الموضوع: ايه وجه التشابه بين الفاميه والتثبيت على الطريق؟

السلام عليكم ورحمه الله وبركاته

انا عامل الازازر الجانبي الخلفي فاميه لايت خفيف خالص عشان الشمس كنت في مصر الجديده وقفني امين شرطه شاف الرخص وقالي على الفاميه قلت له ياباشا ده خفيف خالص يعني مش مخبي حاجه يعني فطلع محترم واداني الرخص ومشيت وانا راجع في نفس اليوم الزقازيق الكمين اللي بعد موقف المنصوره وانت رايح القنايات الظباط وقفني وبعدين قالي عدي مبصش على الرخص مشيت خطوتين وقفني امين تاني وقالي الرخص قلت له الظابط مشاني قالي هتلاقيه مخدش باله من الفاميه المهم شاف الرخص وقالي الفاميه وماينفعش قلت له ياعم الحج ده خفيف اوي وبعدين هو اصلا كان متشال جزء من روحت شايله حته كمان اداني الرخص وبعدين لسه جاي امشي وبهز راسي كده لقيت الظابط وقفني تاني وبيقولي ايه ياباشا في ايه قلت له مفيش حاجه في ايه قالي يعني اصل انت مش عجبك انه شاف الرخص قلت له لا عادي ماهو شافها ايه المشكله يعني وبعدين الفاميه اصلا خفيف اوي وانت ياباشا لسه معدي لانسر بومه مفيميه سوبر سوبر دارك وجاي توقفني انا !! قالي كل عربيه ولها ظروفها وخليك في عربيتك بصيت له ومرديتش عليه فقالي طيب معلش ياباشا هات الرخص واركن لي على جمب وشيلي الفاميه قلت له ماشي ركنت وشيت ازا البابين وسيبت اللي وره والهوايات جه الاباشا بيقولي عارف يا استاذ شريف انا خليتك تشيله ليه قلت له عادي حقك هو مخالف اصلا انا عارف بس المفروض يبقى على الكل قالي لا مش كده انا قلت لك شيله عشان انت بتكلم الامين بطريقه مش حلوه على اساس انه المفروض ابوس ايد الست الوالده بتاعت الامين مثلا ولا ايه مش عارف قلت له ازاي يعني هو اشتكالك خودوا بقه الرد المعجزه بيقولي احنا بيطلع تيييييييييييت اهالينا عشانكم وانتم تفيموا الازاز وتيجي على طريق بليل يطلع شويه عيال خ*** يثبتوكم وتيجوا تقولوا بعد كده مابنشتغلش هههههههههههههههههه نفسي افهم بقه ايه وجه التشابه بين الفاميه والتثبت وانه بيطلع تيييييييييت اهاليهم عشانا زي ماهو بيقول وبين الفاميه بتاعي اللي مش باين اصلا
بصبت له وضحكت ومردتش اكمل كلام وخدت الرخص ومشيت
ملحوظه بس عشان محدش يدخل يديني مواعظ واني مخالف انا عارف ان الفاميه مخالف وانا مش مضايق خالص انه قالي شيله لكن اللي يضايق انه يعدي العربيه اللي قدامي على طول وهو مفيم سوبر سوبر دارك
يبقى القانون لا يطبق على الكل لا يطنش للكل