تقرير ريــنو - Renualt Atlas September 2008

**Sharky** · 10-10-2008 01:08 AM

تقرير رينو
Renualt Atlas 2008

بالنسبة للتقرير فيه معلومات شيقة و ممتعة عن رينو 2008
دا لينك تنزيله من موقع رينو:
Renualt Atlas September 2008

بعض المعلومات الموجودة فيه :
* حجم الدخل و المبيعات:
1- دخل رينو فى النصف الأول من عام 2008 = 20,942 مليون يورو
مقابل دخل فى النصف الاول من عام 2007 =20,456 مليون يورو

2- إجمالى مبيعات رينو بدون نيسان فى النصف الاول من عام 2008 =1,325,529 سيارة
مقابل مبيعات رينو بدون نيسان فى النصف الأول من عام 2007 = 1,270,319 سيارة

* نسبة الشراكة مع الشركات الاخرى:
تمتلك رينو نسبة 44.3% من أسهم نيسان
تمتلك نيسان 15% من أسهم رينو
تمتلك رينو 99.43% من أسهم داسيا الرومانية
تمتلك رينو 80.1% من أسهم سامسونج الكورية
تمتلك رينو 25% من أسهم أتوفاز (لادا) الروسية

*حجم الإنتاج العالمى :
تحتل رينو-نيسان المركز الخامس على العالم من حيث الإنتاج فى عام 2007 بإجمالى 5,962,000 مليون سيارة (رينو 2,669,000 مليون - نيسان 3,293,000 مليون ) و ذلك خلف جنرال موتور - تويوتا- فولكس فاجن - فورد على التريتب

* إجمالى مبيعات النصف الاول من عام 2008
1- مبيعات رينو = 1,595,229
2- مبيعات نيسان = 2,013,628
الإجمالى = 3,608,857

*أجمالى المبيعات فى فى مناطق العالم:
1- أوربا الغربية = 1,037 مليون (رينو 813 الف - نيسان 224الف )
2- أمريكا الشماليه = 567 الف (نيسان 567 الف)
3-أسيا = 465 الف (رينو 72 الف - نيسان 393 الف)
4-اليابان = 391 الف (رينو 1 الف - نيسان 390 الف)
5- أوربا الشرقية=331 الف (رينو 220 الف - نيسان 111 الف)
6- أمريكا الجنوبية = 305 الف (رينو 137 الف - نيسان 168 الف)
7- الشرق الاوسط و أفريقيا = 244 الف (رينو 83 الف - نيسان 161 الف)

* حجم إنتاج الموديلات :
1- ميجان II فى النصف الأول من عام 2008 =145,695 الف
إجمالى إنتاج الميجان II منذ بدء إنتاجها2003 = 3,571,638 مليون .

2- كليو III فى النصف الاول من عام 2008 = 192,662 الف
إجمالى إنتاج الكليو III منذ بدء إنتاجها 2006 = 1,018,427 مليون

3- رينو لوجان فى النصف الاول من عام 2008 =109,235 الف
إجمالى إنتاج رينو لوجان منذ بدء إنتاجها 2005 = 366,227 الف
4- داتسيا لوجان فى النصف الأول من عام 2008 = 123,208 الف
إجمالى إنتاج داتسيا لوجان منذ بدء إنتاجها = 697,619 الف

* مركز مبيعات رينو فى فى أوربا:
تحتل رينو المركز الأول فى مبيعات فرنسا - البرتغال - سلوفينا
و المركز التانى فى بلجيكا
و المركز التالت فى اسبانيا و سويسرا
و المركز الرابع فى النمسا و هولندا و التشيك
و المركز الخامس فى إنجلترا و سلوفاكيا
و المركز السادس فى إيطاليا
و المركز السابع فى المانيا و المجر و بولندا

* نسبة مبيعات رينو بالنسبة للسوق فى EuroMed
1-تونس 17%
2- المغرب 16%
3- تركيا 13%
4- الجزائر 12.7%
5-رومانيا 7.6%
6- روسيا 3.8%

