السيارة - أعطال وحلول

**samaty** · 12-05-2014 10:06 PM

المشاركة الأصلية كتبت بواسطة amrgamal1

تمام يا باشا الله ينور
بس تسمحلي اعلق علي حاجه
انا شايف ان اغلب مواضيعك مواضيع عامه عن العربيات كلها مش خاصه ب opel ولا أي موديل بعينه
ف انا شايف انك تكتب مواضيعك في المنتدي العام أفضل
المنتــــــدى العـــــــــــام للسيــارات - نايل موتورز - nilemotors.net
وبالاخص ان اغلب مواضيعك بتتكلم عن الكهربا ف ممكن بردو تنزلها في القسم الخاص بالكهربا
مشاكل الكهربــاء - نايل موتورز - nilemotors.net

إن لي ههنا ما لا يصفه كلام
إن لي آمال وتطلعات وأحلام
فلقلبي هنا ما ليس لأحد غيري
فلا ألام ما توجهت إليه بسيري
يكفي ان فيه طناني وأحمد فهمي
وفادي الكريم اكرم به من شهم
فلا يضيرني إن كنت بين الأحبة
نقتسم المودة الصافية والمحبة

**samaty** · 13-05-2014 10:11 PM

ده اسمه اتوماتيك المارش
طيب إيه مكوناته وإيه أعطاله
لو فكيناه (هنفك المسمار اللي براس مفك اللي قدام الصابع في الصورة ومسمار تاني قباله) وكمان هنفك الصامولة اللي ماسكة الشيلد النحاس اللي داخل المارش
هنلاقي جواه
++++ غويشتين نحاس واحدة منهم مقسومة نصين وكل نص منها واصل بمسمار من الكبار اللي في الظهر اللي فكينا منهم الاسلاك
دول وظيفتهم إنهم مفتاح بيوصل الكهرباء للمارش علشان يشغله
مظهر عطلهم إنك تسمع تكتكة المارش من غير ما يدور وتلاقي نور التابلوه مش بيضعف
العطل بيكون فيه وساخة عليهم أو كبرتة أو تآكل
الوساخة والكبرتة علاجها الغسيل بالفرشة والصنفرة الناعمة
التآكل لو قليل ممكن تخشينة ولكن ينصح بالتغيير ( مش كل يوم هنفك المارش بقى والصداع ده --- وبعدين قطع الغيار رخيصة --- الصنايعية هما اللي بقوا رجال أعمال تخصص مص دم)
طيب ايه بقى اللي بيخلي الغويشة دي توصل وتفصل
دا عبارة عن اسطوانة حديد شبه السرنجة بس بوزها طويل
وجسم الاتوماتيك دا من جوة فيه ملفات سلك لما توصلها كهرباء تبقى مغناطيس كهربي تشد القلب ( اللي شبه السرنجة)
القلب ده بيشد دراع بتعشق ترس البنيون ( البندكس) في ترس الفلام وفي نفس الوقت القلب ده بيضغط على الغويشة علشان توصل الكهرباء للمارش علشان يدور ويدور العربية
الملف الكهربي دا لو اتحرق هتلاقي كل ما تيجي تدور ولا حس ولا خبر ولا تكتكة ولا غيره
ولو وصلت المسمارين النحاس اللي في ظهر المارش ببعض تسمع صوت المارش من غير ما يلف العربية
الملف دا لو اتحرق مالوش علاج بتغيره من أي مارش تاني
مش شرط نفس نوع المارش أي أتوماتيك يركب هيؤدي الغرض ويشتغل زي الفل

**samaty** · 13-05-2014 11:59 PM

نيجي بقى للمارش
المارش فيه يمين وشمال
معظم المارشات شمال
المارش اللي بيركب جنب الموتور بيبقى شمال ما عدا بعض موديلات الهوندا اللي مواتيرها بتدور عكس
المارش دا عبارة عن محرك صغير في الحجم كبير في القدرة
لو فكيته هتلاقي فيه الموبينة ودي اهم حاجة فيه
ودي صورتها

دي اللي بتلف
تاخد بالك كويس إن الملفات سليمة مش محروقة
تاخد بالك من الجزء اللي فوق ده هتلاقيه عبارة عن خطوط نحاس جنب بعضها
أحيانا بيحصل بينها قفلة بتتنضف بسن كتر أو سكينة
وتتغسل كويس
هتلاقي بقى حاجة اسمها الشربون
دي صورة مجموعة من الشربونات اشكال مختلفة

الشربون دا كل مهمته توصيل الكهرباء للعضو الدوار
ودا شكل التوصيل

الشربون لو متاكل بتغير
الشربون واحد في كل الاجهزة الكهربية اللي بتدي حركة
المارش - كل المواتير - صاروخ القطع - الشنيور اللي بيفرق بس هوا شكل الشربون لكن الخامة والوظيفة واحدة
طيب الشربون بياخد كهرباء منين
لو بصيت لاول حتة في المارش بعد ما تفك هتلاقي زي الصورة دي

دا مكان الشربون
بيكون عندك اتنين قصاد بعض
واحد كهرباء
ودا بيكون ملحوم فيه سلك الشيلد اللي جاي من أتوماتيك المارش
ولو السلك فصل المارش ما يدورش وتسمع تكتكة الاتوماتيك تلف المفتاح يتك تكة تسيبه يتك تكة
ولو السلك لمس الأرض المارش بيكون فيه قفلة
تيجي تدور تسمع تكتكة سريعة وكل انوار العربية تضعف وترعش جامد
الشربون التاني بيكون أرضي ودا بيكون واصل لجسم المارش
لو لقيت سلك فاصل أو لو هتغير الشربون لازم تلحم باستخدام مكواة لحام 100 وات أو أعلي وتسيبها تسخن جدا علشان اللحام يكون كويس ومش يفصل تاني

**samaty** · 14-05-2014 01:55 AM

كل مرة هتفك فيها المارش هتغسل وتنظف وتحط شحم نوعية كويسة ويفضل شحم أبيض
التراب ممكن يخلي المارش تقيل أو خشن ودا معناه استهلاك كهربا أكتر وعمر أقصر وبطئ في الحركة ( تعتيل)