الموضوع: انت لو معاك 200 الف جنية هتشتري عربية اية ولية

المشاركة الأصلية كتبت بواسطة mohamed.hany

اللي عاوز يتكلم براحته انا مبعترضش ولا بقول لحد يسكت. و زي مانا مش بقول لحد يسكت سيبني اتكلم براحتي و اعلق و متقوليش اني بقف رقيب لما ارد !
انا معترضتش ان العربية كانت واطية ، و الناس كلها عارفة ، و انا مش بخبي و لا بنكر ، بس هي كانت واطية و مازالت و لا الموضوع ده انتهي ؟ يعني الراجل هيشتري عربية كورولا واطية ؟ ولا عالية ؟ مردتش علي سؤالي برضو ؟ هو ده اعتراضي انك تقول حاجة ملهاش معني او مش موجودة حاليا ؟
يعني الراجل يهمه ايه التحذير ده او يهمه ايه في الماضي ؟ يعني ان مثلا لو واحد بيفكر في الفلوانس مش هقولك تقوله علي مشكلة الموتور ولا الدركسيون هقولك هتقوله ان العربية كانت ١٠٥ حصان او هتقوله ان العربية كان فيها مشكلة في طرمبة البنزين ؟ ولا ده ماضي و اتعدل خلاص في الفيس ليفت ؟ و هو بيشتري جديد فملوش دعوة بالقديم و مشاكل القديم.
كون اني بعمل موضوع بقارن فيه المعدلة و غير المعدلة فده لافادة الناس فقط لا غير ابين ان الغربية عليت و عليت قد ايه بالسنتي عشان كل اللي كان بيسأل و سعيد انك بتقرا مواضيعي و متابعها.
و في النهاية بكرر للمرة المليون انا بتكلم علي انك بتقول عيب الكورولا انها واطية ، طيب و بعدين ؟ فضلت واطية و لا ايه اللي حصل ؟
الاسترا مسخنتش ، و موجودة في السوق بقالها سنتين مسمعتش الشكوى دي ابدا كونك بتتوقع ده بقي حاجة تاتية ، يعني انا ممكن اتوقع اي حاجة و تبقي حقيقة ؟
و حتي لو بتسوق و عندك ٥ سنين السواقة ملهاش كبير و مش شرط انك معومتش يبقي كدة خلاص ممكن تعوم في اي موقف او لحظة و ساعتها ال esp هو اللي هينقذك و هعتبر نفسي خبرتي اقل منك في السواقة و هقول اني محتاجه في عربيتي للاحساس بالامان و للسلامة.
كلام ان مشرف القسم رقيب ده غير مقبول نهائي ، انا مش رقيب انا فقط بعلق زي اي عضو فاضل و ده ابسط حقوق اي حد انه يرد لو في كلام شايفه مش مظبوط و كلام مش حقيقي زي ان الاسترا هاتسخن او في احتمالية انها تسخن او تحذير لواحد بيشتري كورولا جديدة انها واطية و هي معدلة من شهر يناير.

اه باذكره لانه حاجه تمت و ما زالت مرتبطه بالواقع الحالى عند الشرا فى حاجتين اللى بيشترى دلوقتى بيسأل عليهم و ما فيش حد يقدر يجاوب عليهم اجابه قاطعه او يتحمل مسئولية الاجابه عليهم حاليا حتى انت مش بترضا تجاوب عليهم لما حد بيسأل , ايه اخبار الثبات و الاتزان بعد التعديل ؟؟؟ هل هو هو قبل التعديل ؟ مش من حق الراجل اللى هايشترى ده يسأل السؤال ده اللى مرتبط بالتعديل اللى انت بتقول عليه ده تم و بقا من الماضى ؟ مش من حقه لما يقف و يتفرج يسأل هو التعديل ده ظاهر كده ليه ؟ الشكل ده مش مرتبط بالتعديل اللى من الماضى ؟ هل تعلم علم اليقين انه مش هاتظهر اى مشكله فرديه فى الكورولا , موتور , فتيس , ايا كان , و تتاخد انها مشكله عامه ؟
بالنسبه للسخونه بتاعة الاسترا من حقك تتوقع حاجه و قد تصبح حقيقه او لا , انت بتقول فى الاخر وجهة نظرك اللى بنيت عليها موافقتك او رفضك و قد تكون صح او خطأ , ده راجع للراجل اللى هايشترى هو شايفها مقنعه و لا لأ , و هيه الفيكترا و لا الاسترا القديمه سخونيتها ظهرت بعد سنتين بس برضه ؟؟؟ و كانت سبب سخونيتهم ايه ؟ مش نفس الكلام اللى باقوله ؟ يعنى ليه حق اتوقعه من شركه لها تاريخ فى الموضوع ده , زى ما ناس كتيره تخاف تشترى الرينو لكثرة اعطاله بالنسبه للموديلات قبل كده , عندهم حق , و اللى جرب و متأكد من كلامه انه مابقاش فيه المشاكل دى يدخل و يزيلها واقعيا و عن تجربه
اه بادخل و اقرا مواضيعك و ليه الشرف باعترف مش بانكر , هو احنا فى منتدى ليه ؟

اه ادخل و قول الفلوينس القديمه كانت 105 حصان و كانت تقيله على الموتور و دلوقتى الموتور الجديد 115 حصان يابانى و ضح كان فين العيب و بقت ايه الميزه قول الفتيس القديم كان ايه و الجديد ايه و التكييف , ادخل وقول انه ظهرت مشكله عند مالك فى نقص الزيت و التوكيل غير له الموتور و اعطا له فلوينس تانيه يمشى بها لغاية ما يخلصوا العربيه , علشان الراجل يعرف برضه التوكيل اللى هايتعامل معاه شكله ايه ,الراجل هايستفيد اكتر من كلامنا و هاتكون الصوره اوسع ادامه , كلنا مرينا بالمرحله دى و سألنا و عايزين التفاصيل الاكتر و انا باعتبره دين علينا بنرده و عليه ياخد كلامنا و يتحقق من نقطه الصح صح و الغلط غلط