تقرير ريــنو - Renualt Atlas September 2008

**Sharky** · 11-10-2008 11:26 PM

المشاركة الأصلية كتبت بواسطة أبو عبدالله

ا

يا حاج احمد من السنه اللي فاتت ومعروف ان قبل ما تويوتا تبقى الأول
ان جنرال موتورز كانت 11 مليون سيارة
وكانت تويوتا بتحاول توصل للرقم ده ووصلت خلاص من فتره
يعني هما وصلوا 11 مليون من زمان

وكان التقرير ده جه على قناة جير وان
وكان في الأخبار ان فولكس فاجن بتحاول انها تعدي الرقم ده في 2013 تقريبا

يعني الأرقام دي سمعتها من اكتر من مصدر ومن زمان كمان من 2007
يعني مش 2008 خالص

وانا كنت كتبت الموضوع ده قبل كده هنا في موضوع منفصل ان فولكس فاجن بتحاول توصل للرقم ده

هحاول اشوفه واجيبه ان شاء الله

طيب انا هسألك سؤال
في كام شكرة اوروبيه معروفة في العالم يعني بيتبع في كل انحاء العالم
قولي عددهم وقولي ان رينو حاصلة على المركز الثامن على الماركات دي
هما كام ماركة اصلا هيا كده تبقى متزيله القائمة

انا افتكر والكثير يرى ذلك وبالأرقام والدلائل والأحصائيات اللي مش عاوزين تصدقوها
ان رينو شركة محترمة اكيد ولها اسم ولكن ينقصها لسه حاجات شركات تانية كتير تخطتها خلاص ومعدتشي مشكلة للشركات

وانا عاوز اقول ايضا ان العربيه في أصلها هيا وصيلة مواصلات
اي ان اي مشتري بيدور على عربيه بيبقى المقصد الأساسي له انه يريد ان يتنقل بأمان في سيارته في اي مكان وفي اي زمن وبدون عناء او جهد او مشقه
ومع اقل التكاليف هذه معادلة شراء السيارات عموما
يبقى أولوية شراء السيارة لأي احد في اعلم وهذا يعني الغالب اكيد
ليست الرفاهية ولا .. ولا ... ولا ... فهذه أشياء تأتي لاحقا ولكن الأولوية
هيا الأعتمادية مع اقل التكاليف

واذا كانت الرفاهية او الشكل الخارجي او اي بند اخر سوف يأثر على الأولوية الاولي بأي شكل من الأشكال
فتاجد ان العربيه لن تنال اعجاب الكثير
فالعربية ليست بيت أحب ان ارتاح فيه بالكماليات والأوبشن وانا في وسط الطريق او في بيتي لا اجد من يوصلني الى اي ماكن وانا انعم بالزجاج الكهربائي وغيره

وشكرا لحسن الأستماع وكفايه كده بقه

واحبك في الله يا احمد وان شاء الله اوعدك ان عربيتي التانيه هتبقى برضه ياباني او الماني مش فرنساوي ابدا احسن

لا قدر الله

:D:D:D:D:D:D:D:D:D

بص يا أبو عبدالله كل الكلام إللى إنت قولته دا مكرر و أن رديت عليه قبل كده فى المشاراكت السابقة
أى حد يخش يقرأ الموضوع هو يقارن بنفسه و مش محتاج أعيد الكلام تانى

أبو عبدالله أنا عايز تقول رأيك بقى فى الموضوع دا
http://www.nilemotors.net/Nile/showthread.php?t=42219

**Ahmed Selim** · 11-10-2008 11:31 PM

المشاركة الأصلية كتبت بواسطة أبو عبدالله

بصراحه اسلوب كلام مش بفضله
خصوصا ان حضرتك مش عارف انا واحمد بنتكلم في ايه وليه
وحضرتك دخلت فيا اكني بقول رايي انا لوحدي والمفروض يسري على الكل

مع ان حضرتك في ثنايا كلامك بتقول ان الواحد ميتكلمشي الا لما يبقى عارف الاول
وواضح ان حضرتك لم تأخذ بهذه النصيحة الأول

وعلشان كده مش هقدر ارد على حضرتك في أسألتك لأنك متعرفشي عني حاجه ولم تستفسر عن ذلك فقط ولكنك استفسرت ورديت في نفس المشاركة بقولك مين احق انه يجاوب اكن فعلا انا لم اجرب سيارات رينو

فأرجو ان يكون الحوار الطف من ذلك فأنا لم اتشرف بمعرفة حضرتك ولم تعلم عني شئ
فياريت قبل ما تتهم احد بشئ لا تعلمه تحاول تستفسر فقط الأول
وبعدين اتهم براحتك بعد ذلك وشكرا لك

يعنى أنا قريت الموضوع من الأول خالص للأخر قبل ما أبعت المشاركة اللى فاتت و برضه كده أنا مش عارف !!!!!!!
لأ حضرتك أنا الحمد لله عارف أنا بقول أيه كويس......
حضرتك ممكن متردش طبعاً ما هو ده حق أصيل ليك محدش يقولك فيه تلت التلاتة كام
بس مش المطلوب من أى عضو فى المنتدى أنه يعرف حاجات عن الأعضاء قبل ما يتكلم معاهم.......و لا أيه ؟؟
أنا 90% من الناس اللى بجاوبهم وبيجاوبونى معرفش عنهم حاجة.....وعادى...

عفواً أنا لم أتهمك بشئ.....أنا كنت بسأل.....و فى فرق كبير بين الأتنين وبعدين ممكن حضرتك تتفضل تحكيلنا تجربتك مع سيارات رينو ....يعنى كانت رينو أيه و موديل كام و باظ فيها أيه و كده يعنى.........

عموماً فى الأخر مش موضوع عن العربيات أو شركة عربيات هى اللى تخلينا نزعل من بعض فى المنتدى ده............تقبل أعتذارى عما أساءك من كلامى و أن كنت لا أرى فيه أى أساءة.

أشوفكم فى موضوع تانى يا وحوش :)

**Ahmed Selim** · 12-10-2008 12:21 AM

المشاركة الأصلية كتبت بواسطة أبو عبدالله

حضرتك عارف ايه ممكن اعرف بالظبط ؟؟؟؟؟

عارف اني كنت بتكلم مع احمد من قبل على موضوع التفصيل بتاع رينو ونيسان قبل كده في موضوع سابق
وعلشان كده احنا بنتكلم هنا عن التفصيل بينهم مع انهم دلوقتي شركة واحده

بالفعل لا أعرف شيئاً عن الموضوع بتاتاً

http://www.nilemotors.net/Nile/showthread.php?t=36553