ركبت فرش جلد للسيريون

**osama_alam** · 03-02-2009 05:04 PM

ازيكم يا شباب يا رب تكونوا بخير امبارح ركبت فرش جلد لسيريونتي جبتوا من التوكيل وركبت معاهم فرش جلد للارضية والشنطة لأن بصراحة تعبت من البقع اللي بتيجي على الفرش. انا جبته اسود وكان فعلا لايق اوي مع العربية كأنه جي بيها وفبريكا والمهم انه مريح ومش متعب زي ما كنت متخيل انا قولت اقولكم للي عاوز يعمل فرش.

الفرش سعره من الوكيل 330 جنيه وتركيبه مع فرش الارضية والشنطة اتكلف 280 ممكن تفاصل شوية بس انا مكنش عندي وقت يعني هوه حيبقه في حدود 600 كله على بعضه

الظريف في الامر اني لما جيت اركب الفرش واعمل الارضية عند الوكيل اتقلي انه حيتكلف 1000 جنيه

**aliabutaleb** · 05-02-2009 08:32 AM

أولاً مبروك على الفرش، ربنا يبارك لك فيه يارب
ومستنيين الصور :)
ثانياً فيه جزئية مش فاهمها
حضرتك سألت في التليفون وقالولك يتكلف ألف جنيه ولما جيت تعمله فعلاً لقيته اتكلف 600 جنيه، يعني السعر أقل؟
ثالثاُ هل السعر ده شامل خصم الـ 10% على الاكسسوارات زي ما اتقال في المقابلة ولا يسري الخصم ده على الفرش؟
رابعاً: ينفع نشتري الفرش من التوكيل ونركبه برة ولا لازم التركيب يكون عندهم؟ وهل جودة الفرش هي هي اللي برة ولا الجودة مختلفة للأفضل؟
خامساً بقى: هو فيه فصال في التوكيل؟؟؟؟

**osama_alam** · 05-02-2009 10:16 AM

المشاركة الأصلية كتبت بواسطة alijandroo

أولاً مبروك على الفرش، ربنا يبارك لك فيه يارب
ومستنيين الصور :)

الله يبارك فيك ويجعله عامر

المشاركة الأصلية كتبت بواسطة alijandroo

ثانياً فيه جزئية مش فاهمها
حضرتك سألت في التليفون وقالولك يتكلف ألف جنيه ولما جيت تعمله فعلاً لقيته اتكلف 600 جنيه، يعني السعر أقل؟

مبدئيا انا عملته بره التوكيل. ال1000 جنيه ده كان تمن تركيب وعمل فرش للعربية والارضيات في توكيل الاسكندرية تقريبا في القاهرة حتقل حوالي 200 جنيه يعني 800 تقريبا

المشاركة الأصلية كتبت بواسطة alijandroo

ثالثاُ هل السعر ده شامل خصم الـ 10% على الاكسسوارات زي ما اتقال في المقابلة ولا يسري الخصم ده على الفرش؟

انا مسئلتش على الخصم لأني اشتريته من الوكيل اللي في شارع احمد عرابي وركبته بره (فاسكندرية) ومعرفش هل الخصم ده يسري في الحالة ديه (مأظنش)

المشاركة الأصلية كتبت بواسطة alijandroo

رابعاً: ينفع نشتري الفرش من التوكيل ونركبه برة ولا لازم التركيب يكون عندهم؟ وهل جودة الفرش هي هي اللي برة ولا الجودة مختلفة للأفضل؟
خامساً بقى: هو فيه فصال في التوكيل؟؟؟؟

انا ركبته بره عند سروجي كويس وهوه متفصل على العربية بالظبط وركب حلو الحمد لله ولونه ماشي مع الكونسول والدرعات الجلد اللي في العربية والسروجي انا عارف انه شاطر ركبلي فرش الارضية والشنطة كويس الحمد لله بس بجلد من عنده طبعا

وان شاء الله ححاول اصور العربية من جوه واحط الصور

**askoda** · 05-02-2009 10:45 AM

وان شاء الله ححاول اصور العربية من جوه واحط الصور

yareeeet

**aliabutaleb** · 05-02-2009 12:10 PM

ربنا يبارك لك فيه يا باشمهندس
وشكراً على الإفادة
قول لنا بس فين السروجي اللي ركبت عنده ده
سواء في إسكندرية أو في القاهرة مادام مجرب إنه شغله كويس

