اداءك فى الوصف رائع وربينا يحفظهالك ويديك خرها ويكفيك شرها
عرض للطباعة
اداءك فى الوصف رائع وربينا يحفظهالك ويديك خرها ويكفيك شرها
بصراحه يا aif انت وفيت وفيت وفيت
التقرير لذيذ مووووووت والصور واضحه وحرفيه
وشكرا ليك جدا
بس ايه حكايه علبه الدركسيون دي؟؟؟
نورنا الله يباركلك
وهل العمليه محتاجه فيها abs ولا لأ؟؟ ""فراملها قويه""
وبالتوفيق
الفرامل مش abs لكن قوية ومناسبة جدا
على فكرة موديل 2009 نازل منه موديل فيه قرامل absو2 اير باجز وجنوط واعتقد كاسيت cd
,وسعرها 102000 يعني زيادة 10000 عن الاوتوماتك العادية ... ممكن تشوف تفاصيلها في المواضيع بتاعت الموديلات الحديثة من الاوبترا
علبة الدركسيون الحمد لله مافيهاش مشاكل عندي ... اعتقد ان دي مش مشكلة عامة فيها ... بيبقى بعض سيارات فيها المشكله دي
شكرا لمرورك
مخالفة للقاعدة رقم 6 بند "ب"
إ.م.2
الاوبترا كويسة جدا معايا .... فيها كل اللي انا محتاجه .... وفي الحدود السعرية بتاعتها ... العربية ممتازة ...
طبعا الجديدة اللي ب 102000 اكيد تفرق كتير ... عوامل الامان ... الجنوط .... ومش عارف الكاسيت c d ولا شريط بس
عموما انا مش ندمان اني اشتريتها ...
وشكرا لمرورك الكريم
انا جبت اوبترا هاي لاين اوتوماتيك , العربية كويسة جدا و بتسحب حلو قوي و بتلعب كمان كويس .
ثابتة على الأرض يعنى بس في كام حاجة كده مش حلوين ..مستفزين شوية : الكاسيت مافيهوش سي دي و مش عايز أغيره لأنه فيه زراير تحكم في الدركسيونتقدر تتحكم في الصوت و المحطات و كده ولواتغير الزراير دي مش هايبقى ليها لازمة , وكمان في الكنبة اللي ورا مافيش مسند في النص زي بقيت العربيات . في صوت زن كده باسمعو جاي من التابلوة ومش عارف من ايه بالظبط..هو الصوت بس بينرفز وانت سايق بس مافيش أي عيب ولا حاجة
العربية لسة عاملة 200 كيلو و أخر حاجة الكلاكس اللي هو اكيد مش معمول علشان مصر ..فا روحت غيرته على طوول
________________
تمت ترجمة مشاركتك بواسطة الاشراف
رجاء لا تستخدم هذه الطريقة في الكتابة لأنها لا تستخدم في المنتدى ومخالفة للقاعدة رقم 6 بند "ب"
أي مشاركات تالية بهذه الطريقة سيتم حذفها
مخالفة للقاعدة رقم 6 بند "ب"
إ.م.2
السلام عليكم و رحمة الله
اسمحلى اشكرك على الموضوع و حيادك و مجهودك الله يجزيك عنه خير ويباركلك فيها و يديك خيرها و يكفيك شرها . انا كنت بفكر فى الاوبترا و استفدت كتير جدا من كلام حضرتك و اسلوبك الاكثر من رائع اللى شجعنى اطلب رايك فى بعض الاشياء اللى اشتكى منها بعض الاعضاء فى المنتدى بناءا على تجربتك مع الاوبترا :
- تزيق الدريكسون و تغيير علبة الدريكسيون كل 10000 كيلو.
- تزيق المساعدين او العفشة ومدى الراحة مع المطبات.
متشكر مرة تانية و لا تحرمنا جديد تجربتك مع الاوبترا من حيث الاداء.
كنت شاركت بالموضوع من قبل
بس حبيت ابارك لحضرتك استاذ احمد علي اختيار الموضوع كأفضل موضوع لشهر مايو
تكريم متأخر بس حضرتك تستحقه و اكتر
و ربنا يباركلك في العربيه يارب