الموضوع: فلوانس موديل 2012 عامله 335 ألف كم على العداد!!!

المشاركة الأصلية كتبت بواسطة Hany Saad

كلام حضرتك طبعاً سليم و نيسان زادت من إعتمادية رينو فى فئة السيارات الصغيرة و هذا مفهوش نقاش و لكن لاحظ أن الصورة دى للفلوانس القديم اللى كانت بموتور فرنساوى و جيربوكس فرنساوى......نيسان ظهرت فى الفلوانس فيس ليفت فقط و ليس لها أى علاقة بالشكل القديم!!!

تحياتى

من فضلك الشكل القديم اللى حضرتك تقصده هو اللى فى الصوره ؟ ولا ده الجديد
http://en.m.wikipedia.org/wiki/Renault_Fluence

المشاركة الأصلية كتبت بواسطة hany saad

هو ده بالظبط الشكل القديم....
العربية مبنية على شاسيه السامسونج sm3
الموتور كوده k4m نفس موتور الميجان ii من سنة 2004
الفتيس كوده dp2 نفس فتيس الميجان ii من 2004 اللى كان كوده (dp0) مع إدخال بعض التعديلات فى السوفت وير و أختيار قطع أكثر إعتمادية.....
بلد المنشأ لموديلات مصر: بورصا-تركيا

تحياتى

ما هو برضه السعر فرق فى الفيس ليفت عن الموديل القديم بتاع 40000 جنيه فى كل فئه . هو شاسيه الفيس ليفت ايه دلوقتى يا عم هانى ؟

المشاركة الأصلية كتبت بواسطة hany saad

نفس الشاسيه يا ياسر باشا بتاع السامسونج sm3
العربية كشاسيه و عفشة لم يطرأ عليها أى تعديلات عن الشكل القديم
اللى أتغير الموتور الجديد و الفتيس ال cvt و التكييف و الكاسيت ال3d من arkamys اللى بقى صوته أحلى بس أتشال ال ok و ال voice commands

تحياتى

بص ياريس مش مهم الفويس كومند . طول عمر الموضوع ده فاشل حتى فى الموبايلات . اللى عايزنك تحاول فيه بجد موضوع الاوكيه ده بما انك كبير الرينو . و انا اعتقادى كبير 90% انه سوفت وير مش اكتر لانه فعلا بينضغط لجوه يعنى الهارد وير فعليا موجود و مجهز

غير كده الطرق الطوالى و السفر بيكون اريح للموتور من الزحمة و السواقة وسط البلد

انا عندى بيجو ٢٠٠٧ ٤٠٧
و عامله ٢٨٠ الف هى دى مش اعتماديه بردك