مشكلة في ستابليزر بيخرج 250v بدلا من 220v

واحد قريبي كان في ماليزيا وإشترالي ستابليزر هدية من هناك وصناعة ماليزية ، وبصراحة ممتاز جداً وواحد كهربائي قاللي اوعى تفرط فيه لأنك مش هتلاقي زيه لأن كل اللي موجود في السوق صيني.

المشكلة معايا ان لما جيت أقيسه بالأفوميتر عشان اشوف بيخرج تيار ثابت ولا لأ لقيته بيخرج 250v ثابت ، واحنا هنا فمصر شغالين على 220v
بصراحة أنا مش خبير في الكهربا فقولت جايز يكون عادي انو يخرج 250v ما هما فماليزيا شغالين على النظام ده ، فجبت لمبة 100 وات وقولت أجربها عليه لقيتها نورت أقوى من الطبيعي بتاعها فتأكدت ان لو وصلت عليه أي جهاز تاني هيتحرق.

إيه الحل ؟
هل في طريقة تخليه يخرج 220v ثابت؟

الافوميتر ديجتال عشان القرائه تكون صحيحه
قيس تانى مع الحمل وليكن اللمبه وشوف حيديك كام فولت بالحمل
اخيرا فى مقاومه متغيره لظبط الفولت بالداخل لو اتاكدت انه بيطلع 250 وتظبطه على 225

اقتباس:

---

المشاركة الأصلية كتبت بواسطة rotanamasoud

الافوميتر ديجتال عشان القرائه تكون صحيحه
قيس تانى مع الحمل وليكن اللمبه وشوف حيديك كام فولت بالحمل
اخيرا فى مقاومه متغيره لظبط الفولت بالداخل لو اتاكدت انه بيطلع 250 وتظبطه على 225

---

انا اصلا خليت كهربائي يقيسه وبعد مقاسه قالي ان غلط تشغل أي أجهزة عليه ، وفعلا أنا لما شغلت عليه اللمبة الـ 100 وات حسيت إنها قلبت 200 وات

بالنسة للمقاومة دي اجيبها منين وأركبها ازاي.

لا حضرتك كده معندكش خلفيه تتعامل معاه
حتروح للكهربائى وتخليه يفكه حيلاقى مقاومه متغيره زى اللى بتعلى وتوطى الكاسيت بس بدون اكس بتتظبط بالمفك حيلفها بالمفك حتى يظبط الفولت المطلوب
ولاكن قبل ما تعمل كده المفروض تحمل عليه جهاز كبير وميكونش فى ضرر من زياده الفولت عليه
يعنى لو الاستبلايزر 3 كيلو وصل عليه غلايه شاى (اكبرهم 2كيلو) وقيس الفولت مع الحمل اعتقد حتلاقيه مظبوط

اقتباس:

---

المشاركة الأصلية كتبت بواسطة rotanamasoud

لا حضرتك كده معندكش خلفيه تتعامل معاه
حتروح للكهربائى وتخليه يفكه حيلاقى مقاومه متغيره زى اللى بتعلى وتوطى الكاسيت بس بدون اكس بتتظبط بالمفك حيلفها بالمفك حتى يظبط الفولت المطلوب
ولاكن قبل ما تعمل كده المفروض تحمل عليه جهاز كبير وميكونش فى ضرر من زياده الفولت عليه
يعنى لو الاستبلايزر 3 كيلو وصل عليه غلايه شاى (اكبرهم 2كيلو) وقيس الفولت مع الحمل اعتقد حتلاقيه مظبوط

---

طب أنا رفعت صور الجهاز وقولي انت بقى كدة هو كام وات وممكن أحمل عليه ايه وكمان بص في الصورة التالتة بتاعة الجهاز من الخلف لو تلاحظ عند سلك الجهاز مكتوب INPUT: AC165-260V - 50Hz مش عارف ليه قلقت منها لأن معظم الأجهزة فمصر بيبقى مكتوب عند المداخل بتاعتها 220v-240v مش عارف ليه أنا قلقت من 260 دي وهل ليها علاقة بخرج الجهاز وهل ممكن يأثر عليه.

http://i61.tinypic.com/2qtfn78.jpg

http://i61.tinypic.com/24qlggj.jpg

http://i60.tinypic.com/5v97qq.jpg

في انتظار الرأي أخي

ده قدرته نصف كيلو تقريبا
الانبت 165 لانه يقدر يتعامل مع فولت قليل ابتداء من 165 والخرج يظل 230
اما ال260 لانه يقدر يتاعمل مع فولت عالى حتى 260 ويخرج 230
النص كيلو بيكون لاجهزه بسيطه كمبيوتر او رسيفر وتلفزيون
ممكن تجربه على مروحه(لن تتخطى 100 واط)وتقيس الفولت وهى شغاله

مهما حمل عليه مش هيعمل voltage drop ينزله من 260 ل 230 ده صعب جدا. أظن فيه حاجة مش مظبوطة في ال ستابلايزر نفسه. أفتح كده و بص بصة و صورلنا من جوه عشان نعرف نفيدك.