**osama_alam** · 05-02-2009 03:30 PM

الله يخليك يا باشا والعفو وربنا يديم المعروف

بالنسبة للسروجي الموضوع ده مش محتاج سروجي شاطر اوي لأنه مجرد تلبيس فرش مش اكتر. انا عملته في اسكندرية عند سروجي اسمه ايمن مكانه فالشارع اللي بيطلعك من كبري الجامعة للبحر حتلاقيه علي شمالك بعد ما تعدي شارع بورسعيد هوه اخد 280 جنيه كالآتي :
50 جنيه تلبيس الفرش (150 فالتوكيل)
200 جنيه فرش ارضية (400 فالتوكيل)
30 جنيه فرش شنطة

بس اتهيئلي ممكن تفاصل شوية

**aliabutaleb** · 05-02-2009 04:48 PM

المشاركة الأصلية كتبت بواسطة osama_alam

الله يخليك يا باشا والعفو وربنا يديم المعروف

بالنسبة للسروجي الموضوع ده مش محتاج سروجي شاطر اوي لأنه مجرد تلبيس فرش مش اكتر. انا عملته في اسكندرية عند سروجي اسمه ايمن مكانه فالشارع اللي بيطلعك من كبري الجامعة للبحر حتلاقيه علي شمالك بعد ما تعدي شارع بورسعيد هوه اخد 280 جنيه كالآتي :
50 جنيه تلبيس الفرش (150 فالتوكيل)
200 جنيه فرش ارضية (400 فالتوكيل)
30 جنيه فرش شنطة

بس اتهيئلي ممكن تفاصل شوية

كفيت ووفيت

جزاك الله خيراً يا إكسلانس

**aliabutaleb** · 20-04-2013 09:10 PM

شئ كوميدي إني أعلق على الموضوع بعد مرور 4 سنين
لكن يؤسفني إني أقول إن الراجل اللي اسمه أيمن السروجي ده اللي انا ركبت عنده بناء على نصيحة الأستاذ أسامة نصاب كبير
انا رحت ركبت الكسوة سيبتله العربية بعد صلاة الجمعة ورجعت استلمتها المغرب جاهزة
كان الاتفاق انه يركب الكسوة على فرش العربية
دلوقتي بعد مرور 4 سنين الجلد بتاع واحد من الكراسي اتقطع وكانت المفاجأة إني اكتشف إن الحرامي النصاب سرق فرش الفابريكة بتاع العربية
لقيت الكرسي على الاسفنج بتاعه!

**askoda** · 21-04-2013 10:16 AM

المشاركة الأصلية كتبت بواسطة aliabutaleb

شئ كوميدي إني أعلق على الموضوع بعد مرور 4 سنين
لكن يؤسفني إني أقول إن الراجل اللي اسمه أيمن السروجي ده اللي انا ركبت عنده بناء على نصيحة الأستاذ أسامة نصاب كبير
انا رحت ركبت الكسوة سيبتله العربية بعد صلاة الجمعة ورجعت استلمتها المغرب جاهزة
كان الاتفاق انه يركب الكسوة على فرش العربية
دلوقتي بعد مرور 4 سنين الجلد بتاع واحد من الكراسي اتقطع وكانت المفاجأة إني اكتشف إن الحرامي النصاب سرق فرش الفابريكة بتاع العربية
لقيت الكرسي على الاسفنج بتاعه!

ربنا يعوض عليك يا كبير بس لازم تروحلو برضو و تتأكد ان كل الفرش الأصلي مش موجود فعلا"

**aliabutaleb** · 21-04-2013 10:57 AM

المشاركة الأصلية كتبت بواسطة askoda

ربنا يعوض عليك يا كبير بس لازم تروحلو برضو و تتأكد ان كل الفرش الأصلي مش موجود فعلا"

الله يخليك يا محمد
مش هاكسب غير تضييع الوقت. انا مش فاضي للشد والجذب بجانب إني عارف إن الغلطة مني انا إني وافقته وموقفتش على حاجتي وهي بتتعمل. ومش معقولة بعد أربع سنين أرجع اتكلم. مفيش حاجة تثبت أصلاً أي حاجة.
انا حبيت بس أحط الرد عشان الارشيف ده كتير مننا بيرجعله لما بيحتاج يعمل أي حاجة في العربية فضروري نتجنبه.

الموضوع: ركبت فرش جلد للسيريون

LinkBack

أدوات الموضوع

عرض

-

-

-

-

-

المواضيع المتشابهه

بلي العجل للسيريون

بعد طوووووووووول انتظار ركبت اسبويلر للسيريون

غطاء للسيريون

غطا للسيريون

ركبت سماعات للسيريون و مشتغلتش

الكلمات الدلالية لهذا الموضوع

المفضلات

المفضلات

ضوابط المشاركة