الموضوع: بعد معاناة..كروز أم سيراتو 2014

المشاركة الأصلية كتبت بواسطة ashouhdy

الحمد لله مفيش مشكلة في الفتيس خالص ... انا كلامى عالموتور بسبب ان ال ecotec متقاس قوتة وهو راكب عكس كوريا بتقيس قوة الموتور برة العربية يعنى حتلاقية وهو راكب نزلة برضوا 15 حصان حيبقي في حدود ال115

بنزين 92 شغال هى اول ماتدور في رعشة بسييطة وبتختفي فى ثوانى انا اول مرة اعرف موضوع البنزين دة ومعرفش على المدى البعيد مؤثر ولا لأ .. خامات السيراتو اعلي بس متنساش دة فرق 30الف جنية وزمان كان في فالكروز فئة ب170 ب 6ايرباج والعربية كلها جلد وفتحة سقف ... مش عارف لية مبقتش تنزل

عايزك تبص بصة عالمازدا3 الجديدة2015 وهمية بجد ... اديها بصة





لحد دلوقتى معاك ... ومتنسوش ان المازدا3 الجديدة نزلت بس بأسعار خرافية !

طيب بالنسبه للمازدا في حد عنده فكره عنها من حيث (الثبات, عوامل الامان, الصالون)

المشاركة الأصلية كتبت بواسطة احمد فهمى

ببساطه يعنى الميه داخل دورة التبريد محكمه فى دايره مغلقه ودرجة الحراره فى المحركات دى بتوصل فوق الغليات للميه بالتالى لو خرطوم اتقطع او غطا قربة ريداتير باظ بتخرج الميه كلها فى اقل من دقيقه وتجيب جوان وش سلندر عكس الدوره المفتوحه يعنى افتح كبوت تيوتا او ميتسوبيشى مثلاً او كيا او هيونداى هتلاقى قربة الريداتير فيها خرطوم نفس كده فى الهوا يعنى حتي لو فكيت الغطا ومشيت مش هيحصل حاجه ولو حتى فكيت القربه كلها ودى عمرها اطول ومواتيرها بدرجة حراره اقل واكثر توافق مع اجواء مصر الحاره والدول الحاره

هي المشكله دي وارد انها تحصل ولا صعب خصوصا ان صانعي السياره اكيد عارفين الموضوع ده

المشاركة الأصلية كتبت بواسطة dr.a.osman

بعد مشاهدة الكروز ال2014 اليوم ، السيراتو ( بقارن الهاي لاين) نكسب و بفرق ملحوظ فيمل يتعلق بجوده الخامات و التقفيل و الأوبشنز و الشكل داخليا و خارجيا و قوة الموتور و كفاءة التوكيل. بالنسبة للثبات، أنا مجربتش الكروز 2014 بس سوقت ال 2013 و أعتقد أن العفشة واحدة فى الاتنين بنفس ال tuning ( معتقدش ان نظام التعليق الخلفى فى الكروز الجديدة مالتى لينك زى الأسترا أعتقد أنه تورشن بيم و لا أيه؟) و أقدر أقول ان الثبات لصالح السيراتو. ال esp مش بيساهم فى ثبات العربية الا فى حاله الطوارئ فقط و ده لا يقلل من أهمية وجوده فى السيارة لكن مش هو اللي بيفرق فى الثبات فى الظروف العادية. عموما الكروز تتفوق فى السعر و وجود ال esp فقط. و برضه نرجع و نقول، جرب العربيتين و شوف اللي مرتاحلها اكتر و هو ده الفيصل. شكرا

معلوماتى انه الاسترا مش مالتى لينك . حاجه كده اسمها واتس لينك . تورشن بيم متعدل او حاجه بين الاتنين . مش عارف قوى ايه هيه