* نسبة مبيعات رينو بالنسبة للسوق فى أمريكا
1- كولومبيا 14.5%
2-الأرجنتين 12.5%
3-فنزويلا 4.7%
4- البرازيل 4.4%
5-المكسيك 1.6%
6- شيلى 0.9%

* نسبة مبيعات رينو بالنسبة للسوق فى أسيا و أفريقيا
1-إيران 4.4%
2- إسرائيل 4.3%
3- الهند 1.4%
4-جنوب افريقيا 0.8 %
5- مصر 0.8%

* أكثر السيارات مبيعا فى أوربا فى النصف الاول من عام 2008:
1- إحتلت كليو المركز السابع ضمن أكثر السيارات مبيعا فى أوربا النصف الأول من عام 2008
2- إحتلت الميجان المركز الثامن ضمن أكثر السيارات مبيعا فى أوربا فى النصف الأول من عام 2008
و ذلك خلفا كلا من :
فولكس جولف - بيجو207+206 - فورد فوكس - سيتريون C4 - أوبل كورسا - أوبل أسترا

*نسبة مبيعات موديلات رينو لحجم مبيعاتها :
1- كليو - مودوس - توينجو = 37.3%
2- الميـــــــجان = 30,9%
3-لاجـــــــونا = 14.5%
4- فيل ساتيس= 4.8%
5- كوليوس = 3.7%

* نسبة رينو بالنسبة لمنافسيها فى السوق الأوربى :
تحتل رينو المركز الرابع من حيث نسبة المبيعات فى أوربا
خلفا من بالترتيب فولكس فاجن - فورد - أوبل
و سابقة كلا من بالترتيب بيجو - فيات - سيتروين - تويوتا

بعض المعلومات الاخرى:
1- فى بداية عام 2008 المغرب و شركة رينو-نيسان وقعوا إتفاق بناء مصنع جديد .
2-رينو- نيسان تتفق مع باجا أوتو الهندية على إنتاج أرخص سيارة فى العالم بمبلغ 2500 دولار فقط.
3-كل مصانع رينو فى العالم حازت على شهادة الإيزو 14001
4-مبيعات لوجان وصلت إلى مليون سيارة فى العالم

يوجد أيضا بالتقرير:
1- كل انواع المواتير و الجير بوكس و موديلات رينو
2- جميع مصانع رينو- نيسان فى العالم و ماذا تنتج من موديلات.
3- جميع مبيعات

**Ahmed Selim** · 10-10-2008 02:25 AM

شكراً يا شاركى

معلومات هايلة

**أبو عبدالله** · 10-10-2008 03:45 PM

الف شكر يا جميل على التقرير ده

* إجمالى مبيعات النصف الاول من عام 2008
1- مبيعات رينو = 1,595,229
2- مبيعات نيسان = 2,013,628
الإجمالى = 3,608,857

*أجمالى المبيعات فى فى مناطق العالم:
1- أوربا الغربية = 1,037 مليون (رينو 813 الف - نيسان 224الف )
2- أمريكا الشماليه = 567 الف (نيسان 567 الف)
3-أسيا = 465 الف (رينو 72 الف - نيسان 393 الف)
4-اليابان = 391 الف (رينو 1 الف - نيسان 390 الف)
5- أوربا الشرقية=331 الف (رينو 220 الف - نيسان 111 الف)
6- أمريكا الجنوبية = 305 الف (رينو 137 الف - نيسان 168 الف)
7- الشرق الاوسط و أفريقيا = 244 الف (رينو 83 الف - نيسان 161 الف

هو ده الخلاصة

في اليابان الف سيارة فقط
هل نيسان او اي ماركة تانيه ياباني بتبيع في فرنسا الف سيارة فقط ؟؟؟؟ سؤال

