الموضوع: بالصور: الفرق بين تويوتا كورولا النسخة الأوروبية والنسخة الأمريكية

المشاركة الأصلية كتبت بواسطة ahramadan

النسخه الامريكي فيها عداد حرارة دجيتال و اضح في الصورة

صح يا باشا .. ملحوظة جيدة .

أهو دة مربط الفرس يا صديقي
التنوع والأختلاف والفئات بيكون في التجهيزات مش في الشكل
هو انا بصمم عربيتي بناء علي خطة عندي ولا بناء علي السوق المستهدف ؟؟؟
فاكر المرسيدس اللي كانت بتنزل بأكصدامات عريضة وراكبة علي سوست وكان ليها ظفر جلد كبير والفانوس من قدام عليه كافر بيحدد الدايرتين بتوعه (مرسيدس السبعينات الشهيرة) كان بيقال ان الشيب دة امريكي - الأختلاف هنا في الفانوس والأكصدام بما لا يخرج السيارة عن ملامح جيلها في جميع دول العالم
مرسيدس بردو عملت فتحة سقف للسوق الأوروبي ونفس النسخة دي نزلت الخليج عشان الخلايجة بيحبوا فتحة السقف ونزلت بتجهيزات اخري للشرق الأوسط مع الأحتفاظ بنفس الشكل للجيل

واي تغيير في الشكل بيحدث في الجيل بيحصل علي مستوي العالم وبيكون فيس ليفت

عموماً حتي الموضوع دة يدخل تحت بند أراء وقناعات عند كل حد فينا

اتشرفت بيك يا باسم وبالمناقشة معاك واللي اعتقد انها مش هتنتهي علي كدة

تحياتي ليك يا صديقي

ما قولت ليك يا هندسة .. أن الموضوع مش عيب ولا ميزة .. يعني منقدرش نقول انه غلط ويسيء لسمعة العربية .. أو صح يخدم مبيعاتها بنسبة 100% ..

مش يمكن حاجة زي كدة خلت تويوتا هي صاحبة لقب الصانع الأول في العالم .. والأكثر مبيعاً .. علشان بترضي جميع الأذواق حول العالم بناء على أبحاث ودراسات لكل منطقة على حدة وتلبي احتياجاتها .

وبرضه والله منورنا .. وسعيد بمشاركاتك معانا في القسم هنا .