الموضوع: استشارة من وحوش التويوتا

المشاركة الأصلية كتبت بواسطة j a g u a r

الكورولا الموديلات القديمه دى سعرها مبالغ فيه الصراحه زياده عن اللازم بطريقه غير عاديه

أيوه فعلا و الله. أنا عن نفسى أشترى سيفيك جيل خامس أو سادس على طول من غير كلام.
بس عشان تفهم هى غالية ليه, لازم يبقى معاك واحدة. راحة, واسعة, عفشة خطيرة, و أهم حاجة قطع غيار مرمية فى كل حتة.
بس أى كورولا من اللى عندنا دول ما تتساقش لو جيت للحق d:

المشاركة الأصلية كتبت بواسطة mohamed.hany

كورولا موديل الملكة افضل اختيار في السعر ده و ياسلام لو ١٦٠٠ و اوتو

شكرا على رأيك القيم لكن سعرها في رنج كام ؟

المشاركة الأصلية كتبت بواسطة kokowasfy

موديل الملكة افضل اختيار

شكراً ليك لكن أسباب الاختيار ايه لو سمحت ؟

المشاركة الأصلية كتبت بواسطة ahmed_elshafey

أنا رأيي 99 (عيون) 1300 مانيوال.
تكييف ممتاز و ما بيأثرش على الأداء أبدا و مش محتاج 1600 و الصراحة 1300 فيها أحسن عشان أداء عالى برضه و ماهيش زى اللانسر مثلا التكييف بيأثر فتبقى 1300 عشان الاستهلاك. عفشة حميلة جدا. صالون واسع. قطع غيار فى كل حتة فعلا. كل عفشة الموتور موجودة و كل حاجة هتبوظ هتلاقيلها بديل سواء أصلى سواء استيراد نظيف.
لأ و شفت واحدة فى سوق السيارات الأسبوع اللى فات مطلوب فيها 43 ألف بس كانت راشة كله و فبريكة جوه مع أن السقف واضح ماكنش فيه حاجة. احنا اللى معانا اتعرض علينا فيها 51 فبريكة بره و جوه كل حاجة و مافيهاش حاجة مش مصنع ماعدا الكاربراتير استيراد (بس برضه أصلى d:) فتقدر تجيبلك واحدة فيها اكصدام و رفرف مثلا و السعر هيبقى حلو أوى 48 مثلا.
و رأيي مانيوال عشان الفتيس الأوتوماتيك ممكن يكون فيه مشاكل لو كانت مع واحد غشيم و هو أصلا مابيساعدش أوى على السريع . اللى معانا أوتوماتيك و أخرها 130 عشان محتاجة فتيس بس برضه عادى ماشية من غير مشاكل. و لو احتاجت تغير من مانيوال لأوتوماتيك بعد كده ممكن لو عايز بس هى أحلى و أجمد مانيوال.
برضه الملكة حلوة و جربتها كتير لأنها مع زوجة خالى بس أنا رأيي العيون أحسن علشان العفشة. العيون ما بتحسش بحاجة و لكن الملكة ناشفة بتحس شوية مع العلم أن اللى بتكلم عليها عفشتها سليمة 100%.
عيبها الوحيد أنها بتسقط جامد من ورا لما بتحملها جامد أوى, يعنى الشنطة ماليانة على الآخر و الكنبة الورانية الكاوتش كان يادوبك هيدخل جوة الكارتيرة كلن بينهم صابعين بالضبط. غير كده هى فى متناول فلوسك و مش هتندم عليها أبدا, و الملكة برضه مش هتندم عليها عربية جميلة و واسعة بس أنا لو بختار بينهم أخد العيون (على الأقل هى الموديل الأحدث d:).

لو عايز نصيحة بجد بقى d: سيبك من التويوتا خالص و هات سيفيك d: أنا لما كنت بشترى اليسفيك بتاعتى قعدوا يترجونى أخد اللى مع والدتى بس ما رضيتش و فعلا ما ندمتش خااااالص. أحلى ألف مرة من التويوتا و لكن عيبها قطع الغيار لأنى فعلا بلف لف السنين بس لو دى مش مشكلة يبقى أكيد سيفيك هتلاقى 92 أو 93 حلوة جدا فبريكة بره و جوة ب 45 بالكتير ده بفرض مافيهاش شغل خالص. الموديلات اللى بعد كده ما أعرفش أسعارها بس كلها فى أربعينات أو خمسينات.

أنا محتاج عربية عالية عن الأرض والسيفيك أعتقد انها واطية وأغلب الطرق اللي بمشي عليها مطبات ومش مستوية وقطع غيارها زي ما قلت مش متوفرة وهتتعبني وشكراً لتعبك في الرد وجزاك الله خيراً

المشاركة الأصلية كتبت بواسطة j a g u a r

الكورولا الموديلات القديمه دى سعرها مبالغ فيه الصراحه زياده عن اللازم بطريقه غير عاديه

فعلاً بس مش هي لوحدها , الكوري والاكسيل اتفرج على سعرهم ربنا يكون في العون

المشاركة الأصلية كتبت بواسطة ahmed_elshafey

أيوه فعلا و الله. أنا عن نفسى أشترى سيفيك جيل خامس أو سادس على طول من غير كلام.
بس عشان تفهم هى غالية ليه, لازم يبقى معاك واحدة. راحة, واسعة, عفشة خطيرة, و أهم حاجة قطع غيار مرمية فى كل حتة.
بس أى كورولا من اللى عندنا دول ما تتساقش لو جيت للحق d:

بيني وبينك صعب برضه انك تدفع مبلغ زي ده في عربية ماشية من 20 سنة لكن السوق المصري فريد من نوعه

على فكرة السيفيك مش واطية. ده بالعكس العيون أوطى من السيفيك بتاعتى, و الملكة نفسها تقريبا. بس بدام مش عايز تلف و تغامر زينا كدا يبقى تويوتا على طول.

المشاركة الأصلية كتبت بواسطة ahmed_elshafey

على فكرة السيفيك مش واطية. ده بالعكس العيون أوطى من السيفيك بتاعتى, و الملكة نفسها تقريبا. بس بدام مش عايز تلف و تغامر زينا كدا يبقى تويوتا على طول.

إن شاء الله بدور حالياً على تويوتا حالتها كويسة سواء عيون او الملكة