طيب يعني كده نيسان هيا الأكثر مبيعا في العالم بالنسبة لشركة رينو

وتعتبر حاصلة على 55.7 % من مبيعات رينو كلها
والباقي 44.3 % رينو و الماركات الأخرى

حاجه تانيه

لو شوفنا حصيلة اسيا واليابان كلها على بعضها هتطلع حوالي 856 الف عربيه
طيب رينو بنسبة 8.5 % من الحصيلة دي ونيسان بنسبة 91.5 %

طيب أوروبا الغربيه والشرقية الاتنين مع بعض حوالي 1.368 مليون
منهم رينو 75.5 % ونيسان 24.4 %

ولو ضيقنا الخناق شويه يعني بلد كل عربيه هنجد التالي :

-- في اليابان بلد نيسان سنجد ان :
رينو 0.3% من مبيعات الشركة
ونيسان 99.7 % من مبيعات الشركة

طيب تفتكروا هتبقى النسبة كام في فرنسا نفسها

مع ان اوروبا كلها النسبة غير كده
مع ان اوروبا معروفة بميلها لسياراتها الأوروبية اكتر من اليابانية ومع ذلك اختلف الأمر خصوصا اوروبا الشرقية المعروفة بعربياتها الداتشيا

يبقى نيسان هيا اللي شايلة رينو بباقي الماركات الاخري
مش العكس
لأن انا قولت كده قبل ذلك ولكن التحييز بقه

وصباح الفل

**Sharky** · 10-10-2008 09:27 PM

أبو عبدالله حبيبى كنت أتمنى تعلق على الحاجات الإيجابية و تشكر فى حاجة فى رينو لكن كالعادة بدور على أى حاجة سلبية لرينو فقط و لا تذكر لها الإيجابيات نهائى !!!

على العموم لمعلوماتك نيسان ماتبعش فى فرنسا أصلا

ثانيا تقريبا النسبة متساوية و الفرق 10% يا أبوعبدالله يعنى مش كبير
و رينو مابتعبش و نيسان هى إللى بيتبيع رينو بايعة كتير فى أوربا و شايلة نيسان فى أوربا برضه مع العلم إن منتجات رينو مش فى عدد منتجات نيسان و غير كده نيسان معاها إنفنتى و دى بتبيع كويس برضه

ثالثا ماعلقتش ليه على إن رينو واخدة 44% من أسهم رينو يعنى تقريبا النصف

رابعا ماعلقتش ليه إن رينو الرابع فى أوربا و متوفقة على تويوتا فى أوربا

خامسا ماعلقتش ليه على إن الميجان رغم عيوبها الكثيرة فى مصر كما يقال و إنها فى عامها الأخير تحتل المركز التامن فى أكثر السيارات مبيعا فى أوربا

سادسا معلقتش ليه على اللوجان سيئة التقفيل كما يقال فى مصر عملت مليون سيارة فى 3 سنوات

سابعا ماعلقتش ليه على إحتلال رينو المركز الخامس على مستوى جميع الماركات فى البيع فى إنجلترا و هو سوق ملئ بالماركات العالمية رغم العداوة و الكره الشديد للإنجليز للفرنسيسن

ثامنا أغلبية مبيعات نيسان فى السوق الأمريكى و هو إللى مديها منظر لكن لو مافيش السوق الامريكى حتتساوى مع رينو فى المبيعات رغم إن رينو ما بتبعش فى أسيا

يعنى من الاخر نيسان شايلة رينو فى أمريكا فقط

و برضه فى الأخر حتى لو نيسان بتكسب أكتر كله بيصب فى رينو يعنى مصلحة يا أبو عبدالله

و ماتنساش لولا إمكانيات رينو و إنقاذها نيسان كانت ماركة نيسان ما شوفناها و كانت إنقرضت لولا تخطيط و إمكانيات رينو ما كانت إستمرت و حققت أرباح و مبيعات تانى

