الموضوع: النجدة..محتاج تيل وطنابير صني ونسيان مطنشة

أخيرا وبعد طول إنتظار والعديد من المكالمات لكل الجهات كلمني التوكيل وطلب مني الحضور للإصلاح......عندما ذهبت قالولي احنا هنركبلك التيل الجديد ونمسحلك الطنابير الموجودة علشان مفيش طنابير جديدة......المهم لقيتهم بيحاولوا يراضوني فقولتلهم أنا موافق بس بشرط اني أحتفظ بحقي في الطنابير الجديدة.....رفضوا الفكرة وقالولي محنا هنصلحلك القديمة.....المهم ركبت دماغي وقولتلهم هسيبلكم العربية وهعمل مشكلة قالولي طيب ادينا فرصة نكلم مهندس الضمان.......المهم من هنا لهنا مهندس الضمان وافق وطلبت منهم فاتورة مكتوب فيها إني من حقي تغير الطنابير وقت الحاجة في الضمان......الخلاصة إن المشكلة اتحلت بس طلعت منها بكذا نقطة

1- نيسان نفسهم مش محترمين لأنهم ولا فكروا إنهم يسألوا فيا ومجاتليش مكالة واحدة منهم يقولولي ازاي الصحة.
2- توكيل مودرن موتورز بالرغم من مشكلة نقص قطع الغيار اللي بيعانوا منها دايما ومش بيحاولوا يحلوها لكن فيها ناس محترمة وفعلا أنا بقدر الناس دي لأن المهندس محمد اللي في التوكيل هوا اللي اقترح حل المشكلة بالطريقة اللي ذكرتها لما كلمته وقولتله إن الفرامل عندي بقت ضعيفة. بصراحة أنا مش عارف اسمه محمد ايه بس هوا انسان محترم. كمان الأنسة اللي بترد علي الموبايل ( بصراحة مش عارف اسمها) إنسانة محترمة وبتهتم بالشكوي وهي من الأسباب الرئيسية لحل المشكلة لإنها وصلت الموضوع للمديرين لما كنت بكلمها كذا مرة.
3- العربية فعلا عربية محترمة......أنا عامل بيها لغاية دلوقتي 24000 كيلو في سنة......يعني شقيانة معاية وبصراحة شايفها عربية شديدة وبتستحمل.

الخلاصة إني اتعلمت إن الزن علي الودان أمر من السحر ولو مكنتش كل يوم بكلمهم مكنش حد سال فيه.

أه صحيح نسيت أقولكم........جهاز حماية المستهلك تقريبا حد شايل الفيشة بتاعة الكهربا بتاعته أو عطلان........حد يبقي يسأل عليه يا جماعة لحسن دا في الطراوة خالص

الحمد لله الذي بنعمته تتم الصالحات

ربنا يكرمك و تتحل مشاكلك و العربية تهدى سر معاك.....

الف مبروك
ماضاع حق ورائه مطالب