اقتباس:

---

المشاركة الأصلية كتبت بواسطة rotanamasoud

ده قدرته نصف كيلو تقريبا
الانبت 165 لانه يقدر يتعامل مع فولت قليل ابتداء من 165 والخرج يظل 230
اما ال260 لانه يقدر يتاعمل مع فولت عالى حتى 260 ويخرج 230
النص كيلو بيكون لاجهزه بسيطه كمبيوتر او رسيفر وتلفزيون
ممكن تجربه على مروحه(لن تتخطى 100 واط)وتقيس الفولت وهى شغاله

---

جميل أنا كدة فهمت مسألة الفولت بتاع الـinput دي
بس انت بتقول انو بيخرج 230 وفعلا هو مكتوب عليه كدة بس هو بيخرج 250v لما قيسته من غير موصل عليه أي جهاز وبصراحة أنا خايف أوصل عليه أي حاجة لأن انت مشوفتش اللمبة الـ100 وات لما بقت 200 فجأة :-).

اقتباس:

---

المشاركة الأصلية كتبت بواسطة svneleven

مهما حمل عليه مش هيعمل voltage drop ينزله من 260 ل 230 ده صعب جدا. أظن فيه حاجة مش مظبوطة في ال ستابلايزر نفسه. أفتح كده و بص بصة و صورلنا من جوه عشان نعرف نفيدك.

---

بصراحة أنا مش فاهم ، بس ماشي هفتحه وأصوره من جوة وهرفع الصور

الكهرباء فى ماليزيا 230/240
http://www.malaysia-trulyasia.com/to...ity_supply.htm

صور الجهاز من جوة أنا كنت فاكره معقد أكتر من كدة

http://i61.tinypic.com/2dr87bb.jpg

http://i59.tinypic.com/34iqy3b.jpg

فكرة عمل الاستبلايزر انه لما يكون الجهد واطى 165v يعليه الى 230v و لما يكون عالى 260V يوطيه الى 230v

الانبوت عندك من 165-260 ده الدخل بتاع الاستبلايزر
الاوت بوت عنك 230 زائد او ناقص 6 فى الميه يعنى من 216.2 الى 243.8
و ده عادى لان معظم الاجهزة مجهزه على 10 فى الميه زائد او ناقص

اقتباس:

---

المشاركة الأصلية كتبت بواسطة canner

فكرة عمل الاستبلايزر انه لما يكون الجهد واطى 165v يعليه الى 230v و لما يكون عالى 260v يوطيه الى 230v

الانبوت عندك من 165-260 ده الدخل بتاع الاستبلايزر
الاوت بوت عنك 230 زائد او ناقص 6 فى الميه يعنى من 216.2 الى 243.8
و ده عادى لان معظم الاجهزة مجهزه على 10 فى الميه زائد او ناقص

---

انا بحاول افهمه كده
عموما لو القرائه 250 زى ما بتقول وحبيت تخفضها عندك 4 فوليمات اللى هما راسهم صفراء بيتحركو بالمفك ولاكن احزر لو معندكش درايه ممكن تخليه يضربلك اى جهاز متوصل معاه
وقولتلك ابدء جربه باجهزه متتاثرش اوى بالفولت زى مروحه سخان شاى صغير مع القياس وقولنا على النتيجه
ملحوظه الجهاز عادى جدا وشكله من جوه مصنوع تحت بير السلم الماليزى

اقتباس:

---

المشاركة الأصلية كتبت بواسطة rotanamasoud

انا بحاول افهمه كده
عموما لو القرائه 250 زى ما بتقول وحبيت تخفضها عندك 4 فوليمات اللى هما راسهم صفراء بيتحركو بالمفك ولاكن احزر لو معندكش درايه ممكن تخليه يضربلك اى جهاز متوصل معاه
وقولتلك ابدء جربه باجهزه متتاثرش اوى بالفولت زى مروحه سخان شاى صغير مع القياس وقولنا على النتيجه
ملحوظه الجهاز عادى جدا وشكله من جوه مصنوع تحت بير السلم الماليزى

