الموضوع: عايز اجيب عربيه و اعدلها بس استفسار عن الاختيار الافضل ؟!

و بالنسبه لو حابب اعمل دا فى ميتسوبيشى الافضل اجيب موديل كام و بيعمل كام و اجبلها ايه ؟!

المشاركة الأصلية كتبت بواسطة hitmangate

بالنسبه للميتسوبيشي احسن واحده تتعدل الانسر المكوه موديل 2001 - 2003 وبتتعدل عند واحد اسمه زوزا في الحرفيين ولو فكرت في ميتسوبيشي هي أفضل من ناحيه قطع الغيارالمتوفره والصيانه من السوبارو بس السوبارو مش هتعدل اأي حاجه غير تسقيط وبالنسبه لموضوع ال bmw فكك منه لأن لحام النصين خطر جدا في الحوادث لا قدر الله لاني شفت بي ام نصين مخبوطه من الجنب من فيات تمبرا جابتها نصين فنصيحه من اخ أبعد عن أي حاجه نصين

طب علشان متعبش حضرتك معايا اخر كام سؤال
-ايه رأيك فى الهوندا كوبيه الببابين و ليه تعديلات / قطع غير و خلافه ؟!
-عايز حسبه متوسطه تقريبيه لتعديل كامل على عربيه اذا كانت المكوه او السوبارو يعنى تعديلات بتاعت الماتور و خلافه و فرش من الداخل و body kit و جنوط و دهان تدخل فى كام دا كلو ؟!
-ممكن بتعدل فى الطبلوه الهوا الجزء الفى النص بتاع التسجيل و جدا الوش كلو يعنى و بكام ؟!
-المتسوبيشى دلوقتى اختيار افضل من السوبارو يعنى هوصل با المتسوبيشى لحاجا احسن من السوبارو كا اداء و كدا ولا العكس ان السوبارو افضل من ناحيه الاداء بعد التعديل ؟!
-بالنسبه لترخيص العربيه لما اعدل من السوبارو العاديه ل wrx sti هواجه اى مشاكل فى الترخيص و من ناحيه المتسوبيشى برضو بسبب انى عدلت على stock و كدا ؟!
- الترخيص برضو با النسبه للشكل الخارجى عرفت ان اخرك 3 الوان و ان "من الممكن يعديك لو نفخت اكسدمات و كدا " و انو ممكن يسقطها لو عملت فتحه فى الكبوت قدام ؟! فا ايه الحاجات الابعد عنها علشان مشاكل الرخصه او انها تتسحب و هل الحاجات دى ينقع تعدى بكوسه فلوس او وسطه و كدا و اطمن ولا هفضل فى مشاكل ؟!

المشاركة الأصلية كتبت بواسطة hitmangate

بص يا باشا طبعا الهوندا تعديلاتها حلوه بس طبعا بالترتيب كأداء هتاخده السوبارو رقم 1 والتعديل فيها بيبقى من غير أي لحام وهتاخد أداء زي ماقولتلك من عربيه دفع كلي وبعدها الانسر هتاخد أداء بس هيبقى في لحام في الجزء الخلفي بس هيبقى كويس مش مضروب علشان يحول من دفع أمامي لدفع كلي زي السوبارو اللي هيا استوك كده اصلا وثالثا الهوندا بيتسقطلها المكنه ال type r بتبقا حلوه بس مش زي برضه الامبريزا حلاوه الامبريزا أنها بتتعدل على شاسيه هو هو شاسيه النسخه الرياضيه بتاعتها وبالنسبه وعلشان تبقى عامل حسابك هيبقى اغلاهم الامبريزا كتعديل وقطع غيار مقابل أداء أعلى وترخيصها ممكن تظبط الورق ععلى أنها مكنه 1600 لأن مكن الامبريزا بوكسر مش بالعرض زي ال ميتسوبيشي والهوندا فلو دخلت بيها على المرور ممكن مايعرفش ايه دي اصلا وبالنسبه لتعديل الشكل الخارجي التلاته كويسين بس احسن اتنين بالترتيب السوبارو والانسر وبالنسبه للتكلفه السوبارو وبعدين الانسر وبعدين الهوندا طبعا بسبب أسعار العربيات اللي هتجيبها بس فيه ميزه أن السوبارو هتكون اعلاهم موديل وفيها abs استاندر وايرباجز فأمان أعلى فشوف انت امكانياتك ايه وأنزل خدلك لفه كده في الحرفيين تعرف فيها الأسعار وربنا يوفقك للاصلح

