زيت ولف اخر مرة

**أبومازن333** · 25-05-2014 07:13 PM

المشاركة الأصلية كتبت بواسطة borio1704

لو الزيت مش معتمد من جنرال موتورز... مش هينفع معاك...

حتى لو كانت مواصفاته مطابقة من ناحية ال api و الacea

...

وإحنا نعرف إزاي إن الزيت ده معتمداه الشركة ؟؟

**borio1704** · 25-05-2014 07:21 PM

المشاركة الأصلية كتبت بواسطة أبومازن333

وإحنا نعرف إزاي إن الزيت ده معتمداه الشركة ؟؟

احتمال تلاقي اسم مواصفة الشركة مكتوب على العبوة...

والأكيد إنك تلاقي المواصفات المعتمدة من الشركات مكتوبة في صفحة الزيت على الإنترنت... ولازم تتأكد إنها متوافقة مع المكتوب في الكتالوج.. ﻹن كل شركة ليها كذا مواصفة.

ولو ما لقيتهاش لا هنا ولا هنا... ما تشتريهوش

...

**Karim_Monir** · 26-05-2014 11:26 AM

مهندس برعي كلامك مظبوط جدا
في ناس فعلا مبتختارش الزيت المناسب لعربياتها
لان سبيكة الموتور لازم زيت معين حسب توصيات صانع السيارة هو ادري واحد بيها
متحاولش تفتي
متحاولش تجتهد
خد المواصفة لو العبوة تنطبق عليها نفذ فورا ولو مانطبقتش عليها لو زيت ببلاش متاخدوش
ده اللي بقالي سنين بقول فيه وتعبت

**Astra Lovers** · 26-05-2014 01:24 PM

طب مانا جربتزيوت اوروبي او اللي بيتقال عليها اوروبي فمصر مالكتالوج وطلعت زبالة الزباله وعشان كده حزت كتير مالمنتجات مجهولة الهويه او اللي ملهاس وكيل او اللي وكيلها نصاب

**Karim_Monir** · 26-05-2014 01:38 PM

المشاركة الأصلية كتبت بواسطة astra lovers

طب مانا جربتزيوت اوروبي او اللي بيتقال عليها اوروبي فمصر مالكتالوج وطلعت زبالة الزباله وعشان كده حزت كتير مالمنتجات مجهولة الهويه او اللي ملهاس وكيل او اللي وكيلها نصاب

لا انت جربت زيت غلط وغير مطابق لمواصفات عربيتك وترجع تقول وكيل نصاب وبتحذر
هو مش ذنبه انك مقريتش الكاتالوج
انك اشتريت بعد ما سئلت علي صفحتهم
هو عندة كذا منتج هايديلك الاقرب
لكن انت اللي راكب عربية لازم تعرف احتياجاتها
هي لو عربيتك لازم 92 اوكتين وسئلت عامل بنزين ينفع 80 وقالك ماشي وحطيت وكسر البستم
هاترجع تقول موبيل ولا شيل اصحاب البنزينة ضحكو عليا ونصابين
اعرف متطلبات عربيتك كويس قوي
نفس الكلام ينطبق علي قطع الغيار بالظبط

**Astra Lovers** · 26-05-2014 01:56 PM

وانت جايب التاكد دا منين انت تعرفني اصلا عشان تقول انت حطيت زيت غلط ولا صح يا اخي انا ادري بعربيتي وعارف ايه الصح مالغلط هوه في حد اصلا يدخل زيوت مصر بقالها اكتر من سنتين ومجهولج المصدر وبعدين معلش اسمحلي هما المستوردين جايبين الزيت دا من اوروبا علي حسب كلامك بالسعر داازاي يا راجل دا اسعار شلل وموبل اللي بيتعبي محلي اغلي منهم مش غريبه شويه خللي بالك فموضوع الزيوت دا بالذات انا بحسبلوا الف حساب من ناس دي شغلتها مش مالنت