شاريد 84 مساعده من اهل الجروب انا لسه جايبها

**disha_2020** · 11-05-2014 01:17 PM

السلام عليكم انا جيبت عربيه شاريد 1984 حاله العربيه كويسه ومشيها جميل بس كنت بظبط العفشه وفى شويه حاجات عاوز اعدلها فيها وارجو من اهل الخبره مساعدتى علشان انا لسه جديد فى الدايهتسو
1 عاوز اركبلها موبينه وسبلاتير الكترونى بس مش عارف اجيبهم منين انا لقيت الموبينه بس الاسبلاتير مش لاقيه مش عارف ممكن اوفق عليها بتاع عربيه ايه يركب عليها العربيه 3 سلندر 1000 cc بس ضرورى الموضوع ده علشان انا عارف انه هيفرق قووى فى العربيه
2 عاوز اعرف ممكن اركب جنط مقاس كام يبقى حلو عليها انا اللى راكب فيها 12 بفكر يا 14 يا 13 بس مش عارف ايه اللى هيناسبنى
3 عاوز اعرف مين احسن حد عنده قطع غيار ليها يكون محترم استعمال وجديد
4 عاوز اعرف ايه المواتير اللى ممكن تنزل فيها
5 العربيه كربراتير 2 باب عاوز حد بيفهم فيه يظبطهولى علشان مش مظبوط
وشكراا
تقيم العربيه بصراحه العربيه احلى بكتير من العربيات ال 28 و ال 27 اللى يعتبر فى نفس سعرا ويمكن اغلى العربيه سريعه وبتنجز والصالون بتاعها مريح
وشكرا واسف للاطاله بس هنا انا عارف ان الناس فاهمين وهيفيدونى

**khaled_sabry** · 11-05-2014 03:01 PM

يتهيألى بالنسبه للاسبراتير الاليكترونى ممكن تجيبلها اى اسبراتير اليكترونى تانى و تركب عليه غطاء الاسبراتير العادى بتاعك او اى اسبراتير تانى 3 سلندر
بس حتقابلك مشكله انك تلاقى اسبراتير على مقاس الغطا ده
هو اصلا فرق اى اسبراتير عن اسبراتير تانى فى مقاس الغطاء البلاستيك و عدد البوجيهات اللى بيغزيها