الموضوع: ملاحظاتي البسيطة عن الكروز 2014

المشاركة الأصلية كتبت بواسطة eng_moh.dewair

استاذ حسام اخبار الحليه دى معاك ايه ؟؟ يعنى لسه محافظه على جودتها و لونها و مفيش تقشير ؟ و كمان اللزق ال 3m بتاعها مثبتها كويس فى الدركسيون و لو فيها حركه لما بتلمسها بايدك ؟ و جربت ملمعات التابلوه بتاثر عليها فى حاجه ؟؟
بلنسبه للفرش الجلد حضرتك عملته و لا لسه ؟؟ انا عاوز اعمل فرش جلد كويس يا ريت الاعضاء يشاركونا بخبرتهم فى النقطه دى

الحليه ممتازه ومحافظه على لونها ومفيش تقشير بس انا من النوع المبالغ فيه شويه بمعنى انى مابمسكهاش كتير وايدى مايكونش فيها اى معطرات او برفانات او كحوليات


لكن لزقها للامانه مش تمام شيلت اللزقه الى فيها ولزقتها بدبل فيس تايوانى ودمتم راضى عنها بنسبة 95 فى الميه

المشاركة الأصلية كتبت بواسطة eng_moh.dewair

الدبل فيس التايوانى ده موجود فى كافور مثلا و لا اجيبه منين ؟؟؟ طيب و اللزق اللى بيبقى على الفريم النيكل الخارجى بيبقى كويس و لا هحتاج غيره ؟؟
لو ممكن كمان اسم المحل اللى شاريين منه النيكل و اخبار جوده النيكل ايه يعنى غير لونه و لا لسه كويس و بيتاثر بالغسيل و لا لا ؟؟ ان شاء الله هروح اشتريه يوم الخميس و احاول اركبه بنفسى و كمان الفرش اللى فى الشنطه عاوز اجيبه حضرتك كنت شاريه بكام و منين ؟

الدبل فيس التايوانى بيبقى اقوى من الصينى الافضل من الدبل بمراحل هو ال 3m ومش لاقيه خالص فى اسكندريه والمتر تقريبا ب 35 جنيه وده لزقه حديييد وده الى جاى فى النواكل وعشان كده لزقهم حديد مفيش اى قلق منه

النيكل خامته ممتاز ومفيش اى ملاحظات عليه الى الان


شاريه من عند محل اسلام فى عزبة سعد سموحه قبل اخر واحد على ايدك اليمين وموجود عند ناس تانيه فى نفس الصف بس اسأل لانه قليل اليومين دول

المشاركة الأصلية كتبت بواسطة eng_moh.dewair

لو هتشترى يا دكتور حليه الدركسيون دى انا كمان عاوز واحده . اعتقد تكلفه الشحن لقطعتين هتبقى اقل من قطعه واحده . عموما ابعتلى نمره حضرتك على الخاص و قولى المواعيد المناسبه ليك اكلمك فيها و نظبط مع بعض و نشتريهم . و لو حد تانى عاوز يقول و نتفق كل ما العدد زاد كل ما تكلفه الشحن تقل :copy of m-s5:

انا مع حضرتك لو هتشترى انا عايز اتنين ليا ولواحد صاحبى :)

السلام عليكم يا جماعة
أخوكم جديد في المنتدى و أنا بصراحة معجب جدا بمدى تعاون السادة رواد المنتدى

الفكرة اني بفكر ان شاء الله اجيب عربية جديدة و محتار بين الرابيد اتوماتيك و الكروز و انا ميال اكتر للكروز عشان معروفة عن الرابيد و كزة ميزة تانية بس قلقان من كام نقطه اكيد حضراتكم تقدرو تفيدني فيها مشكورين
1. سحب البنزين, هل عالي فعلا؟ الواحد قلقان شوية و خصوصا لما البنزين يغلى حتبقى مشكلهز
2. هل فعلا العربية فيها مشكلة في التعامل مع الشوارع الضيقة نتيجة كبر نصف قطر الدوران (انا بردو من اسكندرية و انتو عارفين الشوارع الجانبية عاملة ازاي).
3. اخبار التوكيل و قطع الغيار ايه
4. هل العرض بتاع 150,000 لسة مستمر ولا خلاص اتاخرت :(

مستني تعليقاتكو المميزة و ربنا يحفظكوا و يباكلكو