الموضوع: من أفضال نايل موتورز

السلام عليكم و رحمة الله و بركاته
بقالي فتره متابع النقاشات, الأمر اللي جعلني أثق ثقه كبيره في المنتدى و آراء المتفاعلين فيه لدرجة أني أشتريت عربيه ميجان 2005 بعد ما فضلت اتابع التقارير هنا لمدة شهرين.
المهم. بعد ما جبت العربيه بكام يوم كده.نزلت الصبح أدور العربيه . اتفاجئت بانها بتترج جامد حتى لدرجة ان ممكن يكون الكبوت هو كمان بيترج
و لما جيت أتحررك بيها وجدت مفيش فيها سحب خالص لدرجة ان المطب اللي أدام البيت العربيه مش عايزه تطلعه و كمان طلعلي رساله (تشيك جيربوكس و رساله تشيك انجكشن)
قلت لازم اروح بسرعه لحد فاهم. بس و انا رايح في طريقي دخلت على المنتدى هنا و عملت سيرش على العيب ده و المواضيع اللي طلعتلي بتقول ان العيب ده سببه (كويل).
رحت للراجل و قلت له (شوفلي الكويلات اللي عندي؟) قالم الراجل بعد اما بص شويه كده قاللي: الكويلات سليمه يا باشا و مافيهاش حاجه!!!!!! و نصحني اني اروح اكشف كمبيوتر.
لما رحت لواحد بتاع كمبيوتر أول اما شاف الرسايل اللي طالعه قاللي: روح لحد بتاع فتايس
المهم انا و لا رحت و لا جيت. انا اتصلت بواحد هنا في المنصوره . راجل محترم بيبيع حاجة الميجان. و سألته. قاللي تعالى .
لما رحت له. و دخلت عليه المكتب قام الراجل و خد معاه كويل و طلع شاف العربيه. و فتح الكبوت و غير كويل من اللي موجودين. و قاللي ((أطلع جررب و لو ان كده تمام مش محتاجه تجربه))
و فعلا كل حاجه رجعت زاي الفل و أحسن من الأول, و الموضوع خد عنده أقل من 10 دقايق + 120 جنيه
..انا قلت له انا كنت عارف انه كويل . قاللي عرفت منين انت حصللك الكلام ده قبل كده . قلت له لأ بس انا عرفت كده من منتدى اسمه نايل موتورز..
المهم . شكرا ليكم و أرجو منكم الأستمرار و رجاء خاص مني . حاولوا تتفاعلوا معايه في الأستفسارات اللي انا مشارك بيها علشان انا بيطلع عندي عيوب كتير و بحاول اعرفها من هنا . شكرا

المشاركة الأصلية كتبت بواسطة tarek_asem

طب في حد في المنصوره بيبيع حجات استيراد بتاعت الميجان ؟ وعايز كهرباائي فااااهم عايز اشوف موضوع الفانوس ده !

الأستاذ عبده السباعي عنده كل حاجه و أسعاره معقوووووله جدا. و محلله موجود في جديله شارع المضرب بجوار فرن مخبوزات (كريستال)
اما بخصوص الكهربائي ففي واحد كويس جدا جدا في مساكن المينا.. بس هو دايما مش فاضي(مش هتعرف تتكللم معاه اصلا. مش فاكر اسمه ايهاب او وليد.. عموما . روح عند عبده السباعي و أسأله عن كهربائي هو هيقوللك على كل اللي انت محتاجه