المشاركة الأصلية كتبت بواسطة Dr.a.osman

بعد مشاهدة الكروز ال2014 اليوم ، السيراتو ( بقارن الهاي لاين) نكسب و بفرق ملحوظ فيمل يتعلق بجوده الخامات و التقفيل و الأوبشنز و الشكل داخليا و خارجيا و قوة الموتور و كفاءة التوكيل. بالنسبة للثبات، أنا مجربتش الكروز 2014 بس سوقت ال 2013 و أعتقد أن العفشة واحدة فى الاتنين بنفس ال tuning ( معتقدش ان نظام التعليق الخلفى فى الكروز الجديدة مالتى لينك زى الأسترا أعتقد أنه تورشن بيم و لا أيه؟) و أقدر أقول ان الثبات لصالح السيراتو. ال esp مش بيساهم فى ثبات العربية الا فى حاله الطوارئ فقط و ده لا يقلل من أهمية وجوده فى السيارة لكن مش هو اللي بيفرق فى الثبات فى الظروف العادية. عموما الكروز تتفوق فى السعر و وجود ال esp فقط. و برضه نرجع و نقول، جرب العربيتين و شوف اللي مرتاحلها اكتر و هو ده الفيصل. شكرا

برضه ببساطه ايه حزمة الامان اللى انا محتاجها و اللى تناسب ظروف السرعات القصوى على طرقات بلدى و تجهيزاتها علشان ادفع فيها استثمار ؟ شركات و سائل الامان اولا و اخيرا هيه شركات استثماريه و تسعى للربحيه . يعنى مش ملايكه . و انا برضه راجل بادفع فلوس و فى اى حاجه فى الدنيا مهما كانت اهميتها لازم اسأل انا هادفع كام و ليه ؟ يعنى مش تحت مسمى الاامان ادفع اى حاجه و خلاص . لانه اولا و اخيرا سلعه برضه عالميه .
لعدم المزايده ال esp مفيد و الايرباجز مفيده و ال abs مفيده .
السؤال تانى ايه هو حجم الاستثمار اللى انا بادفعه فى حزمة و سائل الامان و ليه ؟ ما فيش حاجه اسمها ادفع اى فلوس فى اى حزمة امان لاقصى حد .
اقصى سرعه على اغلب طرقنا 100 كم ساعه . و المحور اللى اغلبنا بنستعمله 90 كم ساعه . و دى سرعات العربيات فيها completly under control .
ما علبش يعنى و كله طبعا بمشئة الله هل دى سرعات موت ؟ طبقا حتى للمقاييس العالميه ؟
بجانب و سايل الامان فى العربيه لازم الطريق برضه يكون مجهز بوسائل امان مطابقه لسرعته علشان اخد فاعليه من وسائل امان العربيه و اﻻ مش هايكون لها لزمه .
يعنى اسمع ناس يقولك انا اشترى عربيه فيه 6 ايرباجز . طيب ليه ؟ يقولك علشان الامان . طيب امان سرعة كام المناسب للحزمه دى . سرعة 180 فى طريق اقصى سرعه له 100 و تجخيزه لكده بس ؟ و ﻻ هاتعمل لك حاجه الايرباجز دى و ابسط مثال اللى حصل مع الاميره ديانا من كام سنه و برغم انها راكبه عربيه مرسيدس مجهزه بكل و سائل الامان وقتها . بس النفق مش مجهز للسرعه اللى كانوا عليها و بالتالى و سائل الامان ما عملتش حاجه .
ﻻزم esp طيب ليه ؟ مفيد طبعا بس ليه ؟ علشان هامشى على سرعة 90 او 100 و ممكن العربيه تعوم منى فى اى موقف . عربية ايه اللى هاتعوم على 90 و لا 100 ؟ ؟؟
انا حصل ليه موقفين مره بعربيتى الاوبترا و كنت سايق على 100 و كنت عايز ادخل بنزينه نسيت مكانها و كسرت مره واحده يمين و لقيت عربيه جمبى رديت شمال تانى و ﻻ عامت و ﻻ حاجه .و مره كنت سايق ريجاته و دخلت ملف على كوبرى بسرعه شويه و كان فيه سولار على الاسفلت و فقدت السيطره للحظات و العربيه جمعت نفسها تانى بدون مشكله
هاتقولة اصل بره لاقوها بتعمل كذا و كذا . طيب ظروف طريقى زى بره ؟ سرعاتى مسموح بها زى بره ؟ وسائل امان الطريق نفسه تسمح بسرعات 180 زى بره .
برضه هادفع كام و ليه فى وسيلة الامان ؟ و اى حزمه تناسبنى و تناسب سرعات طريقى ؟
هادفع فلوس فى وسائل امان عاليه جدا علشان هامشى على سرعة 180 فى طريق سرعته القصوى 100 ؟؟؟؟ مش هايكون لها تأثير و الاعمار بيد الله طبعا