برده الدبرياش تقييييييييييييييييل...حد يقولي اعمل ايه ؟

**dental_mn** · 11-10-2008 02:29 AM

لسلام عليكم و رحمة الله و بركاته .....

مشكلتي مع العربية بتاعتي في الدبرياش (العربية سويفت) من فترة كده بدأت المشكلة في اني حاسيت ان الدبرياش بقى تقيل جدا و في صعوبة في نقل الغيارات .. المهم الميكانيكي قالي غير وير (سلك) الدبرياش و غير الزيت عملت زي ما قال و فعلا غيرته .. بقى الموضوع كويس بس بعد شهر كده الموضوع رجع تاني و و الدبرياش بقى تقيل جدا و في صعوبة في الغيريات

رحت لواحد ميكانيكي تاني قالي غير الديسك و الاسطوانة !! مع اني مش شايف قوي ان في اعراض تلف الديسك و الاسطوانة الا اذا كنت انا عارف الاعراض مزبوط

ياريت حد يفيدني في الموضوع ده لأني لما لما بركب العربية الايام دي بحس ان انا في ماتش مصارعة مع الدبرياش مع الدبرياش ولكم جزيل الشكر

**wkisho2005** · 11-10-2008 04:49 AM

بص ياباشا روح للميكانيكي وخليه ينضفلك سلك الدبرياج(انا عارف انو لسة جديد)بس بس جرب لو الدبرياج خف بعدها يبقي انت جايب نوع السلك لي كلام وبالنسبة للديسك والاسطوانة معتقدش انها تأثر في تقل الدبرياج بس مش متاكد يعني ومستنين بقية الاعضاء بخبرتهم

**dental_mn** · 11-10-2008 01:47 PM

شكرا يا اخ wkisho2005على رد الجميل اللي انا بجد حاسس اني مقتنع بيه ..

اصل انا مش مصدق موضوع الديسك و الاسطوانة ...

بس ياريت لو حد من الأعضاء يقدر يقولنا ان هل تلف الديسك و الاسطوانة ممكن يخلي الدبرياش تقيل ؟؟

و جزاكم الله خيرا

**ahmedsrs** · 11-10-2008 03:29 PM

تلف بلية الدبرياش ممكن يخلى الدبرياش تقيل وده ممكن يعوج او يكسر الفورش وتقعد تغير فى سلوك دبرياش دون معاجة السبب

**dental_mn** · 11-10-2008 05:07 PM

شكرا على مشاركتك يا احمد بس يا جماعة انا عاوز عرف دلوقتي انا اغير ايه ؟

اغير بلية الدبرياج بس ولا اغير الديسك و الاسطوانة كمان ؟
و هل يا جماعة ممكن ده يكون السبب كمان ان في خشونة عندي في نقل الغيارات ؟
ياريت تفيدزني و جزاكم الله خيرا

______________________________

نرجو من العضو عدم الكتابة باللون الاحمر لإنه مخصص للإدارة فقط

الإدارة - 3

**ahmedsrs** · 11-10-2008 09:58 PM

شوف ياباشا هى العربية عاملة كام الف واخر مرة غيرت ديسك واسطوانة امتى وهل سحب العربية كويس تلف البلية مياثرش على على الحاجات دى كلها بس ممكن يعمل عضة فى الفتيس ثقل فى الدبرياش وبالتالى تقعد تغير سلوك وفى مراحل متقدمة ممكن يعوج الفورك وكل شوية تروح للميكانيكى يعليهولك وف الأخر يكسر الفورك والعربي متنقلش خالص انا شايف انك تحل الديسك وألأسطوانة والبلية وتغير التاف فقط

**ahmedsrs** · 11-10-2008 10:01 PM

معلش قبل متعمل ده كله اتاكد ان الأرضى بتاع العربية واصل تمام عشان لو مهزوز او مش واصل كويس ممكن يتلف سلك الدبرياش ويعمل فيه ثقل

**Ahmed Hamdy** · 12-10-2008 03:05 PM

أنا قبل كده كان عندى نفس المشكلة فى عربيتى الماروتى ..
غيرت السلك ومحستش بتحسن كبير ..

غيرت طقم دبرياج وبأه كويس بعدها ..

**ahmed azab** · 13-10-2008 12:01 AM

احتمال كبير يكون فعلا الديسك هو السبب وذللك نظرا لتقل الريش الخاصة به وبالتالي يتبعه تقل في الدواسه وعليه ستجد صعوبة في نقل السرعات و من الافضل تغير طقم الدبرياج بالكامل الا اذا كانت هناك قطع جديدة قد تم تغيرها من قبل

**dental_mn** · 13-10-2008 03:32 AM

و الله شكرا يا جماعة ع المعلمومات المفيدة جدا و شكرا يا استاذ احمد و استاذ عزب و جزاكم الله خيرا

انا فعلا تقريبا كده يا جماعة هروح لغير كله واريح نفسي

الديسك و الاسطوانة و البيلية و السلك ... و اعتقد انا كده بقى عداني العيب و قزح مع الدبرياش بتاعي بقى

مش انا كده صح يا جماعة و لافي حاجة تانية في طقم الدبرياج تتغير ؟:k41:

و ربنا يستر في المشوار ده و يكون سهل

الموضوع: برده الدبرياش تقييييييييييييييييل...حد يقولي اعمل ايه ؟

LinkBack

أدوات الموضوع

عرض

-

-

-

-

-

المواضيع المتشابهه

حد يقولي اعمل ايه

حد يقولي اعمل ايه

يا جماعه حد يقولي اعمل ايه؟؟؟؟؟

دواسة الدبرياش علقت اعمل اية

برده الدبرياش تقييييييييييييييييل...حد يقولي اعمل ايه ؟

الكلمات الدلالية لهذا الموضوع

المفضلات

المفضلات

ضوابط المشاركة