شوية مشاكل قابلتنى فى الكورسا 1000

**Mohamed~Adel** · 14-05-2014 12:09 AM

السلام عليكم ورحمة الله وبركاته

الحمد لله جبت عربية كورسا 1998 1000 سى سى من حوالى شهر,, العربية كانت فيها شوية شغل فالحمد لله اخدتها بسعر كويس المهم من المشاكل اللى كانت فيها و طبعا فى شغل ممكن متعملوش و عادى مش هيأثر و شغل لازم تعمله ,,
و قابلنى (من الحاجات المهمة) الاتى :
1-صوت تزييئ فى العربية (محتاجة تتشحم و مساعدين )
2-لمبة ال check كل شوية تشتغل و بعدين تفصل مع نفسها !!
3-العربية بتقطع و هى ماشية لو كان التنك على اول شرطة ( قبل النص )
4-صوت الموتور عالى كانه بتاع مشروع روحت لميكانيكى قالى كاتينة بالشداد و الليله دى كلها كام يا عم 700ج+400ج مصنعيه !!!
5-درجة حرارة العربية بتعلى عن ال90 لو كان المشوار اكتر من ساعه

دلوقتى انا قلت بدل ما اغير الشداد و الكاتينة بالسعر دا طب ما اجيب موتور احسن و اهو ارتاح من دوشة الحساسات و المشاكل بتاعتها ,, مش عارف اجيب موتور 1200 ولا 1400 التيجرا , مين فيهم افضل مع العلم ان انا مش بحب اجرى و اشد ,, و سعرهم هيكون فى حدود كام ؟
هل درجة الحرارة كدا عاليه ؟؟ مع العلم انا المروحة بتشتغل عند ال95 !!
هل التقطيع دا بسبب الكاتينة و لا كدا فيه مشكلة فى الموتور نفسه !!
مستنى الردود من اهل الخبرة

**احمد فهمى** · 14-05-2014 12:36 AM

التقطيع ده غالباً طرمبة بنزين بما انو بيظهر بشكل منتظم لمى يقل البنزين والتزييق اكيد عفشه وجلب خلصانه ولو متورك سليم يفضل تخلي والراجل ده مصنعيتو غاليه وقطع الغيار اشتريها بنفسك ولف شوف اسعارها ولعلمك لو جبت متور جديد برضو هتغير سيور وشدادات وبلى والحراره اكيد العربيه عايزه غسل ريداتير وصيانه فلاتر وبوجيهات وتنضيف بوابه بعدها اكيد اللمبه مش هتنور

**Mohamed~Adel** · 14-05-2014 12:46 AM

شكرا لمروركم بس برضه محدش قال وجهة نظره اغير الموتور وللا اصلحه !! و لو هغيره اغير بانهى واحد ؟

**SimplyM** · 14-05-2014 02:08 AM

أمامى يعنى سير كاتينه ب٧٠٠ و مصنعين ٤٠٠

الطبيعة السير من ٧٠ ل ١٢٠ و المصنعيه ١٢٠

بالمره غير طرمبة مياه و غير المياه

التشك الجن اكشف عليه في التوكيل او باختبار مشبك الورق ممكن تبقى حاجه بسيطه او شئ خطر

لا انصح بتغيير الموتور ... له مشاكل و له مزايا زي التكييف و البور ...و فى الاخر معدان غير شهر

**Mohamed~Adel** · 14-05-2014 04:24 PM

المشاركة الأصلية كتبت بواسطة simplym

أمامى يعنى سير كاتينه ب٧٠٠ و مصنعين ٤٠٠

الطبيعة السير من ٧٠ ل ١٢٠ و المصنعيه ١٢٠

بالمره غير طرمبة مياه و غير المياه

التشك الجن اكشف عليه في التوكيل او باختبار مشبك الورق ممكن تبقى حاجه بسيطه او شئ خطر

لا انصح بتغيير الموتور ... له مشاكل و له مزايا زي التكييف و البور ...و فى الاخر معدان غير شهر

بس السير دا كاتينة مش سير كاوتش يعنى زى الجنزير كدا و شكرا لمرورك

**Mohamed~Adel** · 15-05-2014 12:07 AM

رحت انهاردة كشفت على الموتور علشان لمبة ال check لقيت فيه رشاش بايظ الميكانيكى قالى غير المكنة احسن لان المكنة دى لما بيتغير فيها حاجة بتقرفك
فكدا كدا هغير مكنة و غالبا كدا هتبقى 1200 ,, حد يعرف سعرها كام ؟ واجيبها بالجير بوكس بتاعها ولا من غير ؟

**Amr.Fathy** · 15-05-2014 12:26 AM

بس ألماتور 1200 من غير بأور

**SimplyM** · 15-05-2014 01:07 AM

هاتها ١٤٠٠ بالتكييف بقى إذا نويت لان ١٢٠٠ مش مصمم انه يشيل تكييف و بيتعمل بلدى

**Mohamed~Adel** · 15-05-2014 01:41 AM

ال 1200 بيركب عليه باور انا كان معايا كورسا 2000 1200 و فيها باور و تكييف عادى !!
طب ال 1400 مش برضه حساسات ووجع دماغ انا قلت اريح دماغى من الحساسات خالص !!

الموضوع: شوية مشاكل قابلتنى فى الكورسا 1000

LinkBack

أدوات الموضوع

عرض

شوية مشاكل قابلتنى فى الكورسا 1000 - انشر الموضوع فى :

-

-

-

-

-

المواضيع المتشابهه

حد يقولي عيوب الكورسا ال 1000 سي سي ايه

تكيف الكورسا 1000

استفسارات ل خبرا الكورسا 98 ال 1000 cc

عاوز أركب أر بى إم عندى فى الكورسا ال 1000 سى سى

مشاكل الكورسا السيدان

الكلمات الدلالية لهذا الموضوع

المفضلات

المفضلات

ضوابط المشاركة