الموضوع: هوا السامسونج مع الوقت بيبطىء ولا انا بيتهيئلي ؟؟؟

المشاركة الأصلية كتبت بواسطة SAMEH_FOUAD

هو الموضوع مش كدة تماما

كل الموضوع , انك بتتعامل مع نظام مفتوح ( الاندرويد ) ودة فى حد ذاتة لازم يكون واحد على دراية تامة بالنظام عشان يقدر يخلى الجهاز مافيش اى مشاكل فية

يعنى المفروض تمسح ال cash file , وتعمل force stop للبرامج اللى انت مش محتاجها , وتشيل الملفات الغير مرغوب فيها

ماتنزلش اى برامج من اى مكان انت مش عارف مصدرة

كل دة هتلاقى الجهاز زى ماهو مافيش فية اى تغير

وعلى فكرة بردة الايفون بيهنج عادى جدا وبيتقل مع الوقت

اصل كل سيستم فى الدنيا لايمكن يفضل شغال بكفاءة طول العمر

كان معايا لوميا 920 وسامسونج s3

الوميا قعد سنة تقريباً وادائه متغيرش وفضل بنفس الاداء مع العلم انه كان 32 جيجا ميموري الفري منهم كان حوالي 5 بس او اقل

السامسونج جيه بعديه ب3 شهور تقريباً ومن اولها كان بيهنج وتقيل جداً ومكانش عليه حاجة اصلا غير واتس اب وفايبر والبرامج المعروفة دي .. مكانش عليه لعب ولا اغاني .. المساحة الداخلية كانت 12 جيجا صافي متاخد منهم اقل من جيجا عشان البرامج دي

طبعاً فرق كبييير جداً بين اداء ال2 لصالح اللوميا على الاقل لما اجي افتح الكاميرا مبيقعدش 100 سنة عشان تفتح زي السامسونج

النظام هو السبب فعلاً لان ال2 كانو نفس ال رام والبروسيسور تقريباً

نقطة كمان

الخامات المستخدمة في صناعة ال iphone و nokia كلها recycling .. يعني بيعاد استخدامها مرة تانية وغير مضرة للبيئة

ودي حاجة خلتني احترمهم لان سامسونج بتستعمل اسوء خامات

المشاركة الأصلية كتبت بواسطة svneleven

ال s3 كله مشاكل و الناس كلها عارفة كده زيه زي الجراند و يمكن أكتر. أنا شايف السامسونج أنسب حاجة لسعرها. شوف ال تاتش بتاع نوكيا بطئ و ممل. شوف سامسونج نوت 1 و2 و حتي التليفونات اللي ب 1000 جنيه( wave) جميلة و استجابتها سريعةو صورتها و الشاشة جميلة جدا.

اختلف معاك تماماً

نوكيا واخد احسن تصنيف من حيث الجودة والتاتش والكاميرا والهارد وير .. الويندوز فون هو اللي واقع "لحد دلوقتي" لكن هيفضل احسن من الاندرويد في نقطة التهنيج والاستجابة

المشاركة الأصلية كتبت بواسطة SAMEH_FOUAD

هو انا اختلف معاك تماما , فى كل نقطة ذكرتها

انا كان معايا s advance موبايل ممتاز جدااااااا وافضل من n8 بمراحل فى كل حاجة وحتى الكاميرا اللى المفروض 12 ميجا مقابل 5 ميجا والله تفوق عليها الادفانس

بعد كدة نقلت مباشرا لل s4 اللى هو معايا حاليا , الحمد لله معايا بقالة 4 شهور , هو هو مختلفش 1 % عن ماهو جديد , يمكن بالعكس الاداء اتحسن للافضل , وخامات ممتازة ومحترمة جداا ومنزل برامج كتير

واشتريت s3 بجانب الاس 4 , والتليفون مافيش حاجة فية خالص من اللى انت مريت بيها اكيد كان عندك مشكلة فى الجهاز
التليفون بمجرد مابدوس على الكاميرا بتفتح تقريبا فى ثانية بالظبط , التقاط الصورة بمجرد اعطاء الامر فى الحال , الجهاز ولا بيهنج ولا اى حاجة خالص من ساعة لما جيبتة , وهو على تحديث 4.1.2 وعلى فكرة هية الذاكرة بتاعتة الصافية 10.5 جيجا , والجهاز طلقة وممتاز , وشاشة روعة يعيبها فقط قلة السطوع

والتليفون بردة من اول لما جيبتة وهو وهو ماتغيرش

هناك فرق بين ال n8 والادفانس .. لان ده سيمبيان التعبان وده اندرويد .. طبعاً فرق كبير في النظام

لكن احنا بنتكلم عن سلسلة لوميا "ويندوز فون" اللي اقل كاميرا فيهم "5 ميجا بيكسل" احسن من اي كاميرا متوسطة في سلسلة الاندرويد عمتاً .. ده انا كنت بصور في الضلمة والصورة تطلع كأنها الصبح بال920 .. يكفي ان صاحبي كان معاه كاميرا نيكون كان بيستعين بموبايلي عشان الزوم :)

مع اللوميا في اختلاف في التكنولوجيا من حيث التاتش والكاميرا والهاردوير احسن من ايام زمان .. عن تجربة وقراءة تقارير عالنت

يمكن يكون انا حظي وحش في ال s3 بس تقريباً مش انا بس اللي بعاني المشكلة .. ده واحد صاحبي طول ماحنا قاعدين عالقهوة يقعد يسب ويلعن في سامسونج عشان بطيء .. معاه note 2