تقرير تغيير طقم الدبرياج - ابيزا 99 محرك 1.4 mpi (سلسلة الأبيزا عربية أعتمادية)

**SYD** · 19-05-2014 04:30 PM

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز
تحية طيبة،

من أواخر موضوعاتي كنت بشتكي من أسطوانة الدبرياج
عربيتي جابت اسطوانة - ابيزا 99 محرك 1.4 mpi

طبعاً في البداية أحب أوجه الشكر لأخوتي وأصدقائي أ/ حسام الصادق وم/ محمد أبومريم علي عرضهم المساعدة.
لكن الحقيقة انا لما روحت لعصام وفرجته علي الديسك قالي مش هينفع التقييم بمجرد النظر - لازم أفك واركب وهيبان بالتجربة
وبالتالي فك وتركيب ومصنعية وعلي التجربة - فأنا فضلت اني اشتري طقم جديد علي بعضه هيكون افضل
كذلك الحال مع الأسطوانة والبلية بتوع م/ محمد ابومريم
شكراً مرة تانية علي شعوركم الطيب.

أشتريت طقم ساكس ألماني من فتح الباب فرع الحرفيين
http://www.nilemotors.net/Nile/34102...post3875568500

الحمدلله الطقم شغال معايا كويس
والفتيس بقي انعم بكتير في غياراته والسحب اتحسن وطلعة العربية بقيت اقوي من الأول

بس للأسف الشديد يوم التركيب كنت مشغول مع أخي محمد ابومريم ونسيت خالص أقول لعصام اني عايز امسح ترس الفلام بالمرة طالما فكيت
الحمدلله علي كل حال

نيجي بقي للمفاجأة بعد ما اتخلع الطقم القديم

لاحظ معايا السوستة في الأسطوانة !!!
السوستة ناطرة من مكانها وماشية عكس اتجاه باقي السوست - ومش بس كدة - دي مكسور منها حلقتين ، واحدة منهم لازقة في جسم الأسطوانة
هتقولي العربية كانت ماشية ازاي - هقولك ماعرفش

وكالعادة سيات ابيزا في كل مرة صيانة بتثبتلنا أكتر انها بجد سيارة اعتمادية ومابتفرقش معاها الحاجات الصغيرة دي

كل الشكر لسيارتي سيات ابيزا
ربنا يارب يباركلي فيها ويحفظها من كل سوء
فعلا كل مرة صيانة بحب عربيتي اكتر لأنها بجد مستحملاني ومستحملة العجن والفحت اللي بيحصل فيها

أنتظروني في صيانة جديدة وتقرير جديد ان شاء الله

تحياتي للجميع وشكراً لمتابعتكم

**Karim Ibiza** · 19-05-2014 04:43 PM

مبروك الاسطوانة الجديدة
أكيد حسيت بفرق فى سحب الموتور والتجميع

**SYD** · 19-05-2014 05:37 PM

المشاركة الأصلية كتبت بواسطة hazem_ahmed

ربنا يباركلك فيها يا رب ويكفيك شر الطريق

وفعلا انا كنت متابع الموضوع ده باستمرار ومعلومات مفيده فعلا لانى شكل هخوض نفس التجربه قريب

بس لو امكن توضيح بسيط لاعراض تلف طقم الدبيرياج سواء كان ديسك او اسطوانه او بليه وامتى اقدر اقول انه كده خلاص جا اخره

وشكرااااااااااااااااا

شكراً علي دعواتك
وربنا يجازيك خير

والله الأعراض كتير
انا شخصياً بسبب التلف اللي حصل في الأسطوانة لقيت الغيارات تقيلة جداً معايا بالذات الأول والريفيرس
لكن بوجه عام
لو البلية خشنة هتلاقي الدبرياج تقيل اوي تحت رجلك وهتسمع صوت خشونة البلية والصوت هيروح اول لما تدوس دبرياج - ودة عموماً عيب لا يستدعي تغير الطقم عشانه الا لو حصل لا قدر الله والبلية فرطت وهنا هتلاقي الدبرياج حجر معاك ومش هيتعرف اصلا تستخدمه

اما الأسطوانة لو متأكله فهتلاقي مفيش عزم نهائي لأن الأسطوانة بتفوت وبالتالي هتلاقي العربية مش بتعلي عن سرعات معينة وكمان هتلاحظ عدم تناسب بين صوت المحرك والسرعة

ولو الديسك فيه مشاكل فهتلاقي الغيارات تقيلة والعربية بترج منك في الطلعة واحتمال تنتش بين الغيارات

تحياتي لحضرتك
وشكراً علي مرورك الطيب

**SYD** · 19-05-2014 05:38 PM

المشاركة الأصلية كتبت بواسطة karim ibiza

مبروك الاسطوانة الجديدة
أكيد حسيت بفرق فى سحب الموتور والتجميع

الله يبارك فيك يا كيمو
فعلا العربية طلعتها بقت اقوي من الأول وتحسها بتنط منك والدبرياج نعم تحت رجلي والفتيس غياراته بقت اسهل

الحمدلله علي كل حال

**hossamalsadik** · 19-05-2014 05:39 PM

مبروك الطقم الجديد ولاشكر على واجب
طبعا العربيه كده بقت مغريه للجرى فخلى بالك ربنا يباركلك فيها

**SYD** · 19-05-2014 05:42 PM

المشاركة الأصلية كتبت بواسطة hossamalsadik

مبروك الطقم الجديد ولاشكر على واجب

الله يبارك فيك
وشكراً علي تعاونك وشعورك الطيب

تحياتي

**SYD** · 19-05-2014 07:58 PM

المشاركة الأصلية كتبت بواسطة hazem_ahmed

عدم تناسب بين صوت المحرك والسرعة

هوا ده اللى بدور عليه :) شكرا وجزاك الله خيرا :)

جزاك الله خيراً مثله

-

-

الموضوع: تقرير تغيير طقم الدبرياج - ابيزا 99 محرك 1.4 mpi (سلسلة الأبيزا عربية أعتمادية)

LinkBack

أدوات الموضوع

عرض

تقرير تغيير طقم الدبرياج - ابيزا 99 محرك 1.4 mpi (سلسلة الأبيزا عربية أعتمادية) - انشر الموضوع فى :

-

-

-

-

-

-

المواضيع المتشابهه

تقرير عن تغيير الزجاج الحلفى ابيزا 94

تقرير تغيير طرمبة المياه - ابيزا 94

تقرير عن تغيير طقم الدبرياج للافيو

نصيحه عند تغيير كبالن الأبيزا

الشكمان اتخرم والردياتير اتكسر (سلسلة الأبيزا عربية اعتمادية)

الكلمات الدلالية لهذا الموضوع

المفضلات

المفضلات

ضوابط المشاركة