الموضوع: جايلي عقد عمل في السعودية أسافر ولا لا

تواصلت مع شركة في الرياض من فترة ووافقوا وصليت استخارة حسيت اني مرتاح يعني

حاليا بعتوا لي العقد، بس بنود العقد مش مريحاني تماما

يعني زي ان الموظف يكرس كل وقته لخدمة الشركة وينزل في الاجازات الرسمية ويشتغل اوقات زيادة وكل حاجة حسب رغبة صاحب العمل وحسب لوائحه هو واللي لسه انا مشفتهاش

الموظف يقوم باي اعمال توكلها له الشركة مهما كانت طبيعة عملها

مدة تجربة 90 يوم غير شاملة الاعياد ويحق لصاحب العمل فسخ العقد دون انذار او مكافاة نهاية خدمة او تعويض ، كما انه له الخيار في منح الطرف التاني فترة تجربة اخرى في مهنة أخرى يحددها الطرف الأول.

كنا متفقين انا والمدير على ان في بونص كل 3 شهور وقالي هيتكتب في العقد وفتحت العقد ملاقتش البونص ده

في حالة فسخ العقد من طرفي هدفع لهم 3 شهور راتب + حق التذاكر + الاقامة + التاشيرة + الــــــــخ

تامين طبي وفقا للوائح الطرف الاول اللي انا لسه معرفهاش

حاسس انهم واخدين حقهم بزيادة اووووي وانا مليش حق

المفروض هكلم المدير كمان شوية وغالبا مش هتفق معاه والشغلانة كده باي باي، بس عاوز اعرف رايكم برده في الكلام دا

مع العلم الراتب 3000 وبدل سكن ومواصلات 1480 في الرياض

افيدوني افادكم الله