صوت تصفير من العجله اليمنى

**Tito79** · 15-05-2014 11:49 PM

تحياتى لكل الأعضاء المحترمين
فيه عندى صوت صفاره من العجله الاماميه بعد ما بسيب فرامل على طول, لما بدوس فرامل ولما بمشى شويه بتروح, انا بقترح ان المشكله دى من التيل و سببها ان البستم مش بيرد تانى فى مكانه الا لما بمشى شويه, و مش عارف بقى ازاى بيتنظف البستم, سؤالى : هل انا اقدر أقوم بالمهمه دى؟ لو هقدر ان شاء الله يبقى ازاى وايه هو المطلوب للمهمه دى؟
و بكرر تحياتى لأجمل ناس وامنياتى ليكم بالخير

**حسن محمود احمد** · 16-05-2014 01:09 AM

اكيد التيل وعلي ما اتذكر عم صبحي عامل موضوع بخصوص هذا الموضوع

**المنسي** · 16-05-2014 04:09 PM

هل انت لسه مغير تيل قريب ولو مش مغير تيل قريب هل الجنط بيبقي سخن جامد بعد اي مشوار محتمل يكون التيل لو مش جديد وجايب اخره يعمل الصوت ده مع دوسة الفرامل ولو تيل جديد ممكن تكون النوعية بتاعته وحشة وبيصفر

هترفع العربية وتخليها علي المور وحاول تلف العجلة بايدك شوفها هتلف معاك ولا تقيلة لو لفت بسهولة يبقي كده محتمل البستم مش بيرد تاني كويس بعد دوسة الفرامل لو العجلة تقيلة وانت بتلفها يبقي كده التيل. قافش علي الطمبورة ومحت. يتفك ويتبص عليه