ارجوكم ساعدونى فى مياه تحت الدواسه

**helmy537** · 11-10-2008 01:19 PM

ياجماعه حد هنا عنده فكره عن المشكله دى بقالى كام مره لما اغسل العربيه او احط مياه على الزجاج من قدام بعد ماخلص والعربيه انشفها ابص تحت الدواسه بتاعتى الاقى مياه والارضيه شاربه مياه مش عارف المياه بتنزل منين ولا بتدخل منين ياريت حد يساعدنى اعمل ايه ولا اروح لمين العربيه 98ولكم الشكر
اخوكم احمد حلمى

**Tam** · 11-10-2008 03:23 PM

السلام عليكم..المشكلة دي بتحصل لما يكون الكاوتش بتاع الزجاج أو البيبان مش محكوم..لو من الزجاج إعمله بسيليكون ولو من البيبان روح لحد بتاع أبواب يظبطهالك

**helmy537** · 11-10-2008 04:31 PM

بس انا بدخل العربيه علشان اشوف اثار مياه مسربه من مكان ما مش بلاقى

**Tam** · 11-10-2008 04:41 PM

مش شرط تشوفها لأنها ببساطة ممكن متكونش من الكاوتش من فوق..ممكن تكون من تحت يعني عند أول التابلوه كدة وبتترسب بعد كدة في الدواسة

**helmy537** · 11-10-2008 04:57 PM

خلاص انا اروح اشوفها عند ميكانيكى ولا عند واحد بتاع ايه بالظبط معلش تاعبك معايا بجد الموقع ممتاز انا كاتب مقاله تانيه الوقتى شوفت المشكله دى بتاع الحراره

**Tam** · 11-10-2008 05:04 PM

مافيش تعب ولا أي حاجة..أصل المشكلة دي كانت عندي فأنا عارف بتخنق أد إيه..إنت روح لبتاع أبواب وزجاج وقول له العربية بتسرب مية ومش عارف منين وهو هيبصلك عليها..وهاشوف موضوعك التاني لو أقدر أفيدك هاقول لك إن شاء الله..السلام عليكم

**superkenwood** · 12-10-2008 09:54 PM

نفس المشكلة حصلت معايا في الفيكترا 2000 .. لقيت ميه في الدواسة بتاعت السواق !! قعدت أفكر ايه السبب لقيت في رطوبة عالية تحت الدواسة الجلد اللي عند السواق ..
الظاهر ان هناك شيء زي تجويف تحت تلك الدواسة بتجمع المية لأني قبل ظهور المشكلة غسلت العربية في مغسلة في الدقي (من الداخل فقط) بـ 100 جنيه !!! فالظاهر انها كانت بذمة شوية ..

حل المشكلة بالنسبة لي : الصبر وتهوية السيارة ومحاولة شفط المياه باسفنجه

لكن أعتقد ان مشكلتك مختلفة لأنك مغسلتش العربية من جوه .. ربنا معاك وابقى طمنا