الدروس المستفاده فى صيانة 10000 (301) !!

**Hema_Basha** · 13-05-2014 08:45 PM

المشاركة الأصلية كتبت بواسطة amrelsaqqa

من الاخر كدة التوكيل شبع من العربية دى ومش معقول غمرة وابو رواش وصلاح سالم ومرغم في اسكندرية هيصحوا فجأة يلاقوا نفسهم بيخدموا مليون عربية جديدة مرة واحدة !

امكانيات التوكيل ما تسمحش انه يخدم كل العدد ده من العربيات وخصوصا لما كل العربيات دى تعدى الـ 60 الف كيلو ويدخلوا في صيانات ومشاكل اكبر
وكفاية ان مفيش مراكز في المحافظات

فشكلهم كدة بدأوا يطفشوا الناس من العربية بدري بدري !

ماكنش ينزلها يا عمرو بس ميعملش كده المفروض هما عارفين الطبقة اللي هتشتري 301 غير الطبقة بتاعت 508
يبقي ميجيش بقي علي الغلبان ودي مشكلتهم هما مش مشكلة العميل
وبدل ما يمصوا دم الناس يفتحلوا مركزين او تلاتة هبفرقوا معاه جامده

**Akram.Gamal** · 13-05-2014 08:45 PM

المشاركة الأصلية كتبت بواسطة amrelsaqqa

فشكلهم كدة بدأوا يطفشوا الناس من العربية بدري بدري !

ماهو ده ال بيحصل من زمان جدا
و لو المسؤلين عن بيجو مصر مصحوش من نعستهم و كبوتهم
هيضيعوا العلامه فى مصر للابد

**wel781** · 14-05-2014 11:01 AM

مبروك الصيانة

على فكرة هما فعلا شكلهم أتفجئوا بالعدد الكبير بتاع الـ 301 فا حصلهم حالة هلع

**Akram.Gamal** · 14-05-2014 12:43 PM

المشاركة الأصلية كتبت بواسطة maio_do

الاسعار غليت ولما الناس بتكلم خدمة العملاء يقولك هنزل فى الاسعار لازم ننزل كلنا مرة واحده

احنا لازم نعمل وقفه .. وقفه من ال هي دى ها بتاعة عرابى دى (عوكل ستايل)
:d

المشاركة الأصلية كتبت بواسطة wel781

مبروك الصيانة

على فكرة هما فعلا شكلهم أتفجئوا بالعدد الكبير بتاع الـ 301 فا حصلهم حالة هلع

الله يبارك فيك يا وليد بيه .. لا و الله هما طول عمرهم فاشلين

**Akram.Gamal** · 15-05-2014 01:13 PM

المشاركة الأصلية كتبت بواسطة فهد المصرى

حلوة وقفة عوكل ستايل ,, ولقد اخذ السنجة منى يا سيدى

مع احترامى لكامل حالة الاحباط والقلق والخوف اللى مع السادة الزملاء هنا

لكن انا شايف ان فى حاجة مافورة شوية

بمعنى : ان احنا عاملين لنفسنا رعب اوووى من الوكيل انه ياكل حقنا ليه هو وكيل شركة النصر

ده وكيل شركة بيجو ودى شركة منتشرة على مستوى العالم وتحب تحافظ على سمعتها مش عشان تبيع

100 او 200 الف عربية تخسر اسمها فى سوق واعد زينا بعربية هى فعليا مخصصاها لسوقنا

وزى ما انا شايف مع الاعضاء ومعيا انا شخصيا فى حل مشكلتى فى مسئول خدمة عملاء فى كل فرع

يقدر يساعدك فى حل المشكلة وغير كده فى الصفحة على الفيس والشكوى المجمعة والخط الساخن

وفرنسا وحماية المستهلك وحاجات كتيرة يبقى انا ابقى مطمن وعارف انى هاخد حقى ان شاء الله وان

كان هاتعب شوية بس بقى فى وسائل جديدة مساعدة مكنتش موجودة جوا بيجو وبره.

كل عربية فيها عيوب ومميزات وطول ما احنا بنقلق نفسنا بالعيوب مش هنتمتع بالمميزات اللى فيها.

وعايز اوضح حاجة صغيرة اى سبب تفضيلى للسيارة دى دون اى سيارة فى فئتها واعتماديتها اكبر

كمية الامان اللى فيها بغض النظر عن انها محسودة .. لان اللى هيجى فى الصاج يتعوض لكن اصابة حد

من الناس عيلتى متسواش الدنيا كلها

وعذرا للاطالة

طبعا كلامك صح 100%
و الناس عامله شكوى و ماشيه فى الاجراءات
و انا كمان عامل شكوى
اانا لو فاضيلهم هلاعبهم ع الشناكل بس للاسف مش بايدى