سؤال لمالكي البيرسونا والجين 2

**moh2015** · 13-05-2014 11:49 AM

هل الزجاج الأمامي يمين أبطأ من الأمامي شمال وهل بيصدر من الزجاج صوت زن والعربية ماشية على طريق خشن

ياريت حد يفيدني ده الطبيعي ولا ايه النظام مع العلم انهم غيرولي مكنتين زجاج يمين وشمال وبرضة لسة بواجه نفس المشاكل

**eng.m7md.ali** · 13-05-2014 01:02 PM

لا طبعاً مفيش حاجة اسمها طبيعي لازم تروحلهم تاني وتشوف المشكلة في ايه

**Omar Mahmoud** · 13-05-2014 11:02 PM

لا ده مش طبيعي و ده اكيد لان انا دايما بفتح الاتنين مع بعض و بيفتحوا مع بعض بدون مشاكل

**moh2015** · 14-05-2014 11:49 AM

المشاركة الأصلية كتبت بواسطة eng f3lix

لا طبعاً مفيش حاجة اسمها طبيعي لازم تروحلهم تاني وتشوف المشكلة في ايه

هاروح تاني ان شاء الله بس انا بتأكد منكم بس

**moh2015** · 14-05-2014 11:56 AM

المشاركة الأصلية كتبت بواسطة omar mahmoud

لا ده مش طبيعي و ده اكيد لان انا دايما بفتح الاتنين مع بعض و بيفتحوا مع بعض بدون مشاكل

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

**carrier** · 14-05-2014 12:21 PM

المشاركة الأصلية كتبت بواسطة moh2015

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

بسيطة قوله انا كمستخدم مش عايزه ابطأ

عايز الاتنين سرعة واحده

**Omar Mahmoud** · 14-05-2014 01:41 PM

المشاركة الأصلية كتبت بواسطة moh2015

يعني الإتنين نفس السرعة بالضبط اصل في واحد من التوكيل كان بيحاول يقنعني ان الطبيعي يبقى اليمين أبطأ من الشمال

انا حاسس إن التوكيل ده لو لقي عربية بتولع هيقوله ده الطبيعي.مرة كنت رايح الصيانة و كان في ريحة شياط جامدة اللي بيركب العربية كان بيسأل ايه الريحة دي(كانوا فاكرين حاجة بتولع في العربية) و طبيعي لما رحت الصيانة في عزالعرب فرع العجوزة كان معايا اخويا و بنقول للي بيستلة العربية بيقول انتوا مشغلين بكرة التكييف اللي في النص؟؟ايه دخل بالريحة اللي بنشمها قال اصل و انت ماشي دي بتقلب الهوا و كلام غريب بعدها استلموا العربية و رحنا حتة جنب الصيانة عقبال ما رجعنا كانوا خلصوا بالصدفة واحد من العمال بيقولنا كان في كيس بلاستيك ماسك في الشكمان و شيلناه و بعد ما اخدنا العربية فعلا مفيش حاجة.

**د.ياسر** · 16-05-2014 02:46 AM

و الله التوكيل ده انا مش عارف هما فعلا على قدهم و لا هما بيشتغلوا الناس و لا ايه بالضبط وخصوصا انهم ماسكين اسماء كبيره زي جيب و سيتروين .... و على فكره كان ممكن البروتون تسمع في مصر اكتر من كده و دا بسبب انها عربيه محترمه بس الناس مش عارفاها .....

الله يهديهم

**Omar Mahmoud** · 16-05-2014 11:27 AM

المشاركة الأصلية كتبت بواسطة د.ياسر

و الله التوكيل ده انا مش عارف هما فعلا على قدهم و لا هما بيشتغلوا الناس و لا ايه بالضبط وخصوصا انهم ماسكين اسماء كبيره زي جيب و سيتروين .... و على فكره كان ممكن البروتون تسمع في مصر اكتر من كده و دا بسبب انها عربيه محترمه بس الناس مش عارفاها .....

الله يهديهم

زيهم زي كتير من الناس اللي مفيش عندها ضمير و مكسل يشتغل و انا رأيي إن انا افضل معاهم لحد الضمان و بعد كدة اروح لميكانيكي برة علشان لو رايح تعمل صيانة و انت في الضمان و عندك مشكلة بحس إن الراجل اللي بيستلم العربية و البيانات بتاعتها ناقص يحلف ان هي سليمة رغم وجود المشكلة لكن بردو هما احسن من غيرهم.
اللي نفسي اعرفه فعلا هو عامل ايه مع فولفو-سيتروين-جيب-دودج-كرايسلر.