الموضوع: استاذ فادي واهل الخبره .. استفسار لمشكله عايزكم تساعدوني

المشاركة الأصلية كتبت بواسطة فادى محمد

-لو الدخنه السودا مستمره يبقي اكيد البوجيهات مهببه وطبعا مش هتقدر تحرق كميه البنزين اللي بيتم ضخها في السرعات البطيئه.. في السرعات الاعلي بيحصل حاجه اسمها تنظيف ذاتي للبوجيهات فمش بتحس بالمشكله الي حد ما. لازم تحل موضوع الدخنه دي..
-السيور تعمل صوت صريخ او خشونه , عاوز تتاكد بخاخه ميه ورش عليهم علي خفيف ودور الموتور , المفروض الصوت يتغير ويروح
- في احتمال يكون الصوت من قاعده بليه الدينامو , تعمل كركره اقرب الي الدق
-في احتمال يكون الصوت من الفتيس مش الموتور.. دوس دبرياج وراقب الصوت لو راح يبقي من الفتيس
شوف كده واحنا معاك ان شاء الله بس ماتغيرش حاجه الا لما نتاكد علشان ماتدفعش كتير

انا متاسف على التاخير والله .. للاسف عندي ظروف عائليه ..
بس انا كنت عايز اوضحلك ان الصوت الى بيحصل دا والعربيه ماشيه مش وهي واقفه .. بسمعه وانا على التالت واخر التاني .. وبالنسبه للدخنه السوده انا غيرت الباوبه اصلا خلاص وماعنديش مشكله دخنه ..
افي واحد زميلى ركب معايا قالى ممكن يكون صوت كبالن .. مع العلم ان انا عندي تكه فى النقله لما باجي انقل غيار .. وكشفت عليها قالى دا كوبلن داخلى يتغير وان انا الافضل اجيب واحد استراد كامل ..
بس هل ممك يعمل صوت كركه وانا ماشى عادي كده يجي مع كبس دواسه البنزين ويروح بعدها لما مااكنش كابس .. ؟