ولله طريقة عرض حضرتك حببتنى اكتر فى العربية وخلتى اخد بالى من حجات مشفتهاش فيها قبل كدة و فعلا اقتنعت بيها اكتر ..
شكرا على السلوب الجمييييل و متنساش سلامى لبتوع السبت ..هههه ..
عرض للطباعة
ولله طريقة عرض حضرتك حببتنى اكتر فى العربية وخلتى اخد بالى من حجات مشفتهاش فيها قبل كدة و فعلا اقتنعت بيها اكتر ..
شكرا على السلوب الجمييييل و متنساش سلامى لبتوع السبت ..هههه ..
بجد شكرا علي المجهود..
اولا شكرا علي الموضوع الجميل ده
انا معايا سيارة شيفروليه ابيكا ال اس 2006 اوتوماتيك و فعلا مكتوب عليها صنع في كوريا بواسطة جي ام دايو و اسمها هناك دايو توسكا
بصراحه بارك الله فيك علي المجهود الرائع وربنا يديك خيرها ويكفيك شرها
انا كنت محتار شويه في نوع العربيه الي هشتريها بس بعد التفصيل بالصور وفي شوية حاجات كمان جميله
ان شاء الله هتكون الابترا لانها فعلا جديره وانا هجربها كمان
شكرا علي المعلومات القيمه دي
ربنا يوفقك في الاختيار الامثل
لكن برضه لو قرأت التقييم ح تلاقي فيها حاجات مش عاجباني ....
انا قصدي انك ما تشوفش الايجابيات بس ....
العربية في الاجمالي ممتازة .... لكن ليها بعض السلبيات يجب ان تتعرف عليها قبل الشراء ... وبرضه شوف السيارات اللي في نفس السعر او قريب منه علشان مقارنتك تكون موضوعية
...
صني
سيراتو
ماتريكس
النترا
ياريس
وربنا يوفقك
بص يا باشا ....
السلبيات في نظري :
- العفشة ناشفة شوية ( انا مش مضايق منها )لكن ده مقابله ميزة كبيرة وهي الثبات على السرعات و كمان العربية عالية عن الارض مش بتحك في المطبات
- الكاسيت مش سي دي ... هو فيه مخرج aux ممكن تركب عليه mp3 او ما شابهه لكن عدم وجود سي دي انا باعتبره حاجة مش ظريفة ابدا في عربية من الفئة ديه
- لا يوجد زرار لفتح وغلق السنتر لوك ... يعني وانت راكب العربية لازم تفتح وتقفل من سقاطة باب السائق ... ودة بيضايقني اوي وانا سايق ..هو فيه زرار في الريموت لكن مش بيشتغل وانت مشغل العربية طبعا
- مكان ربط حزام الامان رخم شوية خاصة لو انت جسمك مليان زيي... ح تلاقيه لازق فيك
- مكان زرار المرايات الكهربا بيبقى بعيد عن ايدك شويه وانت راكب ( راجع الصور ) خصوصا لو انت مرجع كرسي السائق لورا ... هو مكانه بجوار المراية من الداخل ... كان افضل يبقى جنب زراير الزجاج
- الكلاكس ضعيف جدا ... واعتقد ان ده مقصود عشان التلوث السمعي والبيئة والكلام اللي احنا ماينفعش نراعيه عندنا ... ممكن تغيره بكلاكس بوش من اللي بيصحي الاموات عشان الناس تحترمك وتوسعلك ... خصوصا السادة المشاة في الاماكن المزدحمة ... ولو فيه كلاكس برفاص يبقى افضل طبعا
- صوت الموتور مسموع لكنه مش عالي .... لكن بالمقارنة بالسيراتو او الياريس ... مسموع ... لكن مش لدرجة انه مزعج
- لايوجد فوج لايت في المانيوال ... هو موجود في الاوتو ... تكلفة تركيبه 1300 بيدق مصري تقريبا
......
دي السلبيات اللي انا لاحظتها ... هي مش عيوب بمعنى كلمة عيوب .... لكن تقدر تقول انها كان ممكن تكون احسن من كدة
....
اكيد ح تلاقي سلبيات برضه في السيارات المنافسة لكن اللي يقدرو يفيدوك فيها اكتر هما اللي جربوها طبعا ....
....
يعني مثلا السيراتو الاوتو اول فئة اللي ب 93000 مافيهاش مرايات كهربا ... والسي دي اللي فيها مش اصلي ... مركبينه في المحروسة
الالنترا مافيهاش نور فرامل في الزجاج ( مع اني شايف 2009 فيها )
ومعظم السيارات المنافسة مافيهاش ايريال مدمج في الزجاج .... ده في رأيي ميزة للاوبترا ( الاريال مدمج داخل الزجاج الخلفي )
....
بالتوفيق ان شاء الله
اي خدمة يا باشا
نصيحة ....
فيه موضوع مميز جدا عن السيراتو بالصور في قسم الكيا ...عامله الأخ العزيز احمد اسماعيل ... برضه شوفه ح يديلك فكرة ممتازة عن السيراتو ومميزاتها وسلبياتها .... ولو دورت في نيسان و هيونداي اكيد ح تلاقي مواضيع مشابهه ....
ونتمنى تبقى اوبتراوي معانا ....
ربنا يوفقك