الموضوع: ايه وجه التشابه بين الفاميه والتثبيت على الطريق؟

المشاركة الأصلية كتبت بواسطة shiko85

على فكره قصده العربيات اللى متفيمه بيكون فيها العصابات اللى بتثبت الناس
هتقولى العربيه اللى قبلك كانت متفيمه وعدت هقولك هو يتحمل الذنب هو اللى هيتحاسب على التقصير فشغله مش حد تانى

تصدق ياباشا انت فعلا عندك حق هو ممكن يكون قصده كده بس هو مش عارف يعبر انا بتكلم بجد والله مش بتريق عموما انا مش زعلان على الفاميه ولا انه قالي شيله لان انا مخالف واستاهل والحق يتقال هو كان محترم جدا في الكلام لكن اللي يضايق انه يعدي عربيه تانيه مفيمه ومايقدرش يفتح يؤقه وللعلم اللي كان سايق العربيه اللانسر دي انا احتكيت به قبل الكمين على طول هو كان ماشي يمين وانا بعدي من الشمال وفجأه كسر عليه كسره غباوه ودوست فرامل على الاخر وحدفت وربنا ستر ملبستش في الرصيف وقرصت وجبته لقيته عيل توتو بيتكلم في الموبايل زنقت عليه شويه وقلت له ايه يا معلم في حاجه ولا ايه قعد يتأسف لي وقالي معلش والله كانت بلاعه عاليه ومخدتش بالي منها غير في اخر لحظه قلت له يعني عشان البلاعه تركبني الرصيف المهم قعد يعتذر وقالي اتفضل ياباشا وعداني قبله وبعد كده في زحمه الكمين عداني والظابط وقفه معرفش الاخ قاله ايه وسابه يعدي المهم يعني من طريقته واعتذاره الكتير لا اعتقد انه ظابط شرطه والله اعلم