شكوي عامه بقيت بسمعها اليومين دول من الشباب بخصوص الزواج و مصايبه السوده

**Bassem Youssef** · 16-05-2014 01:02 AM

شكوي عامه خطيره بقيت بسمعها كتير اليومين دول

ان تعامل الزوجات زي الزفت و مفيش طاعه و لا سماع كلام

و العيال مصاريفهم خاربه الدنيا و في منتهي قله الادب و السفاله

الشكوي بسمعها من شباب من طبقات مختلفه و الكلام تقريبا واحد

هو في ايه ؟

**samyyousef** · 16-05-2014 01:21 AM

من ايام اسماعيل يس و افلامه الجميلة يقال مثل هذا الكلام على الزواج ..و غالبا ما يقوله المتزوجون و يقال على سبيل الفكاهه
لكن في واقع الامر ..الزواج نعمة يتمناها الكثير و لا يستطيع الحصول عليها
كما أن الاولاد نعمة ايضا يتمناها من حرم منها
و لكن لا ينكر احد ايضا زيادة معدلات الطلاق و تفاقم المشاكل الزوجية..لاسباب لا حصر
في النهاية لا يمكن تعميم الظاهرة او انكار فائدة و اهمية و حكمة الزواج
تحياتي

**طارق _عبد السلام** · 16-05-2014 01:30 AM

بالعكس الجواز نعمه لو زوجه بتخاف الله فى زوجها وموضوع عدم سماع الكلام فاذا اردت ان تطاع فأمر بما يستطاع

وموضوع العيال ده بيرجع للتربيه يعنى الاب طبعا له الدور الاكبر وموضوع المصاريف طبعا اكيد يعنى احنا بنخلف ليه مش علشان نربى ونعلم ونلبس
اغلب من يشتكوا كلام عام والكل بيردد نفس الكلام يقولك الجواز والعيال طيب خليها هى والعيال يبعدوا عنه شويه هيتجنن عليهم طبعا

**FAR!D** · 16-05-2014 03:07 AM

الحمد لله على نعمه الزواج
والله العظيم نعمه
اما موضوع بنات اليومين دول و الكلام ده فاحنا طول عمرنا عارفين ان البنات نوعين واحده للمشي والتانيه للجواز و كل واحده متنفعش تبقى التانيه و معروف ان ديه ليها مواصفاتها و التانيه ليها مواصفاتها
و الرسول الكريم اولا قال ازاي تختار زوجتك و عادتنا بتعرفك برضوا ازاي تختارها
و من فات قديمه تااااه

**canner** · 18-05-2014 11:09 AM

فى الاول و الاخر هو قسمه و نصيب و اللى ربنا كاتبهولك تشوفه ح تشوفه

**achillie** · 18-05-2014 12:13 PM

اهم حاجه الاختيار في الاول ، لازم تتأكد فعلا ان اللي هتتجوزها اصيله لان للاسف غالبيه البنات بدون مبالغه حتي كثير من المتدينات عندهم اقتناع ان الرجل هو الحمار اللي بيجيب فلوس ، لكن الست الأصيلة و الله ماتتعوضش ، انا متزوج الحمد لله و سعيد جداً اهم ه نصيحه هديهالك و هتدعيلي : خلي والدتك هي اللي تختار لك العروسه :) ليهم نظره في الست متخبيش . لكن الزوجه الصالحه و الأولاد نعمه من الله ربنا ديمها

**mcomics** · 22-05-2014 08:25 PM

اهم حاجة في الجواز على فكرة هي توافق الطباع، لان لو كان في اختلاف كبير بين طباع المتجوزين، المشاكل تبدا، وبعديها خناقات مالهاش اول من اخر، واغلب الاحيان طلاق كمان..