استفسار.....

**lemeurtrier** · 10-10-2008 04:55 AM

انا كنت عاوز اعرف ايه الفرق بين
الزيووت المعدنيه و الزيووت التخليقيه
و ايهم اصح للعربيات الجديده الزيرو؟؟
و خاصه لانسر 2007, 1300سي سي

**lemeurtrier** · 14-10-2008 01:44 AM

ايه يا جماعه؟؟
هو مفيش حد هنا يرد عليا و ايه؟؟
ياريت حد يرد عليا.....

**MotorX** · 14-10-2008 03:02 AM

المشاركة الأصلية كتبت بواسطة lemeurtrier

ايه يا جماعه؟؟
هو مفيش حد هنا يرد عليا و ايه؟؟
ياريت حد يرد عليا.....

ببساطة وحسب ما انا فاهم ، الزيت المعدني العادي هو احد نواتج تكرير البترول مع بعض الإضافات لتحسين خواصه ((اللزوجة ، إحتواء الشوائب ، مقاومة الحرارة ، .....إلخ)) وعيبه انه بيفضل فيه نسبه من شمع البرافين ومكونات أخري بتحترق مع طول الإستخدام وتأثر على المحرك، أما الزيوت إللي بيتقال عليها تخليقية فدي أساسا عبارة عن تكثيف للأبخره المتصاعده من أبراج التقطير ، يعني في النهاية زيوت معدنيه برضه بس مقطره ونتيجه لكده مابيبقاش فيها شمع البرافين أو مكونات يؤدي إحتراقها للإضرار بالمحرك مع طول الاستخدام وعلشان كده بتلاقي عمرها الإفتراضي أطول كتير من الزيوت العادية.

ملحوظه : في زيوت تخليقية 100% ودي بيتم تكسير جزيئات الزيت في المعمل وإعادة تركيبه من جديد لتحسين خواصة ودي بتبقى غالية جدا وبتستعمل في نطاق ضيق لسيارات السباق وما شابه ومش متهيالي موجود منها في مصر.

تحياتي.