طنابير سيراتو 2014

**Abraam95** · 11-05-2014 05:56 PM

المشكله كلها فى الطنابير و سببها ان علامة كيا و Part Number بارزين زياده و بيعملوا الصوت ده فا الحل انهم يمسحوا الكلام ده عشان تبقى سوى واحد و فيه ناس عملتها بس انا مش عارف بيعملوا كده ازاى

**eslam34** · 12-05-2014 08:40 PM

المشاركة الأصلية كتبت بواسطة الجنرال

تاني يا جماعة:

انا رحت التوكيل بشكتي من صفارة فى الفرامل في صيانة الالف .. فقالي ان التيل والطنابير محتاجين يتغيروا (ده كلام ابو رواش)

لما فضلت وراهم علشان اغيرها زي ما قالوا .. ولقيت مفيش فايدة .. حجزت فى فرع القطامية علشان اغيرها

رحت القطامية قالي لا مفيهومش مشاكل (!!) واحنا نضفنا التيل وكله تمام

دلوقتى الصفارة عندي بتروح وتيجي .. قلت جدا بصراحة .. لكن انا معرفش هل العربية فعلا محتاجة تغيير الطنابير ولا لأ

انا مش بشتكي من رعشة فى الفرامل .. انما صوت الصفارة وتحجيره خفيفه مع اول دوسة على الفرامل

اللى انا هعمله دلوقتى اني هروح تاني ابورواش اتأكد هل فعلا محتاجة تغيير ولا لأ

لكن انا اول مرة اعرف انها مشكلة عامة من الموضوع ده

العربية بتاعتي سيراتوا وكيل موديل 2013 ترخيص ابريل 2014 والى الان ماشية 1500 كيلو

طيب العربية عاملة معاك ايه طمنا لو المشكلة اتحلت

**الجنرال** · 13-05-2014 12:49 AM

الفكرة ان التاثير بتاع الطنابير هيفضل فى الطنابير .. يعني لو الطنابير بايظة مش هتأثر على حاجة تانية فى العربية (غير التيل طبعا ونظام الفرامل)

فانا حاجز فى التوكيل بتاع ابورواش تاني علشان اشوف ايه الموضوع .. الحقيقة موضوع الصفارة قل جدا جدا واصبح شبه منعدم بعد ما رحت فرع القطامية .. لكن انا رايح تاني ابورواش عشان اطمن اكتر واشوف ايه الموضوع .. ولو ابورواش قالي كله تمام هطلع على الميكانيكي بتاعنا اخليه يكشف على الطنابير ويقولي هل هي فعلا سليمة ولا التوكيل بيستهبل

انا باخد كل احتياطاتي فى الموضوع ده

غير كده .. العربية بالنسبالي كويسة جدا .. وبالمناسبة لولا ان التوكيل قالي ان الطنابير هتتغير مكنتش ركزت معاها اصلا

**Abraam95** · 13-05-2014 12:52 AM

المشاركة الأصلية كتبت بواسطة الجنرال

الفكرة ان التاثير بتاع الطنابير هيفضل فى الطنابير .. يعني لو الطنابير بايظة مش هتأثر على حاجة تانية فى العربية (غير التيل طبعا ونظام الفرامل)

فانا حاجز فى التوكيل بتاع ابورواش تاني علشان اشوف ايه الموضوع .. الحقيقة موضوع الصفارة قل جدا جدا واصبح شبه منعدم بعد ما رحت فرع القطامية .. لكن انا رايح تاني ابورواش عشان اطمن اكتر واشوف ايه الموضوع .. ولو ابورواش قالي كله تمام هطلع على الميكانيكي بتاعنا اخليه يكشف على الطنابير ويقولي هل هي فعلا سليمة ولا التوكيل بيستهبل

انا باخد كل احتياطاتي فى الموضوع ده

غير كده .. العربية بالنسبالي كويسة جدا .. وبالمناسبة لولا ان التوكيل قالي ان الطنابير هتتغير مكنتش ركزت معاها اصلا

ان شاء الله خير بس طمنا ايه الحصل معاك و ردهم كان ايه ... و هل فيه اى ضرر على اى جزء من نظام الفرامل غير التيل و الطنابير؟