**أبو عبدالله** · 11-10-2008 02:06 AM

على العموم لمعلوماتك نيسان ماتبعش فى فرنسا أصلا

مين قال كده طيب نيسان لها موقع مخصوص لفرنسا واللنك اهه

http://www.nissan.fr/

هل ده معناه انها مبتعملشي مبيعات هناك امال عاملاه ليه

رابعا ماعلقتش ليه إن رينو الرابع فى أوربا و متوفقة على تويوتا فى أوربا

يعني افهم من كده ان اوروبا هيا اللي بتفهم في العالم كله وباقي العالم مش بيفهم في العربيات

التحييز الأوروبي طبعا واضح اشمعناى يعني اوروبا اللي بيبقى متفوق فيها عربياتها بس دون العالم كله

مع العلم ان في موديلات ياباني بتتفوق برضه عليهم وفي بلدهم
هاتلي انت بقه عربيه اوروبي ولا فرنسي متفوقه على الياباني في بلده مثلا

هنا تنكشف الحقيقة

* إجمالى مبيعات النصف الاول من عام 2008
1- مبيعات رينو = 1,595,229
2- مبيعات نيسان = 2,013,628
الإجمالى = 3,608,857

*أجمالى المبيعات فى فى مناطق العالم:
1- أوربا الغربية = 1,037 مليون (رينو 813 الف - نيسان 224الف )
2- أمريكا الشماليه = 567 الف (نيسان 567 الف)
3-أسيا = 465 الف (رينو 72 الف - نيسان 393 الف)
4-اليابان = 391 الف (رينو 1 الف - نيسان 390 الف)
5- أوربا الشرقية=331 الف (رينو 220 الف - نيسان 111 الف)
6- أمريكا الجنوبية = 305 الف (رينو 137 الف - نيسان 168 الف)
7- الشرق الاوسط و أفريقيا = 244 الف (رينو 83 الف - نيسان 161 الف)

اجمالي مبيعات رينو 3.6 مليون
انت عارف جنرال موتورز وتويوتا كانوا بيتنافسو في كام من حوالي سنتين
في 11 مليون

قولي بققه رينو هتجيبهم منين وهيا موديلات محدودة ومعروفة وبيتعدوا على الصوابع

القصد ان الفارق كبير ممكن تكون رينو الخامس ولكن بفارق كبير جدا يعني على الأقل عاوزين نضرب انتاجها في ثلاثه كمان يعني عاوزين ثلاثة رينو علشان نقدر ننافس على الأول

الفارق كبير قوي

يعنى من الاخر نيسان شايلة رينو فى أمريكا فقط

يا راجل امريكا بس
طيب ده امريكا كفاية لوحدها انت مستقل بأمريكا دي مبيعاتها توزن كام قارة تانيه

يعني مثلا :

1- اوروبا الغربيه : نيسان ربع مبيعات رينو نفسها وفي بلدها وفي عزها بمعنى اصح
2- اروبا الشرقية : اللي هيا متعرفشي غير داتشا نيسان تبقى نصف مبيعات رينو نفسها في مجدها هناك
3- آسيا : رينو تبقى 18 % من مبيعات نيسان هناك
4- أمريكا الجنوبية : رينو تبقى 80% من مبيعات نيسان في بلد غريب
5- افريقيا والشرق الأوسط : رينو تبقى نصف مبيعات نيسان في بلد غريب ايضا اقرب لفرنسا من اليابان غير تأثير الأحتلاف في دول المغرب العربي
6- اليابان : حدث ولا حرج مفيش نسبة اصلا لرينو امام نيسان
7- امريكا الشمالية : لا وجود لرينو امام نيسان من اساسه

يبقى كل ده وتقولي امريكا بس .......
قصدك نيسان شايله رينو في كل العالم بنسة كبيرة ومعتبرة ومؤثرة اقلها في اوروبا بلد رينو نفسها

اصلا رينو لم تعلو في مبيعاتها امام نيسان المفلسة الا في اوروبا وكمان نيسان لها الربع

وكل سنه وانتم طيبين

**Abo_Lina** · 11-10-2008 02:17 AM