الموضوع: فليشياوى جديد وعندى بعض المشاكل فى الحراره

المشاركة الأصلية كتبت بواسطة abuabla

السلام عليكم
عليكم السلام

اولا انا عندى سكودا فليشيا جبتها من حوالى شهرين
وبصراحه العربيه دى زى الفل

مبروك عليك العربية وربنا يديك خيرها ويكفيك شرها

بس من حوالى اسبوعين الحراره بدات تلخبط
وكل دا بسبب ان المروحه مبتشتغلش فى معادها

سبب عدم انتظام عمل المروحة سببه ترموستات مضروب او صدا فالمية خلت الترموستات مش شغال مظبوط

اعتقد ان فى مشكلتين عندى
اولا الترموستات مش شغاله مظبوط علطول شويه تمام وشويه تهيس
او ان دورة التبريد بيبقى فيها هوا مبيخليش الترموستات تشتغل كويس خصوصا ان انا غيرت التروستات والمشكله ماتحلتش

هات ترموستات ايطالى 90/80 او 90/85 من عند بتوع قطع غيار الفيات وهتلاقى محفور عليها بلد الصنع

وبعد مانضفت غطاء القربه المشكله قلت بس لسه موجوده
ان العربيه تبقى تمام والحراره دايما تحت مؤشر التسعين ومره احده تعلى من غير سبب والمروحه متكونش شغااله

حضرتك راجع على الاسلاك اللى واصلة للمروحة جايز يكون سلك بيلمس ويفصل

المهمانا عندى استفسارين
اولا لو حطيت ميه حمرا هل مشكلة الهوا تتحل وياريت تقولولى اغيرها ازاى واجيب اى نوع
ثانيا انا لقيت النهاره كام نقطة زيت فى القربه هل دا عادى ولا فى مشكله
اسف على الاطاله

انا حاولت اجاوبك على نقطة نقطة وهنا هقولك باختصار هتعمل ايه
1- ترموستات ايطالى 90/80 او 90/85
2- راجع على الاسلاك الموصلة لمروحة الردياتير
3- راجع على غطا الزيت شوفه هل مطحن ولا لا لو ملقيتهوش مطحن ارفع المقياس وشوف لون الزيت اخباره ايه
4- لو لاقدر الله لقيت تطحين بس على خفيف والعربية بتدور معاك يبقى تروح لاى بنزينة موبيل وتشترى بلوك سيل وتعالج بيه التسريب
5- موضوع المية الحمرا اخر حاجة تفكر فيها بعد ماتطمن على كل النقط اللى فاتت
بالتوفيق وفى انتظار لاى استفسار