الموضوع: حياتي بعد وفاه امي

بسم الله الرحمن الرحيم
غفر الله له وأسكنها فسيح جناتة . ونحسبها على خير لما إبتلاه ربها من بلاء ووجود ولد صالح يدعو لها ...
أخي الفاضل:
تأكد من أنك ستلاقيها لامحاله . ولكل أجل كتاب . ونحن جميعا لنفس المصير .
يجب أن تتجاوز المحنة وتواصل . وأستمد قوتك من أمك رحمها الله وكيف أستطاعت تجاوز جميع المحن التي مرت بها .
تأكد أنها ستسعد بك في قبرهاإذا ماكنت سعيدا في دنيتك . إذا مارزقك الله بولد ذكرتها بخيرا أمامه وعلمتة أن جدته كانت زوجة وأم و رب أسرة ولاقت ربها راضة مرضية بإذن الله.
إذا ماكنت في أستطاعتك عمل خير لها من صدقة & عمرة &..... فأفعل
تذكر الحديث الشريف دائماً:
إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له-رواه مسلم،

المشاركة الأصلية كتبت بواسطة ابوحبيبة2010

امى ثم ابى

الحياة صعبة من غيرهم

ولا زوجة ولا ابن تعوض الام والأب

ربنا يعينك على ما انت فيه و ربنا يرحمهم رحمه واسعه

المشاركة الأصلية كتبت بواسطة kemoztanta

ربنا يصبرك و أدعي لها دا اللي ينفعها دلوقتي و متستسلمش لإحزانك انت وراك رسالة وبيت اسرة لازم تبينهم لسه .. ربنا أولي بعباده و ارحم عليها منك رغم حبك الكبير لها..

ده اكيد و بحاول على قد ما اقدر ازود الدعاء

و الله موضوع اني مستسلمش لاحزاني ده بقى صعب بس الواحد بيحاول فعلا

ما ده اللي بيصبر الواحد و الله انه قدامه اسره نفسه يبنيها زي الاسره اللي الواحد اتربى فيها

و اكيد ربنا اولى و ارحم و ده اللي بيخلي الواحد مستحمل عيشته انها اكيد في مكان احسن من هنا كتير جداا

المشاركة الأصلية كتبت بواسطة kar!m

دايما افتكر ان الدنيا دي مرحلة مؤقتة .. فكر في العشر سنين اللي فاتوا هتلاقيهم عدوا هوا .. و العشر سنين اللي جايين كذلك .. و اعمل ليوم تبقى انت و هي في الجنة ان شاء الله .. مش سنة ولا عشرة ولا ألف ولا مليون .. لأ للأبد ان شاء الله.

فعلا و الله كل ما اوصل لمرحله شديده من الحزن افتكر الكلام ده و ابتدي احس اني ممكن اعمل حاجه تخليني احسن

المشاركة الأصلية كتبت بواسطة ameerahmad

ربنا يرحمها ويصبرك على الفراق

امين يا رب

المشاركة الأصلية كتبت بواسطة prof2013

ربنا يرحمها ويجمعك بيها في الجنه
ويطيل عمر امهاتنا وابائنا

امين يا رب

المشاركة الأصلية كتبت بواسطة qkash.com

اللهم رفقاً بأمهاتنا وابائنا احياءاً و بعد الممات...اللهم آمــــــــــــين
"وقل ربى ارحمهما كما ربيانى صغيراً"
صدق الله العظيم

الهم اميييييييييين

المشاركة الأصلية كتبت بواسطة احمد المصرى

موضوعك دا قلب علينا المواجع

من حوالى سنتين تقريبا ربنا اكرمنى وزهبت لاداء العمره وسبحان الله وانا هناك عملت عمره لوالدى واول لما رجعت قعد مع والدى لمده اسبوعين وبعديها مباشره توفاه الله وكان بصحه جيده فى الايام دى وتوفاه الله يوم جمعه وكنت حاسس انى فى حلم او كابوس لحد لما رجعت بعديها بكام يوم للبيت وبدات افوق واعرف انه مات ساعدها بدات المشكله النفسيه ولما يحصل اى موقف ومعرفش احله وهو كان بيحله بكلمه او بتليفون او وجوده فى البيت وهو قاعد على الكرسى بتاعه مع مرضه الشديد ولكن البيت كان ليه هيبه وكان ليه كيان وكان لينا ظهر تحتمى بيه


ولحد الان وبعد مرور سنتين واكتر حاسس انه ممكن يرجع طبعا مش قله ايمان بس انت عارف العيل الصغير لما بيحلم بحاجه وهو عارف انها اسحاله تحصل ..... وربنا يرحمه ويرحم جميع اموات المسلمين ويرحم مامتك ويسكنها فسيح جناته

ربنا يرحمه و يغفر له ذنوبه و يعفو عنه

شعور صعب جداا جداا فعلا

انك تبقى لسه مش مصدق انك خلاص مش هتشوفه تاني

و ده اللي بيخليك تبقى اول كام يوم قاعد عادي زعلان بس عادي

و اذ فجأه تكتشف انه مش هيرجع تاني و مش هتشوفه تاني و هنا فعلا بتبدي مرحله الحزن بجد

ربنا يرحمه و يغفر له و يعفو عنه

لا نملك الا الدعاء لهم لحد اما نتجمع كلنا ان شاء الله في جنه الخلد ( اللهم ارزقنا الفردوس الاعلى )

المشاركة الأصلية كتبت بواسطة mohamed_hamid

أسأل الله تعالى أن يرحمها رحمة واسعة وأن يدخلها فسيح جناته وكل موتى المسلمين
يا أخى أبشر بالسعادة والسرور فى الدنيا قبل الآخرة ان شاء الله فأنت بر بوالدتك محب لها حزين لفراقها بدون اعتراض على أمر الله بل رضا تام بقضائه وحمد له على فضله ونعمه. هنيئا لك وفوز عظيم ان شاء الله فى الدنيا والآخرة
عليك بكثرة الدعاء والأعمال الصالحة لتزيد حسناتكما ان شاء الله

اللهم امين

كلامك اثر فيا جامد قوي

متشكر جداا جداا لكلامك الجميل

اللهم اعنا على ذكرك و شكرك و حسن عبادتك يا ارحم الراحمين

ربنا يغفرلها ويرحمها ويسكنها فسيح جناته ان شاء الله

ربنا يرحمها رحمة واسعة ويسكنها فسيح جناته انه على كل شيء قدير ويجمعك بيها فالجنة ان شاء الله ويهون عليك فراقها