رابطة ملاك السيراتو من 2009الى 2013

**ahmedelrayan** · 14-05-2014 01:20 PM

السلام عليكم على كل اعضاء نايل موتورز

ان شاء الله يا جماعة هنعمل رابطة لمالكى السيراتو من 2009الى 2013 وده بعد اذن ادارة نايل موتورز الكرام طبعا وعايزين باذن الله تعالى نتناقش فى اى حاجة تخص العربية واى حد عنده مشكلة محتاج معلومة فى اى حاجة عن العربية يسيب مشاركة وهيلاقى رد منى او من الاخوة الاعضاء واحب اشكر كل من شجعنى على عمل هذه الرابطة فى الموضوع السابق اللى انا عملته (الى كل ملاك السيراتو من 2009الى 2013)وان شاء الله اكون عند حسن ظنكم

ودلوقتى يا جماعة عايزين كل واحد يعرفنا بنفسه وعربيته موديل كام والفئة الكام ولو حد عمل اى تعديل يقولنا عليه ولكم جزيل الشكر

**ahmedelrayan** · 14-05-2014 01:23 PM

وانا هبتدى بنفسى
اسمى احمد الريان معايا سيراتو 2010 فئة الsx فئة الهاى لاين ماعدا البصمة والسقف ومعملتش اى تعديل نهائى على العربية

**ahmedelrayan** · 15-05-2014 02:37 PM

ايه يا جماعة انتوا فين

**mohdboim** · 16-05-2014 09:15 AM

انا محمد بيومى معايا سيراتو 2010 فئة الهاى لاين كاملة فيها ايمولايزر

**HyundaiAgain** · 16-05-2014 05:54 PM

Dox

سيراتو 2010 ex وكيل 87000 كم

**HyundaiAgain** · 16-05-2014 05:55 PM

من شهر

بسمع صوت موتور بيشتغل و بيقف في درج التابلوه . اعتقد انه الهوايا

بس مفيش اي تأثير على التكييف

**ahmedelrayan** · 16-05-2014 06:45 PM

المشاركة الأصلية كتبت بواسطة hyundaiagain

من شهر

بسمع صوت موتور بيشتغل و بيقف في درج التابلوه . اعتقد انه الهوايا

بس مفيش اي تأثير على التكييف

نورت الرابطة يا باشا والصوت اللى انت لتقول عليه ده عادى جدا والموتور بيسمح بدخول الهواء سواء من داخل العربية ثم يخرج مرة اخرى عن طريق الهوايات بتاعت التكييف او بيسمح بدخول الهواء من خارج السيارة الى الداخل وهتلاقى عندك زرار فى مجموعة التكييف هو اللى انتى بتختار منه العملية دى ولو فى اى حاجة تانى انا تحت امرك

**romeldes** · 17-05-2014 06:55 PM

انا محمد سيد معايا سيراتو 2010 خليجى ماشيه 224 الف

**Ahmedmahereng** · 18-05-2014 07:45 AM

السلام عليكم .... انا أحمد ماهر و معايا سيراتو 2010 فتحة سقف و من غير بصمه و لسه شاريها من حوالي شهر ماشيه 11 الف كيلو و لسه جديد عالسيراتو يعني مش هبطل اسئله و ادي اول سؤال :

انا لسه مركب زينون للعربيه فوجات و واطي و حصل معايا نفس الحوار بتاع الكاسيت (بيعمل restart) لما اجى انور النور بس مش على طول و دخلت دورت عالمنتدى لقيت الحوار دا حصل مع ناس كتير و ناس كاتبه حلول بس انى افهم حاجه
ياريت حد يقولي اعمل ايه

**fddf512** · 18-05-2014 08:50 AM

انا سامح معايا هاي لاين 2012 كامله .... مشكله الزينون يمكن حلها جزئيا بتركيب مكثفات ( anti flicker capacitor) ودي بتحل المشكله بشكل كبير بس مش بشكل نهائي ...