الموضوع: مشكلة ولازم يبقى ليها حل لمصلحتنا كلنا

معاك

عالله بس الناس ترد ومش كالعادة نلاقي مشاهدة وبس

السلام عليكم
انا بالنسبه لي في اسكندريه. في اكتر من مكان اعرفهم بيبيعوا قطع غيار الرينو الاصلي او التركي او التيواني او الفرنسي. واعرف ميكانيكي كويس باعمل عنده الشغل. يعني بشتري قطعة الغيار واخليه يركبهالي هو..

والمفروض إن اي محل قطع غيار يقدر يجبلك الفطع الاصليه.

المشاركة الأصلية كتبت بواسطة ahmed koller

السلام عليكم
انا بالنسبه لي في اسكندريه. في اكتر من مكان اعرفهم بيبيعوا قطع غيار الرينو الاصلي او التركي او التيواني او الفرنسي. واعرف ميكانيكي كويس باعمل عنده الشغل. يعني بشتري قطعة الغيار واخليه يركبهالي هو..

والمفروض إن اي محل قطع غيار يقدر يجبلك الفطع الاصليه.

انا معاك ان دة المفروض بس للاسف مش دة اللى بيحصل مع الغش اللى بنشوفه من التجار وبعدين انتو في اسكندرية عندكم الميزة دى لانى لاقيت كتير من الاسكندرانية ماعندهمش شكوى اوى من موضوع قطع الغيار الاصلية بس الفكرة كلها انى مش لاقى إجماع على حد معين الواحد يروحله وهو مطمن فى القاهرة وعشان كدة انا بحاول هنا كلنا نستقر على حد يبيع بضمير وقطع غيار اصلية تبقى مطمن وانت خارج من المحل سواء فى اسكندرية او القاهرة

اسكندرية يقولى اسماء المحلات قطغ الغيار واسماء المكانكية اللى بتعامل معاهم لاهمية وشكرا

الميجان عموما كل شغلها هى فك وتركيب مفيش فيها اصلاح و95% من الورش فهلوه وشوية عيال صبيان شغلتهم الفك والتركيب فقط ولكن فى اماكن كويسة نوعا ما تروح على الورشة وهما الان بيقولوا عالية مركز وهو ورشة فقط وبعدين يحضر لك صاحب الورشة ولا تشوفة بعد كدة تلاقى عيال فقط وانت ونصيبك

المشاركة الأصلية كتبت بواسطة ahmed vito

السلام عليكم

انا بقالي شهر تقريبا فى معظم التقارير اللى بشوفها من حضراتكم بخصوص التصليح وقطع الغيار مش قادر افهم احنا ليه لحد دلوقتى مش مستقرين على مكان نعرف نشترى منه قطع الغيار اللى اصلية وبسعر فيه ضمير يعني اعتقد اغلبنا مابقاش يميل للتوكيل لانه بيستهبل فى الاسعار والضريبة وانا واحد منكم بقيت بكره التوكيل ومش بروحله الا للشديد القوى

بس مش معقولة مع خبرة الناس هنا ومناقشتنا الكتير مش قادرين نحدد حد معين نشترى منه قطع غيار اصلية وبسعر مناسب لينا كلنا انا مثلا نفسي اغير العفشة بتاعت عربيتي ومش عارف اروح فين عشان اشترى قطع الغيار الاصلية خصوصا وان الحاجات التركي دى اى كلام وكمان زهقت من سيرة صقر قريش لاني مقتنع انهم يصلحو ماشي وهما من الاخر اتنين بس اللى فى صقر اللى كمان بيفهمو فى التصليح انما قطع الغيار هناك نصب نصب نصب نصب وعمرها قليل وكمان حتى لو رحت لواحد وقالى ان دى قطعة غيار اصلية انا اصلا مش هبقى عارف الفرق ولا عندى خبرة انى اعرف هو صح ولا بيتشغلنى

يا جماعة ياريت رد واضح وقاطع جدااااااااااا بخصوص مكان موثوق منه فى شرا قطع الغيار الاصلية وبكرر تانى الاصلية .... بالله عليكم تردو علينا

السلام عليكم و رحمة الله
الموضوع اللي انت كاتبه ده موضوع كويس جدا, و بيفكرني بفكره كنت قلتها لعدد من الأصدقاء بس في وقتها لم يرحبوا بيها او استصعبوها
الفكره نشأت من احتياجي الشديد لشخص أو مكتب موثوق به يكون في القاهره او اسكندريه . و كانت الفكره لما كنت عايز اشتري عربيه و كانت اغلب العربيات اللي بسمع عنها موجوده في القاهره. و انا من المنصوره . فمش ممكن كنت كل اما اسمع عن عربيه اسافر ليها مصر و ارجع تاني و ألخ ألخ.
المهم كنت بقول ليه مفيش شخص أو مكتب موثوق فيه هو اللي بيتم تكلفته بفرز و معاينة عربيه في مكان بعيد عن الشاري في نظير مصروف معين؟!!
يعني مثلا انا من المنصوره و عايز اشوف كام عربيه بس العربيات دي موجوده في القاهره..أقوم اتصل بمكتب في القاهره (موثوق فيه) هو اللي يقوم بهذه العمليه نيابة عني (و يكون في قالب عقد معين بين بين العميل اللي عايز الخدمه و بين المكتب) و انا أقصد هنا مصاريف المعينه مش عمولة البيع.
يعني المعاينه ليها مصاريف مستقلله عن عمولة البيع؟؟
فلما نيجي لتطبيق مثل هذه الفكره على موضوعك يا استاذ احمد .ممكن نقول التالي :
نعرض هنا في المنتدى اسعار قطع الغيار (بالصور)
و بعدين اللي جمبه حد بيبيع بأرخص سعر للقطعه ,,, يرسلها (شركات الشحن كتير أو عن طريق السواقين) ايهما أضمن,, يرسلها للي عايزها (مع عدم التسليم الا عند الدفع)
و هكذا.......
ممكن لما الفكره تشتغل شويه شويه. هنلاءي الرخيص عو اللي بيبيع و الغالي مش بيبيع أد كده ,, وواحده واحده ممكن الغالي يرخص من ثمنه علشان يبيع هو كمان يا اما يتحمل قللة بياعته.
يعني اللي عنده حاجه رخيصه يبعتها للي عايزها (مع عدم التسليم الا عند الدفع).ز و لكم ان تتخيلوا حجم المنفعه و سرعة انتشار مثل هذا النوع من المكاتب الخدميه (سموها زاي ما تسموها)
آسف على الأطاله . بس كل واحد يفكر لها في شكل. و شكرا.