---

بس أنا بصراحة مش عارف أبدأ بأي واحد من الـ4 فوليمات اللي بتقول عليهم :-) عامة أنا هشوف وهجرب وهتكل على الله وهقولكم عالنتبيحة.
وفعلا انا لما فتحت الجهاز كنت متوقع هلاقيه معقد أكتر من كدة ، بس لقيبه عادي وأقل من العادي ، بس برضو بير السلم الماليزي أحسن من مصانع الصين كلها :-)

اقتباس:

---

المشاركة الأصلية كتبت بواسطة megop6m

بس أنا بصراحة مش عارف أبدأ بأي واحد من الـ4 فوليمات اللي بتقول عليهم :-) عامة أنا هشوف وهجرب وهتكل على الله وهقولكم عالنتبيحة.
وفعلا انا لما فتحت الجهاز كنت متوقع هلاقيه معقد أكتر من كدة ، بس لقيبه عادي وأقل من العادي ، بس برضو بير السلم الماليزي أحسن من مصانع الصين كلها :-)

---

يا جدعان حرام بقى
صين ايه وماليزيا ايه....دى حته دايره طالب فى اعدادى يجمعها
تفكيرنا ده اللى يخلى مصر مش موجوده على الخريطه اصلا

اقتباس:

---

المشاركة الأصلية كتبت بواسطة mk3

يا جدعان حرام بقى
صين ايه وماليزيا ايه....دى حته دايره طالب فى اعدادى يجمعها
تفكيرنا ده اللى يخلى مصر مش موجوده على الخريطه اصلا

---

والله فعلا معاك حق حتة دايرة وملف ملهومش لازمة بس تقول ايه بأة في العقلية المصرية اللي بتستورد الكبريت من الصين.

عندى نفس المشكلة
فى استبلايزر 1500 وات
وحرقلى ادابتور راوتر وباور سبلاى كمبيوتر
ومحدش عارف يصلحة

اقتباس:

---

المشاركة الأصلية كتبت بواسطة elawany13

عندى نفس المشكلة
فى استبلايزر 1500 وات
وحرقلى ادابتور راوتر وباور سبلاى كمبيوتر
ومحدش عارف يصلحة

---

سمعت انو بيتصلح فراديو طلعت ودي أنا مخليها الطريقة الأخيرة لو معرفتش أعمل حاجة هنا مع حبايبنا فنايل موتورز لأن بصراحة مشوار العتبة ده بيبقى صعب وتقيل عليا جداً.

للأسف عندى نفس المشكلة دى في ستبيلايزر 10 ك بشغل علية الشقة كلها + جاهز تكييف .
وطبعا الباشا بيشتغل زى الفل طول ما الفولت الداخل اقل من 180 يعنى بيخرج 230 أما لو الفولت الداخل ارتفع الى 190 فالباشا يخرج 250 .. ودى مشكلة كبيرة مش لاقى لها حل ... وطبعا غيرت الجهاز أكتر من مرة من الى انا شاريه منه (مصرى) وللأسف مازالت المشكلة قائمة .

اقتباس:

---

المشاركة الأصلية كتبت بواسطة salodas

للأسف عندى نفس المشكلة دى في ستبيلايزر 10 ك بشغل علية الشقة كلها + جاهز تكييف .
وطبعا الباشا بيشتغل زى الفل طول ما الفولت الداخل اقل من 180 يعنى بيخرج 230 أما لو الفولت الداخل ارتفع الى 190 فالباشا يخرج 250 .. ودى مشكلة كبيرة مش لاقى لها حل ... وطبعا غيرت الجهاز أكتر من مرة من الى انا شاريه منه (مصرى) وللأسف مازالت المشكلة قائمة .

---

يعني من الآخر الاستابليزر في مصر بيبوظ الأجهزة. يعني احنا تجيب الاستبلايزر وتدفع فلوس عشان تحمي الأجهزة تقوم تبوظ الأجهزة.
بشرة خير والله يا هندسة :-)

طب حد يقولنا المشكلة دي عامة ولا في ناس بتستخدم الاستبلايزر ده بأمان.

اقتباس:

---

المشاركة الأصلية كتبت بواسطة megop6m

يعني من الآخر الاستابليزر في مصر بيبوظ الأجهزة. يعني احنا تجيب الاستبلايزر وتدفع فلوس عشان تحمي الأجهزة تقوم تبوظ الأجهزة.
بشرة خير والله يا هندسة :-)

طب حد يقولنا المشكلة دي عامة ولا في ناس بتستخدم الاستبلايزر ده بأمان.

---

الكلام ده غريب
احنا بنستخدم ستبليزر كتير جدا
اكيد فى شئ غلط مثلا الكهﻻباء الاوت تكون 220/240 مش 220/250