عداد حرارة الفليشيا مجننى

**يوسف احمد** · 16-05-2014 01:50 AM

عداد حرارة الفليشيا مجننى
اصحابى عشاق الفليشيا
عداد الحراره فى الفليشيا ثابت عند درجة 65 تقريبا

مع العلم أننى غيرت صباع الحراره مرتين ويشتغل شويه ويرجع تانى يثبت عند نفس درجة الحراره
وتشتغل المروحه وتبطل وهو ثابت
يعنى بيغيب فى بداية النهار علشان يبدا يتحرك ويبين الحراره
ذهبت واشتريت ترمومتر معامل طبيه يقرأ حراره حتى 110 درجه مئويه وفتحت القربه وقمت بقياس حرارة الماء وده بعد ما اشتريت ساعة مروحه تشتغل عند 82 درجه مئويه ولقيت حرارة الماء تقريبا 85 درجه مئويه لما بتشتغل المروحه وبرده العداد ثابت عند نفس القراءه
وبكده شكيت فى العداد نفسه وفكيته ونظفته وبرضو ما اشتغلش
هل فى حل؟
يعنى ممكن يتصلح؟
او حتى عداد الحراره ده بيتباع لوحده؟ ولا لازم نشترى تابلوه العدادات كله؟
ياريت حد يفيدنى

**zxcv38** · 16-05-2014 04:09 AM

والله ممكن يتبع لوحده قبل كده كنت هاشتري عداد السرعة لوحده 100جنيه سعر اللوحة كاملة 250 أهم حاجة اتأكد من سبع الحرارة

**حسن محمود احمد** · 16-05-2014 10:04 AM

من اجل قطع الشك باليقين لازم ولابد تجربة عداد اخر شوف اي احد معرفة من تجار الاستيراد وخد من عنده لوحة عدادات وانت راكن جنبه جهز لعملية التبديل ازاي بقي فك لوحة العدادات والاخ منسي عامل موضوع لتغيير اللمبات المحروقة وكيفية فك اللوحة
ثانيا دور العربية الي ان تصل لدرجة حرارة يمكن قراتها والاضمن تكون متفق مع التاجر وتمشي بالعربية مشوار حلو وأقف ولا تبطل السيارة
ثالثا شيل الفيشة من ساعة الحرارة بتاعتك وادخلها في ساعة حرارة عداد التجربة وشاهد الفرق لو متطابق يبقي المشكلة عند في حساس الحرارة انما لو فيه اختلاف يبقي العداد مهيس وبالتوفيق ان شاء الله

**EngAhmedSayed** · 16-05-2014 02:45 PM

بخصوص قراءة عداد الحرارة
عندك حاجتين يا صباع الحرارة الموجود فى كوعة المياة
يا عداد الحرارة فى مشكلة
انتا سيادتك بتقول صباع تم تغيره
طيب و العداد عاوزك تفك السلكة الموجودة على صباع الحرارة و تلمس السلكة دى فى جسم معدنى فى العربية جنبك و خلى حد يبص على مؤشر الحرارة شوفه هيرفع للاخر خالص و له هيثبت عند نقطة معينة لو هيرفع للاخر يبقى تمام لو هيركن عند نقطة معينة يبقى عاوز يتغير اما لو مداش حاجة وله رفع و له ركن يبقى كدة سيادتك هتراجع على و صلات لوحة العدادت
بالتوفيق ان شاء الله

**adiaa222** · 17-05-2014 07:41 AM

المشاركة الأصلية كتبت بواسطة يوسف احمد

اشكركم لى الرد
أما بالنسبه لتجربة الوصله بين العداد وحساس الحراره فجربتها
وصلت طرف العداد بأرضى خارجى ولقيت المؤشر بيرفع للأخر
لكن انا اشتريت حساس حراره واشتغل باضبط 10 ايام ورجع العداد يثبت القراءه عند 70
وذهبت واشتريت حساس تانى اشتغل مظبوط 4 ايام ورجع العداد يثبت الحراره عند 70
وفى بعض ااوقات كنت أخبط على العداد وانا اسير بالسياره فكان مؤشر الحراره يرفع للقراءه الصح
وبعد ما تشتغل المروحه يرجع يثبت عند 70
بس ومش عارف امل ايه تانى

ان كنت انتا اشتريت مؤشرين حرارة فانا اشتريت اربع مؤشرات حرارة كل واحد يشتغل اسبوعين ويرجع يبوظ روح الحرفيين او عزبة شلبى واشترى واحد استيراد بس جربة الاول والعربية ساخنة انا كنت شارية 70 جنية وشغال لغاية دلوقتى 6 اشهر

**tito32** · 17-05-2014 08:45 AM

اشترى واحد اصلى

**awaad8760** · 18-05-2014 04:20 AM

انا شغال بالخبط على التابلوه فوق العداد بقالى يجى 6-7 سنين
وساعات الهبوط دا يجى ويقعد بالشهور وساعات يروح ويبقى العداد زى الفل

المهم ان سبب المشكله غير معروف بس العلاج معروف

طرررراخ عالتابلوه فوق عداد الحرارة ,,فيفوق ويقيس بذمه ويعرف ان الله حق

**zxcv38** · 04-06-2014 01:30 AM

لو سمحت الترمومتر اشتريته بكام ومنين

**aw2100** · 05-06-2014 11:54 PM

المشاركة الأصلية كتبت بواسطة zxcv38

لو سمحت الترمومتر اشتريته بكام ومنين

من اى حد بيبيع ادوات المعامل الطبيه موجود ومش غالى حوالى 15 جنية لو ترمومتر 200 درجة مئوية !!

الموضوع: عداد حرارة الفليشيا مجننى

LinkBack

أدوات الموضوع

عرض

-

-

-

-

المواضيع المتشابهه

مشكلة في عداد حرارة ميجان2

عداد حرارة الجو فى الأوبل

مؤشر حرارة الفليشيا إتحرك الى اخر مدى له

لو سمحتم عايز اعرف حرارة الفليشيا كام مع تشغيل التكيف فى الصيف

مشكلة عداد حرارة فيرنا

الكلمات الدلالية لهذا الموضوع

المفضلات

المفضلات

ضوابط المشاركة