إستلمت شارك النهارده و كان في شوية ملاحظات

**Mohamed_89** · 18-05-2014 06:54 PM

السلام عليكم

استلمت لنسر شارك الفئة الثانية وكيل وكان عندي شوية ملاحظات ياريت تفيدوني

القايم كان مكتوب عليه ديسمير 2013 هي كده هتترخص 2013 ولا 2014

المكان اللي بتتحط فيه الكبيات بتاعة الجنوط فيه صدء

استلمت الكتالوج و الاريال و كوريك و شنطة العده. في حاجه تاني باستلمها؟

الكاسيت اللي فيها العريض بشاشه من غير usb زي اللي بشوفه في الخليجي هوه ده الكاسيت بتاعها؟ انا كنت فاكر ان في usb

هل بيكون جاي مع الورق شهادة ضمان؟

طبعا انا قلقان ان يكون فيها اي اجزاء رشة فكنت عايز اطلع بيها بكرة علي التوكيل هو لازم احجز الاول و ايه اقرب فرع من حدائق القبة

لان فيه ايصال استلام مضيت عليه فيه بند ان المعرض غير مسؤول عن اي حاجة في العربية تخص الحالة او المواصفات بعد 72 ساعة من الاستلام وده مقلقني .
ياريت تفيدوني بارائكم

**M.Al-Hefnawy** · 18-05-2014 07:03 PM

أولاً ألف مبروك على العربية ربنا يديك خيرها ويكفيك شرها.
بالنسبة للملاحظات
الجنوط بتقى مصنوعة من الألومنيم ويتهيألي مش هاتصدي .. ولو ممكن حضرتك ترفع صورة ليها يبقى أوضح.

الحاجة التانية: طالما قلقان قوي بالنسبة لموضوع الرش أطلع على التوكيل أو شوف أي حد عندو الجهاز اللي بتعرف منه العربية مرشوشة ولا لأ علطول لأني اشتريت عربية زيرو من المصرية للسيارات من سنة واكتشفت إنها رشة رفرف خلفي بس بعد ما فات الأوان.

ربنا يطمنك إن شاء الله

**besokate** · 18-05-2014 08:07 PM

كل اللى انت بتقوله عادى جدا مفهوش حاجه مش طبيعيه

**kokowasfy** · 18-05-2014 08:47 PM

ألف مبروك على العربية ربنا يديك خيرها ويكفيك شرها.

**hany63** · 18-05-2014 10:58 PM

العربيه انتاج ٢٠١٣ بس هتترخص ٢٠١٤ المهم الافراج مكتوب فيه موديل ايه

**محمد سمير حسين** · 19-05-2014 10:41 AM

لربنا يباركلك كل اللي انت قولته ده عادي ماعدا موضوع الصدأ ده اللي مستبعد موضوع انها تكون راشة اي جزء ده انت ونصيبك بس باذن الله مافيهاش حاجة خليك متفاءل وهي هتترخص 2014