عندى مشكله فى صوت الكمبريسور فلونس 2011

**memo_zezo** · 11-05-2014 10:40 AM

السلام عليكم
انا مقيم بالسعوديه ومؤخرا اشتريت فلونس 2011 ماشيه حوالى 98 الف وعندى مشكله فى صوت الكمبريسور بتاع التكييف لما بدوس بنزين مثلا وبمشي بسمع صوت زى تصفير من الكبوت الناحيه اليمين ولو واقف بالعربيه ووقفت جمب الكبوت الصوت بيبقي صفاره عاليه بتروح وتيجي لما الكمبريسور بيشتغل ويفصل دى ممكن تبقى ايه؟؟
ومعلش سؤال اخير العربيه دلوقت داخله على 100 الف هل تنصحونى اغير زيت الجير بوكس ؟
انا بصراحه مش عارف اللى قبلى غيره قبل كده والا مغيروش خالص ولو هغيره ايه نوع الزيت اللى المفروض احطه اللى مكتوب فى المنول لانى معنديش مانول للعربيه
ومعلش لو طولت عليكم

**yasser100** · 11-05-2014 11:36 AM

المشاركة الأصلية كتبت بواسطة memo_zezo

السلام عليكم
انا مقيم بالسعوديه ومؤخرا اشتريت فلونس 2011 ماشيه حوالى 98 الف وعندى مشكله فى صوت الكمبريسور بتاع التكييف لما بدوس بنزين مثلا وبمشي بسمع صوت زى تصفير من الكبوت الناحيه اليمين ولو واقف بالعربيه ووقفت جمب الكبوت الصوت بيبقي صفاره عاليه بتروح وتيجي لما الكمبريسور بيشتغل ويفصل دى ممكن تبقى ايه؟؟
ومعلش سؤال اخير العربيه دلوقت داخله على 100 الف هل تنصحونى اغير زيت الجير بوكس ؟
انا بصراحه مش عارف اللى قبلى غيره قبل كده والا مغيروش خالص ولو هغيره ايه نوع الزيت اللى المفروض احطه اللى مكتوب فى المنول لانى معنديش مانول للعربيه
ومعلش لو طولت عليكم

اه طبعا لازم تغير زيت الفتيس لانه ده روح الفتيس و يستحسن تكون المره دى فى التوكيل , مش مكتوب فى المانيوال ايه نوع الزيت

**ramymechanics** · 11-05-2014 01:24 PM

صوت الصفارة ممكن يكون السير بتاع التكييف مش مشدود كويس او بلية الكمبروسور عاوزة تتغير

**gebreel** · 11-05-2014 01:28 PM

بالظبط غالبا سير التكييف عاوز يتشد

**memo_zezo** · 11-05-2014 06:01 PM

خلاص باذن الله هنزل لفني تكييف واخليه يشوف سير التكييف فيه مشكله وللا لا وتنصحوني اغير سيور ??

**yasser100** · 12-05-2014 01:54 AM

المشاركة الأصلية كتبت بواسطة memo_zezo

هنا ف التوكيل تغيير زيت الفتيس ب 800 ريال مع الزيت طبعا بصراحه حاسه مبالغ فيه جدا

و هنا فى مصر ب 850 جنيه

**Super_Star_h** · 12-05-2014 03:05 AM

ممكن يكون السير
لو مغيرتوش من فتره كبيره غيره افضل وغير معاه التقسيمه بالمره وشوف الدنيا بعدها عامله ايه

**memo_zezo** · 12-05-2014 02:55 PM

روحت النهارده التوكيل فى جدة والمهندس شاف الصوت قالى احتمال يكون السير وخدت معاد بكره باذن الله عندهم هيغيره وقالى لو الصوت مرحش هيبقي من الكومبريسور نفسه وبما انه شغال كويس وتكييفه ممتاز خلاص الصوت مش مشكله وامشي بيه لحد لما يبوظ ف يوم من الايام ويبقى نغيره بس قالى حاول تعمل شوية صيانات عندنا زى تغيير الزيت وزيت الجير وتغيير بوجيهات عشان وقتها يقدر يجيبلى خصم 50% على سعر الكومبريسور اذا باظ يوم من الايام , عموما بكره باذن الله انا هروح اغير السير واقولكم على المشكله راحت والا لا باذن الله انا بجد بشكركم جداااااااا يااحلى اعضاء واللى بسببكم اشتريت الجميله الفلوانس