طنابير سيراتو 2014

**Abraam95** · 10-05-2014 11:53 PM

كلمت مركز كيا المعادى النهارده و قالولو انهم بيحلوا مشكلة صوت صفارة الطنابير و على حساب ضمان تريبل ايه و بالفعل اكتر من شخص اكدلى انهم بيعملوا الموضوع و عن تجربه و الصوت مظهرش تانى لكن انا سؤالى هل حد يعرف بيعملوا ايه بالظبط عشان انا عايز ابقى عارف قبل ما اروح هناك عشان سمعت فتاوى كتيره زى الخراطه و الصنفره و غيره و عايز ايه فى الكلام ده مظبوط

**eslam34** · 11-05-2014 09:04 AM

المشاركة الأصلية كتبت بواسطة abraam95

كلمت مركز كيا المعادى النهارده و قالولو انهم بيحلوا مشكلة صوت صفارة الطنابير و على حساب ضمان تريبل ايه و بالفعل اكتر من شخص اكدلى انهم بيعملوا الموضوع و عن تجربه و الصوت مظهرش تانى لكن انا سؤالى هل حد يعرف بيعملوا ايه بالظبط عشان انا عايز ابقى عارف قبل ما اروح هناك عشان سمعت فتاوى كتيره زى الخراطه و الصنفره و غيره و عايز ايه فى الكلام ده مظبوط

هوة الموضوع دة في كل العربيات السيراتو الجديدة بكل فئاتها وﻻ ايه في ناس ظهر عندها الموضوع دة وناس ﻻ ياريت لو حضرتك عندك فكرة تقولي انا عاوز اشتري العربية وخايف من موضوع الطنابير دة

**الجنرال** · 11-05-2014 12:10 PM

ايه ده .. انا برضه بسمع صفارة فى الفرامل .. توكيل ابورواش قالي انهم هيغيروا التيل والطنابير

ولما ملقيتش منهم رد رحت فرع القطامية .. قالولولي صلحنا المشكلة عن طريق تنضيف التيل فقط

الصفارة بتيجي وبتروح كل فترة بصراحة وقلت جدا بعد زيارة توكيل القطامية .. بس انا مكنتش اعرف انها مشكلة عامة مع كل الناس

متابع طبعا معاكوا

**eslam34** · 11-05-2014 12:14 PM

يعني دة عيب في العربية يا جماعة وﻻ بمجرد تغيير الطنابير خلصت المشكلة افيدونا افادكم الله

**الجنرال** · 11-05-2014 03:59 PM

معتقدش ان حد غير الطنابير اصلا لحد دلوقتى

لان حسب كلامهم ... لسه مش متوفرة في مصر

**eslam34** · 11-05-2014 04:14 PM

المشاركة الأصلية كتبت بواسطة الجنرال

معتقدش ان حد غير الطنابير اصلا لحد دلوقتى

لان حسب كلامهم ... لسه مش متوفرة في مصر

طيب الموضوع دة في كل فئات السيراتو وﻻ ايه وايه الحل في المشكلة دي يعني بيحلوها وﻻ ﻷ وهل دة عيب الطنابير و ﻻ عيب في العربية نفسها يعني لو الطنابير اتغيرت ممكن ترجع المشكلة دي تاني
معلش طولت عليك

**ahramadan** · 11-05-2014 04:15 PM

انا معايا سيراتو هاي لين خليجي و مفيهاش مشكلة الطنابير, ياريت الي عندو مشكلة يقول ال موديل و عامل كام كيلو , لان الصراحه مفيش كلام عن مشكلة الطنابير خالص و لا المنتديات كيا بره

**eslam34** · 11-05-2014 04:16 PM

المشاركة الأصلية كتبت بواسطة ahramadan

انا معايا سيراتو هاي لين خليجي و مفيهاش مشكلة الطنابير, ياريت الي عندو مشكلة يقول ال موديل و عامل كام كيلو , لان الصراحه مفيش كلام عن مشكلة الطنابير خالص و لا المنتديات كيا بره

يعني الخليجي مفيهوش المشكلة دي في الوكيل بس

**Ahmed redaa** · 11-05-2014 04:31 PM

الناس اللى عملوا كيلو متر كبير بالعربيه ماجابوش سيره خالص عن الطنابير ولا التيل -

**الجنرال** · 11-05-2014 05:55 PM

تاني يا جماعة:

انا رحت التوكيل بشكتي من صفارة فى الفرامل في صيانة الالف .. فقالي ان التيل والطنابير محتاجين يتغيروا (ده كلام ابو رواش)

لما فضلت وراهم علشان اغيرها زي ما قالوا .. ولقيت مفيش فايدة .. حجزت فى فرع القطامية علشان اغيرها

رحت القطامية قالي لا مفيهومش مشاكل (!!) واحنا نضفنا التيل وكله تمام

دلوقتى الصفارة عندي بتروح وتيجي .. قلت جدا بصراحة .. لكن انا معرفش هل العربية فعلا محتاجة تغيير الطنابير ولا لأ

انا مش بشتكي من رعشة فى الفرامل .. انما صوت الصفارة وتحجيره خفيفه مع اول دوسة على الفرامل

اللى انا هعمله دلوقتى اني هروح تاني ابورواش اتأكد هل فعلا محتاجة تغيير ولا لأ

لكن انا اول مرة اعرف انها مشكلة عامة من الموضوع ده

العربية بتاعتي سيراتوا وكيل موديل 2013 ترخيص ابريل 2014 والى الان ماشية 1500 كيلو