تمام يعنى دلوقتى السوبارو احسن كا اداء بس الفرق ان ثمن العربيه هيكون علا من الانسر بحوالى 20 الف و قطع الغيار هتكون اغلا !
فى حاجا قرتها من ناس اجانب مجربين التنين بيقولو ان اداء كا سرعه فا ايفو احسن بس كا راحه و قياده يوميه فا السوبارو احسن ؟ دا صح ولا فى حاجا هنا مختلفه !
دلوقتى ان شاء الله هنزل اروح ل زوزا كمان اسبوع كدا بس تعرف اروح لمين علشان حوار السوبارو دا ؟!
و لو امكن رقم تليفون لحضرتك لو احتجت حاجا قدام اعرف القيك :]

المشاركة الأصلية كتبت بواسطة omaranes77

حضرتك محتار لية هات مكوة عدلها ايفو عند زوزا
وفي اكتر من واحد زي tps garage
هتجيب نصين ايفو تشيل من هنا تحط هنا وهتعدل عفشة كاملة والمفروض تلحم شنطة الايفو بالكرونة عشان الايفو دفع رباعي
بخصوص المكنة معاك مكنة 2000 تربو 275 حصان لو هايز اعلي في 2400 mivec فظيعة بالتربو كانت محطوطة علي dyno جابت 315 حصان عند tps garage تابع جروب زوزا علي الفيس اسمو zoza import كانت عندو مكوة وعدلها ايفو خش شوفها كدة يا باشا شوف شكل العربية قبل وبعد
الموضوع ممكن يخشلة في 40 الف مكوة
نصين ايفو مش عارف كام تقريبا 20 الف هتخشلها في 80 كدة يا باشا وعيش بقي برحتك وهتعلم علي التخين

شكرا على الرد فكره التعب انا وضحت فى الاول انى معنديش خبره فا بحاول افهم و بسمع من دا و دا فا بستفسر
موضوع الترخيص ممكن ترد عليا فيه ؟!
يعنى انحنا بنكلم فى 40 مكوه و نصين با 20 و 20 مكنه ؟!

المشاركة الأصلية كتبت بواسطة omaranes77

الصراحة مش عارف الترخيص اية الي بيتم لكن كلو بالحب يعني لو انت سقطت مكنة 2000 ممكن تثبتها 1600 بالحب
ﻷ حضرتك بتجيب نص امامي فية الموتور والعفشة وكل حاجة
الموتور لوحدو لو حضرتك مش عايز تلحم هات بومة سقطت مكنة 2.4 مايفك تربو عدل عفشة هتخش في 20 الف
هيا هيا
انا قولت 80 بناء علي
20 نصين مش متاكد اوي في السعر حضرتك انزل الحرفيين خد جولة كدة
40 الف مكوة
20 الف تظابيتك بقي
جنوط + اسبويلر + زنون +رش وسمكرة لو العربية فيها حاجة + عدة صوت وكاسيت نضيف

اللحام دى فى مشاكل من ناحيه الترخيص ولا عادى ؟! لان على حسب فهمى انا كدا معايا ورق مكوه و معايا عربيه ايفو ولا هما بيبصو لحاجا تانيه ؟
اللحام بتقول با ايفو تقصد البومه ولا الجديده الشارك ؟