبعا

تحياتى ليك ويارب يكرمك

**yahyayosef** · 11-05-2014 12:09 PM

الشارك عربية جميلة ومحترمة وشكلها شيك جدا من جوة وبرة وموتورها ممتاز بس كان عيبها الوحيد ان قطع غيارها غالية شوية وطبعا ده كان مقلل من انتشارها لكن دلوقتي بدأ ينزل قطع غيار تيواني ليها وبالتوفيق ان شاء الله