الموديل اللى حضرتك بتسال عنه ده فليشيا اللى هيه وش الاوكتافيا ودى عربية جميلة جدا من وجهة نظرى وخصوصا فى وش العربية من قدام انها بتدى تهوية افضل من الموديلات القديمة
متوسط سعرها من 30 لغاية 34 تقريبا وكل ده على حسب حالتها وحالة الموتور والعفشة
موضوع السخونة ولا ليه اى مشكلة لانه تقريبا بفضل الله قضينا على المشكلة وده بان تكون المية اللى محطوطة فى الردياتير مية خضرا او مية حمرا تركيزها مش يقل عن 33 %
الموتور بتاعها زى اى موتور عربية لو اهملت فى الصيانة بتاعتها هتقرفك
سؤالك الاخير الاسكودا افضل ولا الاكسنت لو جاوبتك ممكن يكون فى تحيز منى بس انا هارد عليك بشكل عملى الاسكودا المانى تقفيل تشيكى الصاج فى متانة افضل من الاكسنت التكييف فى الفليشيا مش اد كده علشان الموتور 1300 وكمان انتيمونيا بعكس الاكسنت الفليشيا ثبات مفيش بعد كده اقصى سرعة بثبات من 130 ل 140 الاكسنت اسال حد راكبها اقصى سرعة للعربية مع الثبات جاب بيها كام
ده كل اللى اقدر اقوله وفى الاخر قبل اى شىء صلى الاستخارة وربنا يكرمك بعربية تكون حالتها كويسة ونصيحة اخيرة متجيبش عربية متهانة علشام متقرفش منها
المفضلات