طبعا سبب زحف العربية ان مفيهاش abs
عرض للطباعة
ربنا يباركلك فيها
لكن انا لاحظت ان الكاسيت مختلف عن اللى عندى ممكن علشان اللى عندى خليجي
انا مش عارف اشكرك ازاي
بجد انت انسان عملت خير فيا وفي اي واحد نفسة يجيب اوبترا
في ميزان حسناتك
ودي اول مشاركة ليا
ربنا يوفقك ويدبك القوة اللي تساعد بيها الناس في كل مكان
________________________
سؤوال صغير
انا ناوي اجيبها مستعملة ان شاء المولي عز وجل
ازاي اعرف ان االتسجيل ووكلحاجة فيها هيا الكوري
ومكيف العربية عامل ايه في الصيف وبياثر علي العربية كتير في السحب والتقل
وبالنسبة لعزل الصوت فيها كويس ولا بطيخ
_________________________
وبعدين انا قدامي واحده
2008 كاملة مانويال 40 الف كيلو
فابريكا جوا وبرة علي كلامة انا لسة ماشفتهاش
عايز فيها مبدايا 69 الف
فايه رايك برده
__________________________________
ومعلشي طلب كمان
صورة الحوض كلها من برة ياريت تكتب بس عليها البيانات
فين علبة الزيت من المية من الفرامل
او اعرفها انا ازاي
لان مبفهمش فيها اوي
الف شكر
السلام عليكم ورحمة الله وبركاته
يا ترى لسة فاكرين الموضوع ده ؟؟؟؟
الموضوع بدأ في سنة 2008 اول ما اشتريت العربية وبعدين الصور طارت وعملته تاني وطارت وعملته تالت مرة من 3 سنوات
الموضوع ده عزيز عليا .... مش بس عشان المعلومات والصور ..... لكن عشان كوكبة الزملاء القدامى اللي كانو مشاركين فيه وفعلا وحشوني جدا جدا كلهم
...............
...............
انا بس دخلت عشان اقولكم اني بعت العربية الاوبترا من يومين
بعد 4 سنوات من امتلاكها
الحقيقة العربية دي اصيلة وما عملتش معايا اي مشاكل
انا بعتها بعد 4 سنوات استعمال و 47300 كم استعمال
اللي ادهشني فيها شوية حاجات غريبة
البطارية بتاعتها هي نفسها ما غيرتهاش ولا جيت ناحيتها
مياه الردياتير الحمراء زي ما هي .... مجرد اني زودتها حوالي لتر او اقل مياه حمراء مع اول صيانة بتاعة ال 5000 ومن ساعتها لو تنقص
الكاوتش نفسه لم اغير ولا فردة ومنهم 2 لم يتم لحامهم خالص
الكوريك والعدة بتاعتها لم تستعمل بتاتا
البوجيهات الاصلية لسة فيها
السيور بتاعتها زي ما هيا
زيت الفتيس والباور والفرامل .... زي ما هما
مياه المساحات بتاعت الزجاج ........... طبعا خلصت وغيرتهم 20 مرة .... هي دي كمان فيها زي ما هي ( عليكم واحد )
لم اغير اي شيء فيها سوي الفلاتر وتيل فرامل امامي ... وضفيرة المروحة عشان ركنت مرة ( في الضمان )
...
واخيرا احب اقول اني لولا اني عاوز اركب اوتو عشان رجلي بدأت توجعني من الدبرياج كنت احتفظت بيها مش اقل من 4 سنوات كمان
حبيبتي سيارتي الاوبترا ......... شكرا
انتي فعلا اصيلة ومحترمة وبنت ناس
ربنا يبارك للى خدها ويرزقك باللى احسن منها ان شاء الله وماتنسناش يا حاج احمد :)
الله يكرمك
انا حاليا مع هيونداي لان العربية التانية عندي فيرنا
وحاليا لسة مش مستقر
النترا
ميجان
كارينز
...
لسة في مرحلة التفكير والبحث لأني غالبا مش ح اشتري زيرو
لما الاقي عربية لقطة وبيتي ح اقرر ساعتها
ووجود عربية المدام الفيرنا مخليني مش مستعجل ..... وكله بأوانه
الميجان عربيه حلوه
وحتحسسك بفرق في الركوبه
وربنا يهديك للخير
اكيد الميجان تحفة
وفيها امكانيات واتزان وعزل صوت وهوا وكماليات اكتر من اي عربية في فئتها السعرية بمراااحل
لكن كتر الحساسات والالكترونيات بيتطلب صيانة مستمرة ولا تسمح باي اهمال .... وانا مش غاوي اقضي وقت فراغي في العربية .... بافضل اقضيه مع اولادي
وكمان صيانتها واكسسوارها وقطعها غالية
وسعر اعادة بيعها ضايع .....
والاخطر اني ح اشتري مستعمل ..... يعني لو طلعت مش 100% ممكن تكرهني في فرنسا وتركيا بحالهم ... ماعدا رجب طيب اردوغان طبعا .....ده مأقدرش اكرهه :hug3: