عرض للطباعة
انا دلوقتي يا جماعه خلاص نويت ان شاء الله اني اتقدم لواحده بس الفكره مش عارف ازاي ؟؟ هل اكلمها على طول بس خايف ترفض وتحرجني
وخايف أدخل وسيط الموضوع يكبر
الفكره كلها اني عايز اتكلم معاها الاول وأطلب منها تتحجب (كنت عملت موضوع قبل كده اسألكم عن رأيكم )
وفعلا انا فكرت كتير في الموضوع و توصلت للقرار ده وفعلا كلمت اهلي بس رفضوا اني اتقدملها قبل ما تتحجب
فأنا عايز اتكلم معاها واشوف لو موافقه عليه ولا لاء واطلب منها تتحجب ( عشان أخد اهلي ونروح رسمي
)مستني يا جماعه اراءكم ان شاء الله
انا عايز اقولك حاجة يا باشا بس يا ريت متفهمش كلامى غلط
بداية الموضوع انك تروح تقولها تلبس الحجاب كده هى ممكن تفهم انك من اولها عايز تتحكم فى حياتها .. انا متابع مواضيعك و عارف انك مش كده بس الفكرة نفسها ان انت بتطلب منها تعمل حاجة هى مش مقتنعة بيها من الاول و ديه ممكن تتفهم غلط .. ممكن تتحاول تتكلم مع اهلك تانى لأن الحجاب اه شىء جميل بس مش معنى ان البنت مش محجبة انها مش محترمة و العكس برضه صحيح .. اهم حاجة هى اخلاقها ايه
و بالتوفيق ان شاء الله
ابعت لها لينكات مواضيعك اللي عملتها :d
على فكره انا بتكلم جد
شرف ليا يا باشا انك متابع كل مواضيعي ومتشكر جدا على اهتمامكاقتباس:
المشاركة الأصلية كتبت بواسطة mohab.nabil
انا عارف ان طلبي هيكون رخم في الاول على طول كده بس هحاول اجيبها بطريقه لطيفه كرجاء مش تشرط وغر كده هحاول اوضح ليها ظروف اهلي المتدينين وهيا برده لو شرياني لازم تعمل حاحه
و حكايه اني اكلم اهلي دا امر محسوم بالرفض بشده (اذا كان هما رافضين فكره الجواز منها حتى لو اتحجبت فازاي يوافقوا وهيا مش محجبه) انا هضغط على اهلي جامد عشان يوافقوا اني اخطيها بعد ما تتحجب (ومش عايز اتكلم معاهم تاني دلوقتي غير لما أشوف رأيها الاول عشان متعبش نفسي على الفاصي
وشكرا ليك مره تانيه
شارياك ايه؟ هي تعرفك كويس؟ مش ينفع تطلب منها الحجاب من قبل أي حاجة. لازم تعرفك و تقتنع بيك و بعد كده تتحجب عن اقتناع. أنا معاك لازم تتحجب لكن عن اقتناع مش مجرد ارضاء لشخص حتي لو شارياه.
دلوقتى لازم تتشجع و تروح تتكلم مع البنت انت عايز حاجه حلال (مش معقول اللى عايز الحلال يتردد و اللى عايز الحرام ماشى مجاهر بالمعصيه فالشارع و فكل مكان !!!)اقتباس:
المشاركة الأصلية كتبت بواسطة eng/ahmed_go
اولا: قبل ما تكلمها صلى استخاره و اطلب من ربنا ان لو فيها و فزواجك منها خير ليك ربنا ييسرلك ده و يشرح صدرها للحجاب و تقبله و لو مش خير ليك يصرفك عنها و ربنا ان شاء مش هيحرمك من فضله ابدا
ثانيا: الكلام هيكون واضح وقاطع من غير ما تفتح معاها موضوع الحجاب و شوف هتقول ايه قالت موافقه قولها على الحجاب وافقت يبقى الحمد لله بس خلى بالك اوعى توصلها رفض اهلك ليها و انك هتضغط عليهم علشان يوافقوا و انها لازم تلبس الحجاب زى ما بتقول لازم هى كمان تعمل حاجه
و لو وافقت على الأرتباط ومش موافقه على الحجاب خليها تفكر يوم او 2 (رغم انى شايف ان الموضوع مش محتاج تفكير لو بتصلى كانت لبست الحجاب بس مش مشكله ممكن يكون ربنا اذن لها بالهدايه و تكون انت السبب) و لو وافقت مش لازم تروح تقول لأهلك, استنى شويه و بعد كده قولهم
حارب علشان توصل للى انت عايزه اوعى تستلم او تيأس فيه ناس ضيعت و بتضيع حلمهم و امنيتهم بخوفهم و ضعفهم و استسلامهم و فالأخر هم اللى بيندموا بس بيكون وقت الندم فات
ما ينفعش تطلب من واحده حاجه وانتا مافيش بينك وبينها اى حاجه
هى هتعمل كده ليه ؟
اللى بيشترى لازم يكون عارف هو بيشترى ايه
لكن هى ما تعرفكش علشان تسمع كلامك وكلام فى سرها او ممكن تقولهولك فى وشك
ليه هو انا بايره علشان تتحكم فيا ؟
ده تفكير البنات
والله اعلم ممكن بعد ما تخطبها تطلب منها تتحجب وتسمع كلامك او تقولك انا مستنيه لما اتخطب علشان اتحجب
حاول تدخل بنت وسيط بينكم تتكلم افضل ما تروح تتحرج
ايوه عارفاني كويس بس برده مقدرش أتأكد اذا كانت معجبه بيا زي ما انا معجب بيها ولا لاءاقتباس:
المشاركة الأصلية كتبت بواسطة svneleven
وحكاية الحجاب معنديش حل تاني بس طبعا بعد ما أشوف رأيها الاول
شكرا لرأي حضرتك
شكرا يا باشا على ردك الجميل وعلى اهتمامك بكل التفاصيل وان شاء الله احكيلكم على اللي هيحصل ان شاء اللهاقتباس:
المشاركة الأصلية كتبت بواسطة shiko85
انت لو عاوز واحدة محجبة ليه فكرت في واحدة مش محجبة اصلا
الموضوع مش موضوع حجاب اكيد في مجموعة ايدلوجيات كتير مختلفة بينكم
فكر بالراحة وواحدة واحدة وادى نفسك فرصة وشوف نفسك الاول معجب بيها بجد ولا لا ، ولا لمجرد انك الفت القعدة والكلام معاها بحكم انها زميلة بس فتهيألك انك معجب بيها ؟
انا لو عاوز مراتى محجبة ومش متخيلها غير انها تكون محجبة ، مفيش واحدة غير محجبة اصلا هتلفت نظري انى افكر فيها كزوجة ؟
انا بصراحة شايفك متسرع في قرارك او عاوز تعقد الامور على نفسك ، يمكن خبرتك قليلة شوية او بتفكر بالعاطفة وده مش عيب ولا حاجة بس القصد انك تحسب كل حاجة صح عشان ما تتعبش في حياتك ، وربنا يوفقك للى فيه الخير :)
بس زي ما قولت هيا عرفاني يمكن مش معرفه جامده قوي بس اتكلمنا مع بعض كام مرهاقتباس:
المشاركة الأصلية كتبت بواسطة aldesha989
وحكاية اني أدخل بنت كوسيط خايف الموضوع يكبر ولو حصل رفض منها امة لا اله الا الله كلها تعرف :d
انا فاكرك مفيش كلام بينك وبينها نهائى علشان كده بتسأل ازاى تفاتحها فى الموضوع
انما طالما فيه بينكم كلام قبل كده
تكلمها على موضوع الجواز والحجاب تشوف رأيها
وافقت على الاتنين مره واحده ماشى
موافقتش اصرف نظر عنها علشان متضيعش وقتك
خلاص يبقى اتكل على الله و اسالها هل هى ممكن توافق على الارتباط بيك و اعمل موضوع الحجاب فى صيغة سؤال مش طلب او شرط يعنى تقولها مثلا اللى ممكن ترتبطى بيه لو طلب منك الحجاب هل توافقى و الا ايه؟اقتباس:
المشاركة الأصلية كتبت بواسطة eng/ahmed_go
شكرا لرد حضرتك و ربنا يكرمكاقتباس:
المشاركة الأصلية كتبت بواسطة amrelsaqqa
العفو يا باشااقتباس:
المشاركة الأصلية كتبت بواسطة eng/ahmed_go
ربنا يكرمك و يسرلك كل عسير و يجعلك فيها نصيب ان كانت فيها خير لك
شكرا يا باشا على الدعوه الجميله دياقتباس:
المشاركة الأصلية كتبت بواسطة shiko85
و يكرمك ويكرم الجميع ان شاء الله
كل المواضيع دي و الوقت ده و لسه بتفكر فيها. واضح انك متمسك بيها جدا. انا اقترحت علي حضرتك تخلي زميله مشتركة تتكلم معها في الحجاب و تعرف عندها استعداد و لا لا الاول علي اعتبار انك نفسك ربنا يهدي البنات للحجاب و كأنك عايز تنصحها لكن محرج و بعدين تسأل الزميله دي عن ردها دون ذكر موضوع الزواج نهائي. لكن لو حضرتك بتكلمها عادي ممكن تفاتحها في موضوع الحجاب بحرص شديد دون التطرق لموضوع الزواج حتي لا تعتقد انك ستتحكم فيها. رد فعلها اما ان تستجب و توافقك و تناقش معك الموضوع مثلا انها نفسها لكن اي سبب مأخرها و ليس مانعها و ساعتها كن حريصا و ناقش معها ما يقنعها بالحجاب و يحببها فيه بالثواب و ليس العقاب فهذا يعطي نتيجه افضل و يشرح النفس و شوف بتفكر ازاي ثم بعد ذلك لو هي خلاص ستلتزم بالحجاب فاتحها في موضوع الزواج و لا تقرن هذا بذاك حتي لا تنفر منك. او يكون الحجاب مش في دماغها و تتضايق منك انك بتتدخل في حياتها و هنا ستري شخصية اخري غير التي عرفتها و ربما انت من ستغير رأيك.و طبعا الدعاء و الاستخارة و تفويض امرك لله و لكن لا تتنازل عن مبادئك ابدا من اجل احد. ان شاء الله ربنا يهديها للحجاب و تاخذ ثوابها في كل الحالات و يهدي قلبك للخير و لا يشقيك بها.
انا متشكر لاهتمام حضرتك بكل مواضيعياقتباس:
المشاركة الأصلية كتبت بواسطة lena jo
وان شاء الله أجاول اخد خطوه وأصارحها عشان ارتاح واريحكم من الموضوع
وشكرا مره تانيه
ليه كده بس. تريحنا من ايه ، محدش تعبان و لا حاجة و ان شاء الله لما ربنا يكرمك و يحصل نصيب لو فيه خير لك ابقي فرحنا و ندعو لك بالخير و نبارك. لكن باكرر لحضرتك كن شديد الحرص في الكلام عن الحجاب اولا ثم الخطوبه و لا تبدأ بالخطوبة المشروطة.
انا راي تاخد خطوة الاول وتبين انك جاد فالموضوع
ثم تكلمها فالحجاب
علشان متخليش اول الموضوع كأنك بتقول شرط للموضوع انه يحصل كذا
فأعتقد هترفض اظهر جدية فالبداية ثم خطوة ايجابية
وربنا يوفقك اذا الموضوع خير ليك ..
Size="5"]طبعا من حقكم عليا تعرفوا اللي حصل
اللي حصل اني قلت اكلم اهلي واشوف لو اتحجبت هيوافقوا ولا لاء المهم كلمتهم لقيتهم رفضين نهائي الفكره وبيقولوا اللي وافقت طول عمرها تفضل مش محجبه ومعندهاش حياء عمرها ما هتتغير واهلها معندهم احساس انهم يوافقوا يخلوا بنتهم تلبس كده وازاي يوافقوا على انها تحط صورها على الفيس وهيا لبسه كت
يعني الخلاصه اهلي رافضين الموضوع وبشده وبكده يبقى الموضوع اتقفل ةشكرا جزيلا لاهتمامكم [/size]
الموضوع نصيب متزعلش نفسك
وصدقني احساس الاسرة بالحاجات دي بيبقي غالبا مفيد
لانهم بيبصوا للموضوع من جهة تانية غيرك
مش شرط يكونوا صح فكل الحالات اوقات بيكونوا غلط و بيكونوا فمنتهى الظلم و بيتحكموا فالبنت او الولد لمجرد اعتقادهم انهم صح و بيمارسوا عليهم منتهى الظلم والقهر و بيكونوا فمنتهى القسوهاقتباس:
المشاركة الأصلية كتبت بواسطة s o p h o s
لكن فالحاله دى انا متفق معاهم فاللى قالوه بس هختلف معاهم لان باب الهدايه و التوبه مفتوح للجميع
هون علي نفسك. موقف الاهل طبيعي نتيجة الخلاف في اسلوب الحياة بين الاسرتين و اكيد صورة الفيسبوك خضتهم معاهم حق . كمان مش بس الحجاب لكن هي مثلا بتشوف افلام و تسمع اغاني و يمكن بتروح سينما يعني اسلوب حياة مختلف عنكم تماما هتغير دة ازاي و مع ذلك اعذرني رأيهم بيلغي تماما فكرة التوبة. هي شمس البارودي فين و نسرين . يمكن انت اتولدت بعد ما اعتزلوا . دول ممثلات شهيرات اعتزلوا و اختفوا و شمس البارودي لو مكنتش شفتلها افلام من اللي بتتعاد ابقي اسأل عنها دي بقي ارتدت النقاب.من التمثيل للنقاب و غيرهم. مفيش حاجة اسمها عمرها ما هتتغير. امال اللي كانوا كفرة و اسلموا دول ازاي و التوبة فين من القاموس عندهم.لكن المشكلة انك لازلت لا تعلم شيئا عن افكارها و هل هي ممكن او تريد التغيير للأفضل ام لا. لوعايز ممكن تناقش اسرتك في كده ان كانوا يصبروا لما تتكلم معها و تعرف افكارها و لو مفيش فايده و هي لا تريد التغيير يبقي تصرف نظر تماما وربنا يرزقك خير منها اما لو فيه امل انها تتغير يبقي ساعدها و اصبر الي ان تري شئ ملموس و ساعتها يمكن الاهل يوافقوا.ربنا يوفقك
هو لسه هيقعد يستنى لما ربنا يهديها !!! ...اقتباس:
المشاركة الأصلية كتبت بواسطة lena jo
شوف غيرها يابشمهندس ومتضيعش وقت البنات على قفا مين يشيييل
وان شاء الله تجد بنت الحلال اللي تحبها وتحبك
وما تقلقش الحب الجديد بيلغي القديم او كما قال عمرو دياب باشا (فيه واحده بتنساها بواحده وواحده ما بتتنسيش) هههه
يمكن حضرتك بتفكري بالطريقه دي بس اهلي عندهم قناعه ان الجواب باين من عنوانه وان البنات كتيراقتباس:
المشاركة الأصلية كتبت بواسطة lena jo
اخيرا شكرا جزيلا على اهتمام حضرتك
ربنا يخلف عليك بالخير
اقتباس:
المشاركة الأصلية كتبت بواسطة prof2013
ماهو لو كان سهل عليه يشوف غيرها بعد الرفض القاطع للأهل و طبعا دا الحل الاسهل كان شاف او هو بيشوف زميلات اخريات و هي دي اللي اخترها و لو كان سهل ينساها مكنش عمل كل المواضيع دي و في اخر موضوع قبل هذا قال ان الافضل ينتظر بعد الجيش لكن واضح انه مش عارف ينساها و يصرف نظر عن الموضوع . لكن ممكن لو شاف اي واحدة يفضل يقارن بينهم و طبعا هيتلكك لاي عيب علشان يرفض الجديدة.
انا شايفة من خلال السطور الحسرة و الحزن لكن معلش ان شاء الله بالدعاء ربنا ينسيه و يرزقه خيرا منها.
لكن معلش انا عايزة بس اقول حاجة لصاحب الموضوع بس متزعلش . حضرتك اعجبت بها و قررت انك عايز تخطبها رغم الخلاف الفكري كما ذكرت انت من قبل و رغم توقع عدم موافقة الاهل.وعرضت المشكلة ووجدت ردود كثيرة في اكثر من موضوع لكن انت عملت ايه بعد كده علشانها لم تأخذ بأي رأي و لم تذكر اي خطوة جديدة يعني مش معقول تكون منتظر لما تلقيها اتحجبت اذا كان اساسا بتفكر فيه و لا تتفاجئ انها اتخطبت.
.كمان انت مش عارف مدي استعدادها للحجاب يعني محولتش تاخذ خطوة حتي بس لتعرف هي عندها استعداد و لا لا يعني تتكلم معها بعيدا عن موضوع الزواج حتي لتعرف افكارها عامة و بعدين من ضمن الكلام تسالها هل فكرت في الحجاب؟ كحوار عادي جدا كانك بتشوف عروسة بطريقة الصالونات.يمكن معندهاش استعداد خالص و لا عايزة اساسا.
و بعدين حضرتك مش عارف اساسا ان كان ممكن توافق عليك و لا لا. مش مسألة مهندس و عيلة لكن القبول النفسي و الاقتناع بالشخصية . ده كان ممكن الي حد ما تحس بيه لو كنت بتكلمها.
اما الاهل فانت برضه اتسرعت و انت متوقع رأيهم . حتي مش عارف تدافع عنها لانك مش عارف ان كان عندها استعداد و هتتغير و لا لا.
يإما حاجة تانيه خالص انك كلمتها و عرفت انها مش عايزة تتحجب اساسا عشان كدة بتسأل ازاي تقنعها لانها لو عندها استعداد مكنتش تحط صورة بدون حجاب لانها عارفة انها يوما ما هتتحجب. لو كلامي الاخير ده صحيح يبقي فعلا الموضوع ملوش حل و حضرتك كمل حياتك و اكيد هتنساها مع الوقت بالدعاء ان ربنا يرزقك خيرا منها.
واحد لسه في الجيش ومعندوش وظيفه لسه
ده انا مفكرها معاك في الشغل ياعم
مش بقولك شكلك مستعجل وواقع اوى ^_^
اقتباس:
المشاركة الأصلية كتبت بواسطة lena jo
موضوعك فكرني ببوست علي الفيس بوك
معليش الكلام مكتوب باسلوب مستفز بس مضمونة صح
#عزيزي_العريس متروحش تتقدم لواحدة مش محجبة و ترجع تقولها ﻻزم تتحجبي !
وﻻ لواحدة محجبة و تقولها عايزك تتنقبي !
وﻻ لواحدة لبسها مش عاجبك على أمل تغير من لبسها بعد الجواز !
وﻻ لواحدة عندها ولاد على الفيسبوك و تقولها ﻻزم تشيليهوم !
وﻻ لواحدة بتحط صورتها على الفيسبوك و تقولها مينفعش تحطي صورك !
وﻻ لواحدة بتشتغل و تقولها بعد الجواز مفيش شغل !
و مش ﻻزم على فكره تقولها أنا كان نفسي أتجوز دكتورة بس يلا مش مهم
أو عايز عروسة بيضة (علشان ممكن تبقى بيضة بجد !)
و بﻻش أسئلة مستفزة زي بتعرفي تطبخي ؟
محتاجة تتخني شوية ؟
ممكن تخسي شوية ؟
بتسمعي أغاني ؟
بتشوفي أفﻻم أجنبي ؟
و اشمعنى الكلية دي بالذات ؟
و اشمعنى الشغﻻنه دي بالذات ؟
علشان #من_اﻵخر إنت يا كيوت ﻻزم تتقبل الشخصية اللي قدامك زي ما هي علشان هي برضة هتتقبلك إنت و أمك زي ما إنتوا ..
و هي لو قبلت تغير أي حاجة ف نفسها علشانك ف عمرها ما هتعمل كده إﻻ لو حبتك يا أمور ..
و #شكرا
وده تعليقي علي البوست
كلامها في المجمل معناة انه مفيش واحدة هتغير قناعاتها علشان واحد، ولو دة هيحصل فا هيكون علشان بتحبة وحتي دة مش مضمون..
بغض النظر عن الاسلوب لكن دة صح جدا !
بتحب واحدة وعايزها يبقي خدها بعبلها، لو هي حبتك و وافقت تغير حاجه من تصرفاتها شغال لكن مش من حقك تفرض دة عليها علشان عايزها