بالف هنا و شفا يا توأمي الجميل .....المرة الجاية باذن الرحمن .....و الموضوع منور بمثابرتك على مساعدة الناس مرارا و تكرارا يا باشا :k10:
عرض للطباعة
علي فكرة يا باشا ....
انا اكتر سرعة بامشي بيها 120 ده لو طريق محترم وفاضي ...لكن في الطرق العادية زي الزراعي مثلا هي 90 مش اكتر
انا بس كنت بأجرب ثبات العربية علي السرعات لأني كنت اول مرة اركب اوبترا وعاوز اعرف امكانياتها ايه ..... و ملفات طريق السخنة تعتبر من الملفات السهلة لأنها برغم انها بزاوية جامدة ... لكن الطريق مخدوم ومصمم بميل عكسي بيخلي العربية تاخد الملفات بسهولة ....
اما ال 190 دي مش انا اللي جبتها ده واحد صاحب صاحبي .... ده انا لو حلمت اني ماشي علي 190 ممكن اروح فيها :k20:
ربنا يستر طريقنا كلنا
يا نهى .... تمشي على 180 :k20:.... كدة خطر جدا .... ربنا يحفظك
انا كنت بامشي بسرعة زمااان .....و كنت برضه باعمل حركات شقاوة ....
لكن دلوقت ... لأ
بقالي 10 سنين بطلت اجري ....
فيه مثل بيقول .... الخلفه مجبنة ومبخلة
يعني اللي بيبقى عنده اولاد بيخاف علي نفسه من واقع خوفه عليهم .... وبيخاف علي فلوسه من واقع حبه لمصلحتهم ومستقبلهم
انا بصراحة بينطبق عليا الجزء الاول بس .... التاني بقى ....العكس هو الصحيح ..... العيال رزقهم واسع
ربنا يرزقك و تشوفي بنفسك
روعةةةةةة تقريرك للصور وطولة بالك
انتوا عارفين يا جماعة ان مصر من اسؤء دول العالم في نسبة حوادث السيارات وان اجمالي الفاقد الانساني والمادي نتيجة الحوادث دي سنويا بيفوق دول بها حروب...
يمكن الرقم اللي فاكرة حوالي 10000 قتيل سنويا.....علي الاسفلت.....
وان كل الدول والسفارات بتدي نشرة تحذيرية لمواطنيها من حاجتين الفترة دي:
1- حوادث الطرق.
2- للاسف...التحرش الجنسي....وخصوصا في القاهرة الكبري...
وربنا يخليلنا وزارة النقل اللي هالكة نفسها يا عيني في عمل شبكة طرق جديدة ومتسعة وأمنة بالتوازي مع اصدار مواصفات قياسية مصرية للسيارات الموجودة في البلد مثل دول الخليج مثلا،و تطبيق قوانين المرور علي الكل....
والله يكون في عون سكان القاهرة في مشاكل المرور....
وربنا يسترها علينا جميعا
الف شكر يا باشا