السلام عليكم ورحمة الله
محتاج آخد رأي حضراتكم
أنا معايا فيات 128 والحمد لله بعتها على خير وبدور على عربية كويسة ومن فترة بدور على النت واقارن
وأشوف مواصفات وأسعار لكن مقدرتش ابعد عن التويوتا خياري الأول وفشلت كل المحاولات في التفكير في غيرها ..
الميزانية أقصاها خمسين ألف وممكن تزيد الف ولا اتنين بالكتير قوي ,ومتطلباتي في العربية عفشة جامدة تستحمل المطبات والطرق الجميلة بتاعتنا وفي نفس الوقت تكون ناعمة , وطبعاً تكييف ممتاز ,لأن أغلب مشاويري في الزحمة وداخل البلد وسفرياتي قليلة يعني كل شهر سفرية أو اتنين ..وصالونها واسع علشان معايا عائلة .
اللي أعرفه أن الموديل المتوافق مع ميزانيتي في التسعينيات يعني من 92 حتى 98
الاستشارة هنا أي موديل في الفترة دي أفضل يوناسب متطلباتي وميزانيتي ؟ لأني بسمع إن المسطرة أفضلهم والعيون بيعها تقيل شوية .. كمان رأيكم في الاتوماتيك من هذه الموديلات ؟ هل هو أفضل أم المانيوال ؟ وشكراً ليكم